| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. សរណគមនិយត្ថេរអបទានំ
8. Saraṇagamaniyattheraapadānaṃ
៣៦.
36.
‘‘បព្ពតេ ហិមវន្តម្ហិ, អហោសិំ លុទ្ទកោ តទា;
‘‘Pabbate himavantamhi, ahosiṃ luddako tadā;
វិបស្សិំ អទ្ទសំ ពុទ្ធំ, លោកជេដ្ឋំ នរាសភំ។
Vipassiṃ addasaṃ buddhaṃ, lokajeṭṭhaṃ narāsabhaṃ.
៣៧.
37.
‘‘ឧបាសិត្វាន សម្ពុទ្ធំ, វេយ្យាវច្ចមកាសហំ;
‘‘Upāsitvāna sambuddhaṃ, veyyāvaccamakāsahaṃ;
សរណញ្ច ឧបាគច្ឆិំ, ទ្វិបទិន្ទស្ស តាទិនោ។
Saraṇañca upāgacchiṃ, dvipadindassa tādino.
៣៨.
38.
‘‘ឯកនវុតិតោ កប្បេ, សរណំ ឧបគច្ឆហំ;
‘‘Ekanavutito kappe, saraṇaṃ upagacchahaṃ;
ទុគ្គតិំ នាភិជានាមិ, សរណាគមនប្ផលំ។
Duggatiṃ nābhijānāmi, saraṇāgamanapphalaṃ.
៣៩.
39.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សរណគមនិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā saraṇagamaniyo thero imā gāthāyo abhāsitthāti.
សរណគមនិយត្ថេរស្សាបទានំ អដ្ឋមំ។
Saraṇagamaniyattherassāpadānaṃ aṭṭhamaṃ.
