| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༣. སརདསུཏྟཾ
3. Saradasuttaṃ
༩༥. ‘‘སེཡྻཐཱཔི, བྷིཀྑཝེ, སརདསམཡེ ཝིདྡྷེ ཝིགཏཝལཱཧཀེ དེཝེ ཨཱདིཙྩོ ནབྷཾ ཨབྦྷུསྶཀྐམཱནོ 1 སབྦཾ ཨཱཀཱསགཏཾ ཏམགཏཾ ཨབྷིཝིཧཙྩ བྷཱསཏེ ཙ ཏཔཏེ ཙ ཝིརོཙཏི ཙ།
95. ‘‘Seyyathāpi, bhikkhave, saradasamaye viddhe vigatavalāhake deve ādicco nabhaṃ abbhussakkamāno 2 sabbaṃ ākāsagataṃ tamagataṃ abhivihacca bhāsate ca tapate ca virocati ca.
‘‘ཨེཝམེཝཾ ཁོ, བྷིཀྑཝེ, ཡཏོ ཨརིཡསཱཝཀསྶ ཝིརཛཾ ཝཱིཏམལཾ དྷམྨཙཀྑུཾ ཨུཔྤཛྫཏི 3, སཧ དསྶནུཔྤཱདཱ, བྷིཀྑཝེ, ཨརིཡསཱཝཀསྶ ཏཱིཎི སཾཡོཛནཱནི པཧཱིཡནྟི – སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསོ།
‘‘Evamevaṃ kho, bhikkhave, yato ariyasāvakassa virajaṃ vītamalaṃ dhammacakkhuṃ uppajjati 4, saha dassanuppādā, bhikkhave, ariyasāvakassa tīṇi saṃyojanāni pahīyanti – sakkāyadiṭṭhi, vicikicchā, sīlabbataparāmāso.
‘‘ཨཐཱཔརཾ དྭཱིཧི དྷམྨེཧི ནིཡྻཱཏི ཨབྷིཛ྄ཛྷཱཡ ཙ བྱཱཔཱདེན ཙ། སོ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི། ཏསྨིཾ ཙེ, བྷིཀྑཝེ, སམཡེ ཨརིཡསཱཝཀོ ཀཱལཾ ཀརེཡྻ, ནཏྠི ཏཾ 5 སཾཡོཛནཾ ཡེན སཾཡོཛནེན སཾཡུཏྟོ ཨརིཡསཱཝཀོ པུན ཨིམཾ 6 ལོཀཾ ཨཱགཙྪེཡྻཱ’’ཏི། ཏཏིཡཾ།
‘‘Athāparaṃ dvīhi dhammehi niyyāti abhijjhāya ca byāpādena ca. So vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Tasmiṃ ce, bhikkhave, samaye ariyasāvako kālaṃ kareyya, natthi taṃ 7 saṃyojanaṃ yena saṃyojanena saṃyutto ariyasāvako puna imaṃ 8 lokaṃ āgaccheyyā’’ti. Tatiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༣. སརདསུཏྟཝཎྞནཱ • 3. Saradasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣. སརདསུཏྟཝཎྞནཱ • 3. Saradasuttavaṇṇanā
