| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༣. སརདསུཏྟཝཎྞནཱ
3. Saradasuttavaṇṇanā
༩༥. ཏཏིཡེ ཝིདྡྷེཏི ཝལཱཧཀཝིགམེན དཱུརཱིབྷཱུཏེ། དེཝེཏི ཨཱཀཱསེ། ཨབྷིཝིཧཙྩཱཏི ཨབྷིཝིཧནིཏྭཱ། ཡཏོཏི ཡསྨིཾ ཀཱལེ། ཝིརཛནྟི རཱགརཛཱདིརཧིཏཾ། ཏེསཾཡེཝ མལཱནཾ ཝིགཏཏྟཱ ཝཱིཏམལཾ། དྷམྨཙཀྑུནྟི ཙཏུསཙྩདྷམྨཔརིགྒཱཧཀཾ སོཏཱཔཏྟིམགྒཙཀྑུཾ། ནཏྠི ཏཾ སཾཡོཛནནྟི དུཝིདྷམེཝསྶ སཾཡོཛནཾ ནཏྠི, ཨིཏརམྤི པན པུན ཨིམཾ ལོཀཾ ཨཱནེཏུཾ ཨསམཏྠཏཱཡ ནཏྠཱིཏི ཝུཏྟཾ། ཨིམསྨིཾ སུཏྟེ ཛྷཱནཱནཱགཱམཱི ནཱམ ཀཐིཏོཏི།
95. Tatiye viddheti valāhakavigamena dūrībhūte. Deveti ākāse. Abhivihaccāti abhivihanitvā. Yatoti yasmiṃ kāle. Virajanti rāgarajādirahitaṃ. Tesaṃyeva malānaṃ vigatattā vītamalaṃ. Dhammacakkhunti catusaccadhammapariggāhakaṃ sotāpattimaggacakkhuṃ. Natthi taṃ saṃyojananti duvidhamevassa saṃyojanaṃ natthi, itarampi pana puna imaṃ lokaṃ ānetuṃ asamatthatāya natthīti vuttaṃ. Imasmiṃ sutte jhānānāgāmī nāma kathitoti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༣. སརདསུཏྟཾ • 3. Saradasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣. སརདསུཏྟཝཎྞནཱ • 3. Saradasuttavaṇṇanā
