| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
២. សប្បុរិសសុត្តំ
2. Sappurisasuttaṃ
៤២. ‘‘សប្បុរិសោ, ភិក្ខវេ, កុលេ ជាយមានោ ពហុនោ ជនស្ស អត្ថាយ ហិតាយ សុខាយ ហោតិ; មាតាបិតូនំ 1 អត្ថាយ ហិតាយ សុខាយ ហោតិ; បុត្តទារស្ស អត្ថាយ ហិតាយ សុខាយ ហោតិ; ទាសកម្មករបោរិសស្ស អត្ថាយ ហិតាយ សុខាយ ហោតិ; មិត្តាមច្ចានំ អត្ថាយ ហិតាយ សុខាយ ហោតិ; សមណព្រាហ្មណានំ អត្ថាយ ហិតាយ សុខាយ ហោតិ។
42. ‘‘Sappuriso, bhikkhave, kule jāyamāno bahuno janassa atthāya hitāya sukhāya hoti; mātāpitūnaṃ 2 atthāya hitāya sukhāya hoti; puttadārassa atthāya hitāya sukhāya hoti; dāsakammakaraporisassa atthāya hitāya sukhāya hoti; mittāmaccānaṃ atthāya hitāya sukhāya hoti; samaṇabrāhmaṇānaṃ atthāya hitāya sukhāya hoti.
‘‘សេយ្យថាបិ, ភិក្ខវេ, មហាមេឃោ សព្ពសស្សានិ សម្បាទេន្តោ ពហុនោ ជនស្ស អត្ថាយ ហិតាយ សុខាយ ហោតិ; ឯវមេវំ ខោ, ភិក្ខវេ, សប្បុរិសោ កុលេ ជាយមានោ ពហុនោ ជនស្ស អត្ថាយ ហិតាយ សុខាយ ហោតិ; មាតាបិតូនំ អត្ថាយ ហិតាយ សុខាយ ហោតិ; បុត្តទារស្ស អត្ថាយ ហិតាយ សុខាយ ហោតិ; ទាសកម្មករបោរិសស្ស អត្ថាយ ហិតាយ សុខាយ ហោតិ; មិត្តាមច្ចានំ អត្ថាយ ហិតាយ សុខាយ ហោតិ; សមណព្រាហ្មណានំ អត្ថាយ ហិតាយ សុខាយ ហោតី’’តិ។
‘‘Seyyathāpi, bhikkhave, mahāmegho sabbasassāni sampādento bahuno janassa atthāya hitāya sukhāya hoti; evamevaṃ kho, bhikkhave, sappuriso kule jāyamāno bahuno janassa atthāya hitāya sukhāya hoti; mātāpitūnaṃ atthāya hitāya sukhāya hoti; puttadārassa atthāya hitāya sukhāya hoti; dāsakammakaraporisassa atthāya hitāya sukhāya hoti; mittāmaccānaṃ atthāya hitāya sukhāya hoti; samaṇabrāhmaṇānaṃ atthāya hitāya sukhāya hotī’’ti.
‘‘ហិតោ ពហុន្នំ បដិបជ្ជ ភោគេ, តំ ទេវតា រក្ខតិ ធម្មគុត្តំ;
‘‘Hito bahunnaṃ paṭipajja bhoge, taṃ devatā rakkhati dhammaguttaṃ;
ពហុស្សុតំ សីលវតូបបន្នំ, ធម្មេ ឋិតំ ន វិជហតិ 3 កិត្តិ។
Bahussutaṃ sīlavatūpapannaṃ, dhamme ṭhitaṃ na vijahati 4 kitti.
‘‘ធម្មដ្ឋំ សីលសម្បន្នំ, សច្ចវាទិំ ហិរីមនំ;
‘‘Dhammaṭṭhaṃ sīlasampannaṃ, saccavādiṃ hirīmanaṃ;
នេក្ខំ ជម្ពោនទស្សេវ, កោ តំ និន្ទិតុមរហតិ;
Nekkhaṃ jambonadasseva, ko taṃ ninditumarahati;
ទេវាបិ នំ បសំសន្តិ, ព្រហ្មុនាបិ បសំសិតោ’’តិ។ ទុតិយំ;
Devāpi naṃ pasaṃsanti, brahmunāpi pasaṃsito’’ti. dutiyaṃ;
Footnotes:
Related texts:
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-២. អាទិយសុត្តាទិវណ្ណនា • 1-2. Ādiyasuttādivaṇṇanā
