| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਸਪ੍ਪਸੁਤ੍ਤવਣ੍ਣਨਾ
6. Sappasuttavaṇṇanā
੧੪੨. ਸੁਰਾਕਾਰਕਾਨਨ੍ਤਿ ਪਿਟ੍ਠਸੁਰਾਯੋਜਨਕਾਨਂ। ਕੋਸਲਾਨਂ ਇਸ੍ਸਰੋਤਿ ਕੋਸਲੋ, ਕੋਸਲਰਾਜਸ੍ਸ ਅਯਨ੍ਤਿ ਕੋਸਲਿਕਾ। ਪਰਿਭੋਗਪਾਤੀਤਿ ਭਤ੍ਤਪਰਿਭੋਜਨਤ੍ਥਾਯ ਪਾਤਿ ਪਰਿਭੋਗਪਾਤਿ। ਕਮ੍ਮਾਰੁਦ੍ਧਨਪਣਾਲ਼ਿਯਾਤਿ ਕਮ੍ਮਾਰੁਦ੍ਧਨਪਣਾਲ਼ਿਮੁਖੇ। ਧਮਮਾਨਾਯਾਤਿ ਧਮਿਯਮਾਨਾਯ। ਤਂ ਪਨ ਯਸ੍ਮਾ ਭਸ੍ਤવਾਤੇਹਿ ਪੂਰਿਤਂ ਨਾਮ ਹੋਤਿ, ਤਸ੍ਮਾ ‘‘ਭਸ੍ਤવਾਤੇਨ ਪੂਰਿਯਮਾਨਾਯਾ’’ਤਿ વੁਤ੍ਤਂ। ਨਿਯਾਮਭੂਮਿਯਨ੍ਤਿ ਭਗવਤੋ ਪਟਿਸਲ੍ਲਾਨਟ੍ਠਾਨੇ ਸਞ੍ਚਰਨ੍ਤਂ ਮਾਰਂ ਮਂਸਚਕ੍ਖੁਨਾવ ਦਿਸ੍વਾ। ਤੇਨਾਹ ‘‘વਿਜ੍ਜੁਲਤਾਲੋਕੇਨਾ’’ਤਿ।
142.Surākārakānanti piṭṭhasurāyojanakānaṃ. Kosalānaṃ issaroti kosalo, kosalarājassa ayanti kosalikā. Paribhogapātīti bhattaparibhojanatthāya pāti paribhogapāti. Kammāruddhanapaṇāḷiyāti kammāruddhanapaṇāḷimukhe. Dhamamānāyāti dhamiyamānāya. Taṃ pana yasmā bhastavātehi pūritaṃ nāma hoti, tasmā ‘‘bhastavātena pūriyamānāyā’’ti vuttaṃ. Niyāmabhūmiyanti bhagavato paṭisallānaṭṭhāne sañcarantaṃ māraṃ maṃsacakkhunāva disvā. Tenāha ‘‘vijjulatālokenā’’ti.
ਸੇਯ੍ਯਤ੍ਥਾਯਾਤਿ ਸੇਯ੍ਯਾਨਿਸਂਸਾਯ। ਤੇਨਾਹ ‘‘ਠਸ੍ਸਾਮੀ’’ਤਿਆਦਿ। ਅਤ੍ਤਸਞ੍ਞਤੋਤਿ ਅਤ੍ਤਭਾવੇਨ ਸਂਯਤੋ। ਤੇਨਾਹ ‘‘ਸਂਯਤਤ੍ਤਭਾવੋ’’ਤਿ। ਤਂਸਣ੍ਠਿਤਸ੍ਸਾਤਿ ਤਸ੍ਮਿਂ ਹਤ੍ਥਪਾਦਕੁਕ੍ਕੁਚ੍ਚਰਹਿਤੇ ਬੁਦ੍ਧਮੁਨਿਸ੍ਮਿਂ ਅવਟ੍ਠਿਤਸ੍ਸ। વੋਸ੍ਸਜ੍ਜ ਚਰੇਯ੍ਯ ਤਤ੍ਥ ਸੋਤਿ ਇਮਿਨਾ ਭਗવਾ ਤਂ ਬ੍ਯਾਕਰਮਾਨੋ વਿਭਿਂਸਿਤਾ ਬੁਦ੍ਧਾਨਂ ਕਿਂ ਕਰਿਸ੍ਸਤਿ ਭਯਾਭਾવਤੋ? ਕੇવਲਂ ਪਨ ਅਨਟ੍ਠવਲਿਕਂ ਉਪ੍ਪੀਲ਼ੇਨ੍ਤੋ વਿਯ ਤ੍વਮੇવ ਆਯਾਸਂ ਆਪਜ੍ਜਿਸ੍ਸਸੀਤਿ ਮਾਰਂ ਸਨ੍ਤਜ੍ਜੇਤਿ।
Seyyatthāyāti seyyānisaṃsāya. Tenāha ‘‘ṭhassāmī’’tiādi. Attasaññatoti attabhāvena saṃyato. Tenāha ‘‘saṃyatattabhāvo’’ti. Taṃsaṇṭhitassāti tasmiṃ hatthapādakukkuccarahite buddhamunismiṃ avaṭṭhitassa. Vossajja careyya tattha soti iminā bhagavā taṃ byākaramāno vibhiṃsitā buddhānaṃ kiṃ karissati bhayābhāvato? Kevalaṃ pana anaṭṭhavalikaṃ uppīḷento viya tvameva āyāsaṃ āpajjissasīti māraṃ santajjeti.
ਭੇਰવਾਤਿ ਅવੀਤਰਾਗਾਨਂ ਭਯਜਨਕਾ। ਤਤ੍ਥਾਤਿ ਤਂਨਿਮਿਤ੍ਤਂ। ਫਲੇਯ੍ਯਾਤਿ ਭਿਜ੍ਜੇਯ੍ਯ। ਸਤ੍ਤਿਸਲ੍ਲਨ੍ਤਿ ਸਤ੍ਤਿਸਙ੍ਖਾਤਂ ਪੁਥੁਸਲ੍ਲਂ। ਉਰਸ੍ਮਿਂ ਚਾਰਯੇਯ੍ਯੁਨ੍ਤਿ ਫਾਸੁਂ વਿਜ੍ਝਿਤੁਂ ਠਪੇਯ੍ਯੁਂ ਉਗ੍ਗਿਰੇਯ੍ਯੁਂ। ਖਨ੍ਧੁਪਧੀਸੂਤਿ ਖਨ੍ਧਸਙ੍ਖਾਤੇਸੁ ਉਪਧੀਸੁ। ਤਾਣਂ ਕਰੋਨ੍ਤਿ ਨਾਮਾਤਿ ਤਤੋ ਭਯਨਿਮਿਤ੍ਤਤੋ ਅਤ੍ਤਨੋ ਤਾਣਂ ਕਰੋਨ੍ਤਿ ਨਾਮ।
Bheravāti avītarāgānaṃ bhayajanakā. Tatthāti taṃnimittaṃ. Phaleyyāti bhijjeyya. Sattisallanti sattisaṅkhātaṃ puthusallaṃ. Urasmiṃ cārayeyyunti phāsuṃ vijjhituṃ ṭhapeyyuṃ uggireyyuṃ. Khandhupadhīsūti khandhasaṅkhātesu upadhīsu. Tāṇaṃ karonti nāmāti tato bhayanimittato attano tāṇaṃ karonti nāma.
ਸਪ੍ਪਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sappasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਸਪ੍ਪਸੁਤ੍ਤਂ • 6. Sappasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਸਪ੍ਪਸੁਤ੍ਤવਣ੍ਣਨਾ • 6. Sappasuttavaṇṇanā
