| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਸੁਪਤਿਸੁਤ੍ਤવਣ੍ਣਨਾ
7. Supatisuttavaṇṇanā
੧੪੩. ਉਤੁਗਾਹਾਪਨਤ੍ਥਂ ਧੋવਿਤ੍વਾ, ਨ ਰਜੋਜਲ੍ਲવਿਕ੍ਖਾਲਨਤ੍ਥਂ। ਤੇਨਾਹ ‘‘ਬੁਦ੍ਧਾਨਂ ਪਨਾ’’ਤਿਆਦਿ। ਧੋਤਪਾਦਕੇ ਗੇਹੇਤਿ ਧੋਤਪਾਦੇਹਿ ਅਕ੍ਕਮਿਤਬ੍ਬਕੇ। વਤ੍ਤਭੇਦੋ ਨਾਮ ਨਤ੍ਥਿ ਧਮ੍ਮਸ੍ਸਾਮਿਭਾવਤੋ। વਤ੍ਤਸੀਸੇ ਠਤ੍વਾ ਧੋવਨ੍ਤਿ ਅਞ੍ਞੇਸਂ ਦਿਟ੍ਠਾਨੁਗਤਿਆਪਜ੍ਜਨਤ੍ਥਂ। ਸੋਪ੍ਪਪਰਿਗ੍ਗਾਹਕੇਨਾਤਿ ਏਤ੍ਥ ਸੋਪ੍ਪਂ ਨਾਮ ਨਿਦ੍ਦਾਯ ਅਨ੍ਤਰਨ੍ਤਰਾ ਪવਤ੍ਤਕਿਰਿਯਮਯਚਿਤ੍ਤਪ੍ਪવਤ੍ਤਿਰਹਿਤਾ ਨਿਰਨ੍ਤਰਭવਙ੍ਗਸਨ੍ਤਤੀਤਿ ਤਂ ਸਭਾવਤੋ ਪਯੋਜਨਤੋ ਕਾਲਪਰਿਚ੍ਛੇਦਤੋ ਪਰਿਗ੍ਗਾਹਕਂ ਉਪਰਿਨਿਦ੍ਦੇਸਸਤਿਸਮ੍ਪਜਞ੍ਞਂ ਸਨ੍ਧਾਯ વੁਤ੍ਤਂ ‘‘ਸੋਪ੍ਪਪਰਿਗ੍ਗਾਹਕੇਨ ਸਤਿਸਮ੍ਪਜਞ੍ਞੇਨਾ’’ਤਿ। ਕੇਚਿ ਪਨ ‘‘ਨਿਦ੍ਦਾਸੋਪ੍ਪਨਾ’’ਤਿ વਦਨ੍ਤਿ, ਤਂ ਭਗવਤੋ ਸੋਪ੍ਪਂ ਹੀਲ਼ੇਨ੍ਤੋ વਦਤਿ।
143.Utugāhāpanatthaṃdhovitvā, na rajojallavikkhālanatthaṃ. Tenāha ‘‘buddhānaṃ panā’’tiādi. Dhotapādake geheti dhotapādehi akkamitabbake. Vattabhedo nāma natthi dhammassāmibhāvato. Vattasīseṭhatvā dhovanti aññesaṃ diṭṭhānugatiāpajjanatthaṃ. Soppapariggāhakenāti ettha soppaṃ nāma niddāya antarantarā pavattakiriyamayacittappavattirahitā nirantarabhavaṅgasantatīti taṃ sabhāvato payojanato kālaparicchedato pariggāhakaṃ upariniddesasatisampajaññaṃ sandhāya vuttaṃ ‘‘soppapariggāhakena satisampajaññenā’’ti. Keci pana ‘‘niddāsoppanā’’ti vadanti, taṃ bhagavato soppaṃ hīḷento vadati.
ਕਿਂ ਨੂਤਿ ਏਤ੍ਥਂ ਕਿਨ੍ਤਿ ਹੇਤੁਨਿਸ੍ਸਕ੍ਕੇ ਪਚ੍ਚਤ੍ਤવਚਨਨ੍ਤਿ ਆਹ ‘‘ਕਸ੍ਮਾ ਨੁ ਸੁਪਸੀ’’ਤਿ? ਦੁਬ੍ਭਗੋ વੁਚ੍ਚਤਿ ਨਿਸ੍ਸਿਰਿਕੋ ਭਿਨ੍ਨਭਗੋ, ਸੋ ਪਨ ਮਤਸਦਿਸੋ વਿਸਞ੍ਞਿਸਦਿਸੋ ਚ ਹੋਤੀਤਿ ਆਹ ‘‘ਮਤੋ વਿਯ વਿਸਞ੍ਞੀ વਿਯ ਚਾ’’ਤਿ।
Kiṃ nūti etthaṃ kinti hetunissakke paccattavacananti āha ‘‘kasmā nu supasī’’ti? Dubbhago vuccati nissiriko bhinnabhago, so pana matasadiso visaññisadiso ca hotīti āha ‘‘mato viya visaññī viya cā’’ti.
ਆਦਿਨਾਤਿ ਆਦਿ-ਸਦ੍ਦੇਨ ‘‘ਬਾਹਿਰਸ੍ਸ ਉਪਾਦਾਯ ਅਟ੍ਠਾਰਸਾ’’ਤਿਆਦਿਨਾ (વਿਭ॰ ੮੪੨) ਆਗਤਂ ਤਣ੍ਹਾਕੋਟ੍ਠਾਸਂ ਸਙ੍ਗਣ੍ਹਾਤਿ। ਤਤ੍ਥ ਤਤ੍ਥ વਿਸਤ੍ਤਤਾਯਾਤਿ ਤਮ੍ਮਿਂ ਤਸ੍ਮਿਂ ਆਰਮ੍ਮਣੇ વਿਸੇਸਤੋ ਆਸਤ੍ਤਭਾવੇਨ। વਿਸਸ੍ਸ ਦੁਕ੍ਖਨਿਬ੍ਬਤ੍ਤਕਕਮ੍ਮਸ੍ਸ ਹੇਤੁਭਾવਤੋ વਿਸਮੂਲਤਾ વਿਸਂ વਾ ਦੁਕ੍ਖਦੁਕ੍ਖਾਦਿਭੂਤવੇਦਨਾ ਮੂਲਂ ਏਤਸ੍ਸਾਤਿ વਿਸਮੂਲਾ, ਤਣ੍ਹਾ। ਤਸ੍ਸ ਰੂਪਾਦਿਕਸ੍ਸ ਦੁਕ੍ਖਸ੍ਸ ਪਰਿਭੋਗੋ, ਨ ਅਮਤਸ੍ਸਾਤਿ વਿਸਪਰਿਭੋਗਤਾ। ਕਤ੍ਥਚਿ ਨੇਤੁਨ੍ਤਿ ਕਤ੍ਥਚਿ ਭવੇ ਸਬ੍ਬਥਾ ਨੇਤੁਂ? ਪਰਿਕ੍ਖਯਾਤਿ ਸਬ੍ਬਸੋ ਖੀਣਤ੍ਤਾ। ਤੁਯ੍ਹਂ ਕਿਂ ਏਤ੍ਥਾਤਿ ਸਬ੍ਬੁਪਧਿਪਰਿਕ੍ਖਯਾ ਸੁਦ੍ਧਸ੍ਸ ਮਮ ਪਟਿਪਤ੍ਤਿਯਂ ਤੁਯ੍ਹਂ ਕਿਂ ਉਜ੍ਝਾਯਨਂ? ਕੇવਲਂ વਿਘਾਤੋਯੇવ ਤੇਤਿ ਦਸ੍ਸੇਤਿ।
Ādināti ādi-saddena ‘‘bāhirassa upādāya aṭṭhārasā’’tiādinā (vibha. 842) āgataṃ taṇhākoṭṭhāsaṃ saṅgaṇhāti. Tattha tattha visattatāyāti tammiṃ tasmiṃ ārammaṇe visesato āsattabhāvena. Visassa dukkhanibbattakakammassa hetubhāvato visamūlatā visaṃ vā dukkhadukkhādibhūtavedanā mūlaṃ etassāti visamūlā, taṇhā. Tassa rūpādikassa dukkhassa paribhogo, na amatassāti visaparibhogatā. Katthaci netunti katthaci bhave sabbathā netuṃ? Parikkhayāti sabbaso khīṇattā. Tuyhaṃ kiṃ etthāti sabbupadhiparikkhayā suddhassa mama paṭipattiyaṃ tuyhaṃ kiṃ ujjhāyanaṃ? Kevalaṃ vighātoyeva teti dasseti.
ਸੁਪਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Supatisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਸੁਪਤਿਸੁਤ੍ਤਂ • 7. Supatisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਸੁਪਤਿਸੁਤ੍ਤવਣ੍ਣਨਾ • 7. Supatisuttavaṇṇanā
