| Library / Tipiṭaka / តិបិដក • Tipiṭaka / មហាវិភង្គ-អដ្ឋកថា • Mahāvibhaṅga-aṭṭhakathā |
១០. សប្បាណកសិក្ខាបទវណ្ណនា
10. Sappāṇakasikkhāpadavaṇṇanā
១៤០. ទសមសិក្ខាបទេ – ជានំ សប្បាណកន្តិ សប្បាណកំ ឯតន្តិ យថា តថា វា ជានន្តោ។ សិញ្ចេយ្យ វា សិញ្ចាបេយ្យ វាតិ តេន ឧទកេន សយំ វា សិញ្ចេយ្យ, អញ្ញំ វា អាណាបេត្វា សិញ្ចាបេយ្យ។ បាឡិយំ បន ‘‘សិញ្ចេយ្យាតិ សយំ សិញ្ចតី’’តិ ឦទិសានំ វចនានំ អត្ថោ បុព្ពេ វុត្តនយេនេវ វេទិតព្ពោ។
140. Dasamasikkhāpade – jānaṃ sappāṇakanti sappāṇakaṃ etanti yathā tathā vā jānanto. Siñceyya vā siñcāpeyya vāti tena udakena sayaṃ vā siñceyya, aññaṃ vā āṇāpetvā siñcāpeyya. Pāḷiyaṃ pana ‘‘siñceyyāti sayaṃ siñcatī’’ti īdisānaṃ vacanānaṃ attho pubbe vuttanayeneva veditabbo.
តត្ថ ធារំ អវិច្ឆិន្ទិត្វា សិញ្ចន្តស្ស ឯកស្មិំ ឧទកឃដេ ឯកាវ អាបត្តិ។ ឯស នយោ សព្ពភាជនេសុ។ ធារំ វិច្ឆិន្ទន្តស្ស បន បយោគេ បយោគេ អាបត្តិ ។ មាតិកំ សម្មុខំ ករោតិ, ទិវសម្បិ សន្ទតុ, ឯកាវ អាបត្តិ។ សចេ តត្ថ តត្ថ ពន្ធិត្វា អញ្ញតោ អញ្ញតោ នេតិ, បយោគេ បយោគេ អាបត្តិ។ សកដភារមត្តញ្ចេបិ តិណំ ឯកបយោគេន ឧទកេ បក្ខិបតិ, ឯកាវ អាបត្តិ។ ឯកេកំ តិណំ វា បណ្ណំ វា បក្ខិបន្តស្ស បយោគេ បយោគេ អាបត្តិ។ មត្តិកាយបិ អញ្ញេសុបិ កដ្ឋគោមយាទីសុ ឯសេវ នយោ។ ឥទំ បន មហាឧទកំ សន្ធាយ ន វុត្តំ, យំ តិណេ វា មត្តិកាយ វា បក្ខិត្តាយ បរិយាទានំ គច្ឆតិ, អាវិលំ វា ហោតិ, យត្ថ បាណកា មរន្តិ, តាទិសំ ឧទកំ សន្ធាយ វុត្តន្តិ វេទិតព្ពំ។ សេសមេត្ថ ឧត្តានមេវាតិ។
Tattha dhāraṃ avicchinditvā siñcantassa ekasmiṃ udakaghaṭe ekāva āpatti. Esa nayo sabbabhājanesu. Dhāraṃ vicchindantassa pana payoge payoge āpatti . Mātikaṃ sammukhaṃ karoti, divasampi sandatu, ekāva āpatti. Sace tattha tattha bandhitvā aññato aññato neti, payoge payoge āpatti. Sakaṭabhāramattañcepi tiṇaṃ ekapayogena udake pakkhipati, ekāva āpatti. Ekekaṃ tiṇaṃ vā paṇṇaṃ vā pakkhipantassa payoge payoge āpatti. Mattikāyapi aññesupi kaṭṭhagomayādīsu eseva nayo. Idaṃ pana mahāudakaṃ sandhāya na vuttaṃ, yaṃ tiṇe vā mattikāya vā pakkhittāya pariyādānaṃ gacchati, āvilaṃ vā hoti, yattha pāṇakā maranti, tādisaṃ udakaṃ sandhāya vuttanti veditabbaṃ. Sesamettha uttānamevāti.
តិសមុដ្ឋានំ – កាយចិត្តតោ វាចាចិត្តតោ កាយវាចាចិត្តតោ ច សមុដ្ឋាតិ, កិរិយំ, សញ្ញាវិមោក្ខំ, សចិត្តកំ, បណ្ណត្តិវជ្ជំ, កាយកម្មំ, វចីកម្មំ, តិចិត្តំ តិវេទនន្តិ។
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ tivedananti.
សប្បាណកសិក្ខាបទំ ទសមំ។
Sappāṇakasikkhāpadaṃ dasamaṃ.
សមត្តោ វណ្ណនាក្កមេន សេនាសនវគ្គោ ទុតិយោ។
Samatto vaṇṇanākkamena senāsanavaggo dutiyo.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ២. ភូតគាមវគ្គោ • 2. Bhūtagāmavaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ១០. សប្បាណកសិក្ខាបទវណ្ណនា • 10. Sappāṇakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ១០. សប្បាណកសិក្ខាបទវណ្ណនា • 10. Sappāṇakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១០. សប្បាណកសិក្ខាបទវណ្ណនា • 10. Sappāṇakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១០. សប្បាណកសិក្ខាបទំ • 10. Sappāṇakasikkhāpadaṃ
