| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
១០. សប្បាណកសិក្ខាបទំ
10. Sappāṇakasikkhāpadaṃ
១៤០. ទសមេ ‘‘ជាន’’ន្តិ គច្ឆន្តាទិគណោតិ អាហ ‘‘ជានន្តោ’’តិ។ សំ វិជ្ជតិ បាណោ ឯត្ថាតិ សបាណកំ។ ឯតន្តិ ឧទកំ។ សយំ ជានន្តោបិ បរេន ជានាបេន្តោបិ ជានាតិយេវ នាមាតិ អាហ ‘‘យថា តថា វា’’តិ។ សបាណកំ ឧទកន្តិ ករណត្ថេ ចេតំ ឧបយោគវចនំ, តេនាហ ‘‘តេន ឧទកេនា’’តិ។ បុព្ពេតិ បថវិខណនសិក្ខាបទាទិកេ។
140. Dasame ‘‘jāna’’nti gacchantādigaṇoti āha ‘‘jānanto’’ti. Saṃ vijjati pāṇo etthāti sapāṇakaṃ. Etanti udakaṃ. Sayaṃ jānantopi parena jānāpentopi jānātiyeva nāmāti āha ‘‘yathā tathā vā’’ti. Sapāṇakaṃ udakanti karaṇatthe cetaṃ upayogavacanaṃ, tenāha ‘‘tena udakenā’’ti. Pubbeti pathavikhaṇanasikkhāpadādike.
តត្ថាតិ ‘‘សិញ្ចេយ្យ វា សិញ្ចាបេយ្យ វា’’តិបទេ។ ធារន្តិ សោតំ។ មាតិកំ បមុខន្តិ មាតិកំ អភិមុខំ។ តត្ថ តត្ថាតិ តស្មិំ តស្មិំ ឋានេ។ អញ្ញតោ ឋានតោ អញ្ញំ ឋានំ នេតីតិ យោជនា។ ‘‘សបាណកំ ឧទក’’ន្តិ សាមញ្ញវចនស្សបិ វិសេសេ អវដ្ឋានតោ, វិសេសត្ថិនា ច វិសេសស្ស អនុបយោជិតព្ពតោ ឥធ វិសេសឧទកន្តិ សន្ធាយភាសិតត្ថំ ទស្សេន្តោ អាហ ‘‘ឥទំ បនា’’តិអាទិ។ ឥទំ បន ន វុត្តន្តិ សម្ពន្ធោ។ យន្តិ ឧទកំ ‘‘គច្ឆតី’’តិបទេ កត្តា។ យត្ថាតិ យស្មិំ ឧទកេតិ។ ទសមំ។
Tatthāti ‘‘siñceyya vā siñcāpeyya vā’’tipade. Dhāranti sotaṃ. Mātikaṃ pamukhanti mātikaṃ abhimukhaṃ. Tattha tatthāti tasmiṃ tasmiṃ ṭhāne. Aññato ṭhānato aññaṃ ṭhānaṃ netīti yojanā. ‘‘Sapāṇakaṃ udaka’’nti sāmaññavacanassapi visese avaṭṭhānato, visesatthinā ca visesassa anupayojitabbato idha visesaudakanti sandhāyabhāsitatthaṃ dassento āha ‘‘idaṃ panā’’tiādi. Idaṃ pana na vuttanti sambandho. Yanti udakaṃ ‘‘gacchatī’’tipade kattā. Yatthāti yasmiṃ udaketi. Dasamaṃ.
ភូតគាមវគ្គោ ទុតិយោ។
Bhūtagāmavaggo dutiyo.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ២. ភូតគាមវគ្គោ • 2. Bhūtagāmavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ១០. សប្បាណកសិក្ខាបទវណ្ណនា • 10. Sappāṇakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ១០. សប្បាណកសិក្ខាបទវណ្ណនា • 10. Sappāṇakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ១០. សប្បាណកសិក្ខាបទវណ្ណនា • 10. Sappāṇakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១០. សប្បាណកសិក្ខាបទវណ្ណនា • 10. Sappāṇakasikkhāpadavaṇṇanā
