| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. ஸபரிவாரச²த்ததா³யகத்தே²ரஅபதா³னங்
10. Saparivārachattadāyakattheraapadānaṃ
82.
82.
‘‘பது³முத்தரோ லோகவிதூ³, ஆஹுதீனங் படிக்³க³ஹோ;
‘‘Padumuttaro lokavidū, āhutīnaṃ paṭiggaho;
83.
83.
‘‘தமத்³த³ஸாஸிங் ஸம்பு³த்³த⁴ங், தே³ஸெந்தங் அமதங் பத³ங்;
‘‘Tamaddasāsiṃ sambuddhaṃ, desentaṃ amataṃ padaṃ;
ஸகங் சித்தங் பஸாதெ³த்வா, அக³மாஸிங் ஸகங் க⁴ரங்.
Sakaṃ cittaṃ pasādetvā, agamāsiṃ sakaṃ gharaṃ.
84.
84.
‘‘ச²த்தங் அலங்கதங் க³ய்ஹ, உபக³ச்சி²ங் நருத்தமங்;
‘‘Chattaṃ alaṅkataṃ gayha, upagacchiṃ naruttamaṃ;
ஹட்டோ² ஹட்டே²ன சித்தேன, ஆகாஸே உக்கி²பிங் அஹங்.
Haṭṭho haṭṭhena cittena, ākāse ukkhipiṃ ahaṃ.
85.
85.
‘‘ஸுஸங்க³ஹிதயானங்வ , த³ந்தோவ ஸாவகுத்தமோ;
‘‘Susaṅgahitayānaṃva , dantova sāvakuttamo;
உபக³ந்த்வான ஸம்பு³த்³த⁴ங், மத்த²கே ஸம்பதிட்ட²ஹி.
Upagantvāna sambuddhaṃ, matthake sampatiṭṭhahi.
86.
86.
‘‘அனுகம்பகோ காருணிகோ, பு³த்³தோ⁴ லோகக்³க³னாயகோ;
‘‘Anukampako kāruṇiko, buddho lokagganāyako;
பி⁴க்கு²ஸங்கே⁴ நிஸீதி³த்வா, இமா கா³தா² அபா⁴ஸத².
Bhikkhusaṅghe nisīditvā, imā gāthā abhāsatha.
87.
87.
‘‘‘யேன ச²த்தமித³ங் தி³ன்னங், அலங்கதங் மனோரமங்;
‘‘‘Yena chattamidaṃ dinnaṃ, alaṅkataṃ manoramaṃ;
தேன சித்தப்பஸாதே³ன, து³க்³க³திங் ஸோ ந க³ச்ச²தி.
Tena cittappasādena, duggatiṃ so na gacchati.
88.
88.
‘‘‘ஸத்தக்க²த்துஞ்ச தே³வேஸு, தே³வரஜ்ஜங் கரிஸ்ஸதி;
‘‘‘Sattakkhattuñca devesu, devarajjaṃ karissati;
பா³த்திங்ஸக்க²த்துஞ்ச ராஜா, சக்கவத்தீ ப⁴விஸ்ஸதி.
Bāttiṃsakkhattuñca rājā, cakkavattī bhavissati.
89.
89.
‘‘‘கப்பஸதஸஹஸ்ஸம்ஹி, ஓக்காககுலஸம்ப⁴வோ;
‘‘‘Kappasatasahassamhi, okkākakulasambhavo;
கோ³தமோ நாம கொ³த்தேன, ஸத்தா² லோகே ப⁴விஸ்ஸதி.
Gotamo nāma gottena, satthā loke bhavissati.
90.
90.
‘‘‘தஸ்ஸ த⁴ம்மேஸு தா³யாதோ³, ஓரஸோ த⁴ம்மனிம்மிதோ;
‘‘‘Tassa dhammesu dāyādo, oraso dhammanimmito;
ஸப்³பா³ஸவே பரிஞ்ஞாய, நிப்³பா³யிஸ்ஸதினாஸவோ’.
Sabbāsave pariññāya, nibbāyissatināsavo’.
91.
91.
‘‘பு³த்³த⁴ஸ்ஸ கி³ரமஞ்ஞாய, வாசாஸபி⁴முதீ³ரிதங்;
‘‘Buddhassa giramaññāya, vācāsabhimudīritaṃ;
பஸன்னசித்தோ ஸுமனோ, பி⁴ய்யோ ஹாஸங் ஜனேஸஹங்.
Pasannacitto sumano, bhiyyo hāsaṃ janesahaṃ.
92.
92.
‘‘ஜஹித்வா மானுஸங் யோனிங், தி³ப்³ப³ங் யோனிங் 3 மஜ்ஜ²க³ங்;
‘‘Jahitvā mānusaṃ yoniṃ, dibbaṃ yoniṃ 4 majjhagaṃ;
விமானமுத்தமங் மய்ஹங், அப்³பு⁴க்³க³தங் மனோரமங்.
Vimānamuttamaṃ mayhaṃ, abbhuggataṃ manoramaṃ.
93.
93.
‘‘விமானா நிக்க²மந்தஸ்ஸ, ஸேதச்ச²த்தங் த⁴ரீயதி;
‘‘Vimānā nikkhamantassa, setacchattaṃ dharīyati;
ததா³ ஸஞ்ஞங் படிலபி⁴ங், புப்³ப³கம்மஸ்ஸித³ங் ப²லங்.
Tadā saññaṃ paṭilabhiṃ, pubbakammassidaṃ phalaṃ.
94.
94.
‘‘தே³வலோகா சவித்வான, மனுஸ்ஸத்தஞ்ச ஆக³மிங்;
‘‘Devalokā cavitvāna, manussattañca āgamiṃ;
ச²த்திங்ஸக்க²த்துங் சக்கவத்தீ, ஸத்தகப்பஸதம்ஹிதோ.
Chattiṃsakkhattuṃ cakkavattī, sattakappasatamhito.
95.
95.
‘‘தம்ஹா காயா சவித்வான, ஆக³ச்சி²ங் 5 தித³ஸங் புரங்;
‘‘Tamhā kāyā cavitvāna, āgacchiṃ 6 tidasaṃ puraṃ;
ஸங்ஸரித்வானுபுப்³பே³ன, மானுஸங் புனராக³மிங்.
Saṃsaritvānupubbena, mānusaṃ punarāgamiṃ.
96.
96.
‘‘ஓக்கந்தங் மாதுகுச்சி²ங் மங், ஸெத்தச்ச²த்தங் அதா⁴ரயுங்;
‘‘Okkantaṃ mātukucchiṃ maṃ, settacchattaṃ adhārayuṃ;
ஜாதியா ஸத்தவஸ்ஸோஹங், பப்³ப³ஜிங் அனகா³ரியங்.
Jātiyā sattavassohaṃ, pabbajiṃ anagāriyaṃ.
97.
97.
‘‘ஸுனந்தோ³ நாம நாமேன, ப்³ராஹ்மணோ மந்தபாரகூ³;
‘‘Sunando nāma nāmena, brāhmaṇo mantapāragū;
ப²லிகங் ச²த்தமாதா³ய, ஸாவகக்³க³ஸ்ஸ ஸோ ததா³.
Phalikaṃ chattamādāya, sāvakaggassa so tadā.
98.
98.
‘‘அனுமோதி³ மஹாவீரோ, ஸாரிபுத்தோ மஹாகதீ²;
‘‘Anumodi mahāvīro, sāriputto mahākathī;
ஸுத்வானுமோத³னங் தஸ்ஸ, புப்³ப³கம்மமனுஸ்ஸரிங்.
Sutvānumodanaṃ tassa, pubbakammamanussariṃ.
99.
99.
‘‘அஞ்ஜலிங் பக்³க³ஹெத்வான, ஸகங் சித்தங் பஸாத³யிங்;
‘‘Añjaliṃ paggahetvāna, sakaṃ cittaṃ pasādayiṃ;
ஸரித்வா புரிமங் கம்மங், அரஹத்தமபாபுணிங்.
Saritvā purimaṃ kammaṃ, arahattamapāpuṇiṃ.
100.
100.
‘‘உட்டா²ய ஆஸனா தம்ஹா, ஸிரே கத்வான அஞ்ஜலிங்;
‘‘Uṭṭhāya āsanā tamhā, sire katvāna añjaliṃ;
ஸம்பு³த்³த⁴ங் அபி⁴வாதெ³த்வா, இமங் வாசங் உதீ³ரியிங்.
Sambuddhaṃ abhivādetvā, imaṃ vācaṃ udīriyiṃ.
101.
101.
‘‘ஸதஸஹஸ்ஸிதோ கப்பே, பு³த்³தோ⁴ லோகே அனுத்தரோ;
‘‘Satasahassito kappe, buddho loke anuttaro;
பது³முத்தரோ லோகவிதூ³, ஆஹுதீனங் படிக்³க³ஹோ.
Padumuttaro lokavidū, āhutīnaṃ paṭiggaho.
102.
102.
‘‘தஸ்ஸ ச²த்தங் மயா தி³ன்னங், விசித்தங் ஸமலங்கதங்;
‘‘Tassa chattaṃ mayā dinnaṃ, vicittaṃ samalaṅkataṃ;
உபோ⁴ ஹத்தே²ஹி பக்³க³ண்ஹி, ஸயம்பூ⁴ அக்³க³புக்³க³லோ.
Ubho hatthehi paggaṇhi, sayambhū aggapuggalo.
103.
103.
‘‘அஹோ பு³த்³தோ⁴ அஹோ த⁴ம்மோ, அஹோ நோ ஸத்து²ஸம்பதா³;
‘‘Aho buddho aho dhammo, aho no satthusampadā;
ஏகச்ச²த்தஸ்ஸ தா³னேன, து³க்³க³திங் நுபபஜ்ஜஹங்.
Ekacchattassa dānena, duggatiṃ nupapajjahaṃ.
104.
104.
‘‘கிலேஸா ஜா²பிதா மய்ஹங், ப⁴வா ஸப்³பே³ ஸமூஹதா;
‘‘Kilesā jhāpitā mayhaṃ, bhavā sabbe samūhatā;
ஸப்³பா³ஸவே பரிஞ்ஞாய, விஹராமி அனாஸவோ.
Sabbāsave pariññāya, viharāmi anāsavo.
105.
105.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸபரிவாரச²த்ததா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā saparivārachattadāyako thero imā gāthāyo abhāsitthāti.
ஸபரிவாரச²த்ததா³யகத்தே²ரஸ்ஸாபதா³னங் த³ஸமங்.
Saparivārachattadāyakattherassāpadānaṃ dasamaṃ.
உமாபுப்பி²யவக்³கோ³ தெத்திங்ஸதிமோ.
Umāpupphiyavaggo tettiṃsatimo.
தஸ்ஸுத்³தா³னங் –
Tassuddānaṃ –
உமாபுப்ப²ஞ்ச புலினங், ஹாஸோ யஞ்ஞோ நிமித்தகோ;
Umāpupphañca pulinaṃ, hāso yañño nimittako;
ஸங்ஸாவகோ நிக்³கு³ண்டீ³ ச, ஸுமனங் புப்ப²ச²த்தகோ;
Saṃsāvako nigguṇḍī ca, sumanaṃ pupphachattako;
ஸபரிவாரச²த்தோ ச, கா³தா² ஸத்தஸதுத்தராதி.
Saparivārachatto ca, gāthā sattasatuttarāti.
Footnotes:
