| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
34. க³ந்தோ⁴த³கவக்³கோ³
34. Gandhodakavaggo
1. க³ந்த⁴தூ⁴பியத்தே²ரஅபதா³னங்
1. Gandhadhūpiyattheraapadānaṃ
1.
1.
‘‘ஸித்³த⁴த்த²ஸ்ஸ ப⁴க³வதோ, க³ந்த⁴தூ⁴பங் அதா³ஸஹங்;
‘‘Siddhatthassa bhagavato, gandhadhūpaṃ adāsahaṃ;
ஸுமனேஹி படிச்ச²ன்னங், பு³த்³தா⁴னுச்ச²விகஞ்ச தங்.
Sumanehi paṭicchannaṃ, buddhānucchavikañca taṃ.
2.
2.
‘‘கஞ்சனக்³கி⁴யஸங்காஸங், பு³த்³த⁴ங் லோகக்³க³னாயகங்;
‘‘Kañcanagghiyasaṅkāsaṃ, buddhaṃ lokagganāyakaṃ;
இந்தீ³வரங்வ ஜலிதங், ஆதி³த்தங்வ ஹுதாஸனங்.
Indīvaraṃva jalitaṃ, ādittaṃva hutāsanaṃ.
3.
3.
‘‘ப்³யக்³கு⁴ஸப⁴ங்வ பவரங், அபி⁴ஜாதங்வ கேஸரிங்;
‘‘Byagghusabhaṃva pavaraṃ, abhijātaṃva kesariṃ;
நிஸின்னங் ஸமணானக்³க³ங், பி⁴க்கு²ஸங்க⁴புரக்க²தங்.
Nisinnaṃ samaṇānaggaṃ, bhikkhusaṅghapurakkhataṃ.
4.
4.
‘‘தி³ஸ்வா சித்தங் பஸாதெ³த்வா, பக்³க³ஹெத்வான அஞ்ஜலிங்;
‘‘Disvā cittaṃ pasādetvā, paggahetvāna añjaliṃ;
வந்தி³த்வா ஸத்து²னோ பாதே³, பக்காமிங் உத்தராமுகோ².
Vanditvā satthuno pāde, pakkāmiṃ uttarāmukho.
5.
5.
‘‘சதுன்னவுதிதோ கப்பே, யங் க³ந்த⁴மத³தி³ங் ததா³;
‘‘Catunnavutito kappe, yaṃ gandhamadadiṃ tadā;
து³க்³க³திங் நாபி⁴ஜானாமி, க³ந்த⁴பூஜாயித³ங் ப²லங்.
Duggatiṃ nābhijānāmi, gandhapūjāyidaṃ phalaṃ.
6.
6.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா க³ந்த⁴தூ⁴பியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā gandhadhūpiyo thero imā gāthāyo abhāsitthāti.
க³ந்த⁴தூ⁴பியத்தே²ரஸ்ஸாபதா³னங் பட²மங்.
Gandhadhūpiyattherassāpadānaṃ paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-10. தோ²மகத்தே²ரஅபதா³னாதி³வண்ணனா • 1-10. Thomakattheraapadānādivaṇṇanā
