| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. உத³கபூஜகத்தே²ரஅபதா³னங்
2. Udakapūjakattheraapadānaṃ
7.
7.
‘‘ஸுவண்ணவண்ணங் ஸம்பு³த்³த⁴ங், க³ச்ச²ந்தங் அனிலஞ்ஜஸே;
‘‘Suvaṇṇavaṇṇaṃ sambuddhaṃ, gacchantaṃ anilañjase;
க⁴தாஸனங்வ ஜலிதங், ஆதி³த்தங்வ ஹுதாஸனங்.
Ghatāsanaṃva jalitaṃ, ādittaṃva hutāsanaṃ.
8.
8.
‘‘பாணினா உத³கங் க³ய்ஹ, ஆகாஸே உக்கி²பிங் அஹங்;
‘‘Pāṇinā udakaṃ gayha, ākāse ukkhipiṃ ahaṃ;
ஸம்படிச்சி² மஹாவீரோ, பு³த்³தோ⁴ காருணிகோ இஸி.
Sampaṭicchi mahāvīro, buddho kāruṇiko isi.
9.
9.
‘‘அந்தலிக்கே² டி²தோ ஸத்தா², பது³முத்தரனாமகோ;
‘‘Antalikkhe ṭhito satthā, padumuttaranāmako;
மம ஸங்கப்பமஞ்ஞாய, இமங் கா³த²மபா⁴ஸத².
Mama saṅkappamaññāya, imaṃ gāthamabhāsatha.
10.
10.
‘‘‘இமினா த³கதா³னேன, பீதிஉப்பாத³னேன ச;
‘‘‘Iminā dakadānena, pītiuppādanena ca;
கப்பஸதஸஹஸ்ஸம்பி, து³க்³க³திங் நுபபஜ்ஜஸி’.
Kappasatasahassampi, duggatiṃ nupapajjasi’.
11.
11.
‘‘தேன கம்மேன த்³விபதி³ந்த³, லோகஜெட்ட² நராஸப⁴;
‘‘Tena kammena dvipadinda, lokajeṭṭha narāsabha;
பத்தொம்ஹி அசலங் டா²னங், ஹித்வா ஜயபராஜயங்.
Pattomhi acalaṃ ṭhānaṃ, hitvā jayaparājayaṃ.
12.
12.
‘‘ஸஹஸ்ஸராஜனாமேன, தயோ ச சக்கவத்தினோ;
‘‘Sahassarājanāmena, tayo ca cakkavattino;
பஞ்சஸட்டி²கப்பஸதே, சாதுரந்தா ஜனாதி⁴பா.
Pañcasaṭṭhikappasate, cāturantā janādhipā.
13.
13.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா உத³கபூஜகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā udakapūjako thero imā gāthāyo abhāsitthāti.
உத³கபூஜகத்தே²ரஸ்ஸாபதா³னங் து³தியங்.
Udakapūjakattherassāpadānaṃ dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-10. தோ²மகத்தே²ரஅபதா³னாதி³வண்ணனா • 1-10. Thomakattheraapadānādivaṇṇanā
