| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਸਨ੍ਤੁਟ੍ਠਿਸੁਤ੍ਤવਣ੍ਣਨਾ
7. Santuṭṭhisuttavaṇṇanā
੨੭. ਸਤ੍ਤਮੇ ਅਪ੍ਪਾਨੀਤਿ ਪਰਿਤ੍ਤਾਨਿ। ਸੁਲਭਾਨੀਤਿ ਸੁਖੇਨ ਲਦ੍ਧਬ੍ਬਾਨਿ, ਯਤ੍ਥ ਕਤ੍ਥਚਿ ਸਕ੍ਕਾ ਹੋਨ੍ਤਿ ਲਭਿਤੁਂ। ਅਨવਜ੍ਜਾਨੀਤਿ ਨਿਦ੍ਦੋਸਾਨਿ। ਪਿਣ੍ਡਿਯਾਲੋਪਭੋਜਨਨ੍ਤਿ ਜਙ੍ਘਾਪਿਣ੍ਡਿਯਬਲੇਨ ਚਰਿਤ੍વਾ ਆਲੋਪਮਤ੍ਤਂ ਲਦ੍ਧਂ ਭੋਜਨਂ। ਪੂਤਿਮੁਤ੍ਤਨ੍ਤਿ ਯਂਕਿਞ੍ਚਿ ਮੁਤ੍ਤਂ। ਯਥਾ ਹਿ ਸੁવਣ੍ਣવਣ੍ਣੋਪਿ ਕਾਯੋ ਪੂਤਿਕਾਯੋਤਿ વੁਚ੍ਚਤਿ, ਏવਂ ਅਭਿਨવਮ੍ਪਿ ਮੁਤ੍ਤਂ ਪੂਤਿਮੁਤ੍ਤਮੇવ।
27. Sattame appānīti parittāni. Sulabhānīti sukhena laddhabbāni, yattha katthaci sakkā honti labhituṃ. Anavajjānīti niddosāni. Piṇḍiyālopabhojananti jaṅghāpiṇḍiyabalena caritvā ālopamattaṃ laddhaṃ bhojanaṃ. Pūtimuttanti yaṃkiñci muttaṃ. Yathā hi suvaṇṇavaṇṇopi kāyo pūtikāyoti vuccati, evaṃ abhinavampi muttaṃ pūtimuttameva.
વਿਘਾਤੋਤਿ વਿਗਤਘਾਤੋ, ਚਿਤ੍ਤਸ੍ਸ ਦੁਕ੍ਖਂ ਨ ਹੋਤੀਤਿ ਅਤ੍ਥੋ। ਦਿਸਾ ਨਪ੍ਪਟਿਹਞ੍ਞਤੀਤਿ ਯਸ੍ਸ ਹਿ ‘‘ਅਸੁਕਟ੍ਠਾਨਂ ਨਾਮ ਗਤੋ ਚੀવਰਾਦੀਨਿ ਲਭਿਸ੍ਸਾਮੀ’’ਤਿ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਦਿਸਾ ਪਟਿਹਞ੍ਞਤਿ ਨਾਮ। ਯਸ੍ਸ ਏવਂ ਨ ਉਪ੍ਪਜ੍ਜਤਿ, ਤਸ੍ਸ ਨਪ੍ਪਟਿਹਞ੍ਞਤਿ ਨਾਮ। ਧਮ੍ਮਾਤਿ ਪਟਿਪਤ੍ਤਿਧਮ੍ਮਾ। ਸਾਮਞ੍ਞਸ੍ਸਾਨੁਲੋਮਿਕਾਤਿ ਸਮਣਧਮ੍ਮਸ੍ਸ ਅਨੁਲੋਮਾ। ਅਧਿਗ੍ਗਹਿਤਾਤਿ ਸਬ੍ਬੇਤੇ ਤੁਟ੍ਠਚਿਤ੍ਤਸ੍ਸ ਭਿਕ੍ਖੁਨੋ ਅਧਿਗ੍ਗਹਿਤਾ ਹੋਨ੍ਤਿ ਅਨ੍ਤੋਗਤਾ ਨ ਪਰਿਬਾਹਿਰਾਤਿ।
Vighātoti vigataghāto, cittassa dukkhaṃ na hotīti attho. Disānappaṭihaññatīti yassa hi ‘‘asukaṭṭhānaṃ nāma gato cīvarādīni labhissāmī’’ti cittaṃ uppajjati, tassa disā paṭihaññati nāma. Yassa evaṃ na uppajjati, tassa nappaṭihaññati nāma. Dhammāti paṭipattidhammā. Sāmaññassānulomikāti samaṇadhammassa anulomā. Adhiggahitāti sabbete tuṭṭhacittassa bhikkhuno adhiggahitā honti antogatā na paribāhirāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਸਨ੍ਤੁਟ੍ਠਿਸੁਤ੍ਤਂ • 7. Santuṭṭhisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਸਨ੍ਤੁਟ੍ਠਿਸੁਤ੍ਤવਣ੍ਣਨਾ • 7. Santuṭṭhisuttavaṇṇanā
