| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੭. ਸਨ੍ਤੁਟ੍ਠਿਸੁਤ੍ਤਂ
7. Santuṭṭhisuttaṃ
੨੭. ‘‘ਚਤ੍ਤਾਰਿਮਾਨਿ , ਭਿਕ੍ਖવੇ, ਅਪ੍ਪਾਨਿ ਚ 1 ਸੁਲਭਾਨਿ ਚ, ਤਾਨਿ ਚ ਅਨવਜ੍ਜਾਨਿ। ਕਤਮਾਨਿ ਚਤ੍ਤਾਰਿ? ਪਂਸੁਕੂਲਂ, ਭਿਕ੍ਖવੇ, ਚੀવਰਾਨਂ ਅਪ੍ਪਞ੍ਚ ਸੁਲਭਞ੍ਚ , ਤਞ੍ਚ ਅਨવਜ੍ਜਂ। ਪਿਣ੍ਡਿਯਾਲੋਪੋ, ਭਿਕ੍ਖવੇ, ਭੋਜਨਾਨਂ ਅਪ੍ਪਞ੍ਚ ਸੁਲਭਞ੍ਚ, ਤਞ੍ਚ ਅਨવਜ੍ਜਂ। ਰੁਕ੍ਖਮੂਲਂ, ਭਿਕ੍ਖવੇ, ਸੇਨਾਸਨਾਨਂ ਅਪ੍ਪਞ੍ਚ ਸੁਲਭਞ੍ਚ, ਤਞ੍ਚ ਅਨવਜ੍ਜਂ। ਪੂਤਿਮੁਤ੍ਤਂ, ਭਿਕ੍ਖવੇ, ਭੇਸਜ੍ਜਾਨਂ ਅਪ੍ਪਞ੍ਚ ਸੁਲਭਞ੍ਚ, ਤਞ੍ਚ ਅਨવਜ੍ਜਂ। ਇਮਾਨਿ ਖੋ, ਭਿਕ੍ਖવੇ, ਚਤ੍ਤਾਰਿ ਅਪ੍ਪਾਨਿ ਚ ਸੁਲਭਾਨਿ ਚ, ਤਾਨਿ ਚ ਅਨવਜ੍ਜਾਨਿ। ਯਤੋ ਖੋ, ਭਿਕ੍ਖવੇ, ਭਿਕ੍ਖੁ ਅਪ੍ਪੇਨ ਚ ਤੁਟ੍ਠੋ ਹੋਤਿ ਸੁਲਭੇਨ ਚ, ਇਦਮਸ੍ਸਾਹਂ ਅਞ੍ਞਤਰਂ ਸਾਮਞ੍ਞਙ੍ਗਨ੍ਤਿ 2 વਦਾਮੀ’’ਤਿ।
27. ‘‘Cattārimāni , bhikkhave, appāni ca 3 sulabhāni ca, tāni ca anavajjāni. Katamāni cattāri? Paṃsukūlaṃ, bhikkhave, cīvarānaṃ appañca sulabhañca , tañca anavajjaṃ. Piṇḍiyālopo, bhikkhave, bhojanānaṃ appañca sulabhañca, tañca anavajjaṃ. Rukkhamūlaṃ, bhikkhave, senāsanānaṃ appañca sulabhañca, tañca anavajjaṃ. Pūtimuttaṃ, bhikkhave, bhesajjānaṃ appañca sulabhañca, tañca anavajjaṃ. Imāni kho, bhikkhave, cattāri appāni ca sulabhāni ca, tāni ca anavajjāni. Yato kho, bhikkhave, bhikkhu appena ca tuṭṭho hoti sulabhena ca, idamassāhaṃ aññataraṃ sāmaññaṅganti 4 vadāmī’’ti.
‘‘ਅਨવਜ੍ਜੇਨ ਤੁਟ੍ਠਸ੍ਸ, ਅਪ੍ਪੇਨ ਸੁਲਭੇਨ ਚ।
‘‘Anavajjena tuṭṭhassa, appena sulabhena ca;
ਨ ਸੇਨਾਸਨਮਾਰਬ੍ਭ, ਚੀવਰਂ ਪਾਨਭੋਜਨਂ।
Na senāsanamārabbha, cīvaraṃ pānabhojanaṃ;
વਿਘਾਤੋ ਹੋਤਿ ਚਿਤ੍ਤਸ੍ਸ, ਦਿਸਾ ਨਪ੍ਪਟਿਹਞ੍ਞਤਿ॥
Vighāto hoti cittassa, disā nappaṭihaññati.
‘‘ਯੇ ਚਸ੍ਸ ਧਮ੍ਮਾ ਅਕ੍ਖਾਤਾ, ਸਾਮਞ੍ਞਸ੍ਸਾਨੁਲੋਮਿਕਾ।
‘‘Ye cassa dhammā akkhātā, sāmaññassānulomikā;
ਅਧਿਗ੍ਗਹਿਤਾ ਤੁਟ੍ਠਸ੍ਸ, ਅਪ੍ਪਮਤ੍ਤਸ੍ਸ ਸਿਕ੍ਖਤੋ’’ਤਿ॥ ਸਤ੍ਤਮਂ।
Adhiggahitā tuṭṭhassa, appamattassa sikkhato’’ti. sattamaṃ;
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਸਨ੍ਤੁਟ੍ਠਿਸੁਤ੍ਤવਣ੍ਣਨਾ • 7. Santuṭṭhisuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਸਨ੍ਤੁਟ੍ਠਿਸੁਤ੍ਤવਣ੍ਣਨਾ • 7. Santuṭṭhisuttavaṇṇanā
