| Library / Tipiṭaka / තිපිටක • Tipiṭaka / ඉතිවුත්තකපාළි • Itivuttakapāḷi |
4. සන්තතරසුත්තං
4. Santatarasuttaṃ
73. වුත්තඤ්හෙතං භගවතා, වුත්තමරහතාති මෙ සුතං –
73. Vuttañhetaṃ bhagavatā, vuttamarahatāti me sutaṃ –
‘‘රූපෙහි, භික්ඛවෙ, අරූපා 1 සන්තතරා, අරූපෙහි නිරොධො සන්තතරො’’ති. එතමත්ථං භගවා අවොච. තත්ථෙතං ඉති වුච්චති –
‘‘Rūpehi, bhikkhave, arūpā 2 santatarā, arūpehi nirodho santataro’’ti. Etamatthaṃ bhagavā avoca. Tatthetaṃ iti vuccati –
නිරොධං අප්පජානන්තා, ආගන්තාරො පුනබ්භවං.
Nirodhaṃ appajānantā, āgantāro punabbhavaṃ.
‘‘යෙ ච රූපෙ පරිඤ්ඤාය, අරූපෙසු අසණ්ඨිතා;
‘‘Ye ca rūpe pariññāya, arūpesu asaṇṭhitā;
නිරොධෙ යෙ විමුච්චන්ති, තෙ ජනා මච්චුහායිනො.
Nirodhe ye vimuccanti, te janā maccuhāyino.
‘‘කායෙන අමතං ධාතුං, ඵුසයිත්වා නිරූපධිං;
‘‘Kāyena amataṃ dhātuṃ, phusayitvā nirūpadhiṃ;
උපධිප්පටිනිස්සග්ගං, සච්ඡිකත්වා අනාසවො;
Upadhippaṭinissaggaṃ, sacchikatvā anāsavo;
දෙසෙති සම්මාසම්බුද්ධො, අසොකං විරජං පද’’න්ති.
Deseti sammāsambuddho, asokaṃ virajaṃ pada’’nti.
අයම්පි අත්ථො වුත්තො භගවතා, ඉති මෙ සුතන්ති. චතුත්ථං.
Ayampi attho vutto bhagavatā, iti me sutanti. Catutthaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඉතිවුත්තක-අට්ඨකථා • Itivuttaka-aṭṭhakathā / 4. සන්තතරසුත්තවණ්ණනා • 4. Santatarasuttavaṇṇanā
