| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
10-12. ஸஞ்ஞோஜனிகாதி³தி³ட்டி²னித்³தே³ஸவண்ணனா
10-12. Saññojanikādidiṭṭhiniddesavaṇṇanā
143. யஸ்மா ஸஞ்ஞோஜனிகா தி³ட்டி² ஸப்³ப³தி³ட்டி²ஸாதா⁴ரணா, தஸ்மா தஸ்ஸா ஸப்³ப³தி³ட்டி²ஸஞ்ஞோஜனத்தா ஸப்³ப³தி³ட்டி²ஸாதா⁴ரணோ அத்தோ² நித்³தி³ட்டோ². ஸோ ஹெட்டா² வுத்ததி³ட்டி²பரியுட்டா²னானேவ.
143. Yasmā saññojanikā diṭṭhi sabbadiṭṭhisādhāraṇā, tasmā tassā sabbadiṭṭhisaññojanattā sabbadiṭṭhisādhāraṇo attho niddiṭṭho. So heṭṭhā vuttadiṭṭhipariyuṭṭhānāneva.
144. மானவினிப³ந்த⁴தி³ட்டீ²ஸு சக்கு² அஹந்தி அபி⁴னிவேஸபராமாஸோதி மானபுப்³ப³கோ அபி⁴னிவேஸபராமாஸோ. ந ஹி தி³ட்டி² மானஸம்பயுத்தா ஹோதி. தேனேவ ச மானவினிப³ந்தா⁴தி வுத்தங், மானபடிப³ந்தா⁴ மானமூலகாதி அத்தோ².
144. Mānavinibandhadiṭṭhīsu cakkhu ahanti abhinivesaparāmāsoti mānapubbako abhinivesaparāmāso. Na hi diṭṭhi mānasampayuttā hoti. Teneva ca mānavinibandhāti vuttaṃ, mānapaṭibandhā mānamūlakāti attho.
145. சக்கு² மமந்தி அபி⁴னிவேஸபராமாஸோதி எத்தா²பி ஏஸேவ நயோ. எத்த² பன ‘‘மமா’’தி வத்தப்³பே³ ‘‘மம’’ந்தி அனுனாஸிகாக³மோ வேதி³தப்³போ³. ‘‘அஹ’’ந்தி மானவினிப³ந்தா⁴ய ரூபாதீ³னிபி அஜ்ஜ²த்திகானேவ. ந ஹி கஸிணரூபங் வினா பா³ஹிரானி ‘‘அஹ’’ந்தி க³ண்ஹாதி. ‘‘மம’’ந்தி மானவினிப³ந்தா⁴ய பன பா³ஹிரானிபி லப்³ப⁴ந்தி. பா³ஹிரானிபி ஹி ‘‘மம’’ந்தி க³ண்ஹாதி. யஸ்மா பன து³க்கா² வேத³னா அனிட்ட²த்தா மானவத்து² ந ஹோதி, தஸ்மா ச² வேத³னா தாஸங் மூலபச்சயா ச² ப²ஸ்ஸா ச ந க³ஹிதா. ஸஞ்ஞாத³யோ பன இத⁴ பச்சி²ன்னத்தா ந க³ஹிதாதி வேதி³தப்³பா³.
145.Cakkhu mamanti abhinivesaparāmāsoti etthāpi eseva nayo. Ettha pana ‘‘mamā’’ti vattabbe ‘‘mama’’nti anunāsikāgamo veditabbo. ‘‘Aha’’nti mānavinibandhāya rūpādīnipi ajjhattikāneva. Na hi kasiṇarūpaṃ vinā bāhirāni ‘‘aha’’nti gaṇhāti. ‘‘Mama’’nti mānavinibandhāya pana bāhirānipi labbhanti. Bāhirānipi hi ‘‘mama’’nti gaṇhāti. Yasmā pana dukkhā vedanā aniṭṭhattā mānavatthu na hoti, tasmā cha vedanā tāsaṃ mūlapaccayā cha phassā ca na gahitā. Saññādayo pana idha pacchinnattā na gahitāti veditabbā.
ஸங்யோஜனிகாதி³தி³ட்டி²னித்³தே³ஸவண்ணனா நிட்டி²தா.
Saṃyojanikādidiṭṭhiniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 10-12. ஸஞ்ஞோஜனிகாதி³தி³ட்டி²னித்³தே³ஸோ • 10-12. Saññojanikādidiṭṭhiniddeso
