| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
10-12. ஸஞ்ஞோஜனிகாதி³தி³ட்டி²னித்³தே³ஸோ
10-12. Saññojanikādidiṭṭhiniddeso
143. ஸஞ்ஞோஜனிகாய தி³ட்டி²யா கதமேஹி அட்டா²ரஸஹி ஆகாரேஹி அபி⁴னிவேஸோ ஹோதி? யா தி³ட்டி² தி³ட்டி²க³தங் தி³ட்டி²க³ஹனங்…பே॰… தி³ட்டா²பி⁴னிவேஸோ தி³ட்டி²பராமாஸோ – ஸஞ்ஞோஜனிகாய தி³ட்டி²யா இமேஹி அட்டா²ரஸஹி ஆகாரேஹி அபி⁴னிவேஸோ ஹோதி.
143. Saññojanikāya diṭṭhiyā katamehi aṭṭhārasahi ākārehi abhiniveso hoti? Yā diṭṭhi diṭṭhigataṃ diṭṭhigahanaṃ…pe… diṭṭhābhiniveso diṭṭhiparāmāso – saññojanikāya diṭṭhiyā imehi aṭṭhārasahi ākārehi abhiniveso hoti.
144. ‘‘அஹ’’ந்தி – மானவினிப³ந்தா⁴ய தி³ட்டி²யா கதமேஹி அட்டா²ரஸஹி ஆகாரேஹி அபி⁴னிவேஸோ ஹோதி? சக்கு² அஹந்தி – அபி⁴னிவேஸபராமாஸோ. அஹந்தி – மானவினிப³ந்தா⁴ தி³ட்டி². தி³ட்டி² ந வத்து², வத்து² ந தி³ட்டி². அஞ்ஞா தி³ட்டி², அஞ்ஞங் வத்து². யா ச தி³ட்டி² யஞ்ச வத்து² – அயங் பட²மா ‘‘அஹ’’ந்தி – மானவினிப³ந்தா⁴ தி³ட்டி². மானவினிப³ந்தா⁴ தி³ட்டி² மிச்சா²தி³ட்டி²…பே॰… இமானி ஸஞ்ஞோஜனானி, ந ச தி³ட்டி²யோ.
144. ‘‘Aha’’nti – mānavinibandhāya diṭṭhiyā katamehi aṭṭhārasahi ākārehi abhiniveso hoti? Cakkhu ahanti – abhinivesaparāmāso. Ahanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘aha’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo.
ஸோதங் அஹந்தி…பே॰… கா⁴னங் அஹந்தி…பே॰… ஜிவ்ஹா அஹந்தி…பே॰… காயோ அஹந்தி…பே॰… மனோ அஹந்தி…பே॰… ரூபா அஹந்தி…பே॰… த⁴ம்மா அஹந்தி… சக்கு²விஞ்ஞாணங் அஹந்தி…பே॰… மனோவிஞ்ஞாணங் அஹந்தி – அபி⁴னிவேஸபராமாஸோ. அஹந்தி – மானவினிப³ந்தா⁴ தி³ட்டி². தி³ட்டி² ந வத்து², வத்து² ந தி³ட்டி². அஞ்ஞா தி³ட்டி², அஞ்ஞங் வத்து². யா ச தி³ட்டி² யஞ்ச வத்து² – அயங் அட்டா²ரஸமீ ‘‘அஹ’’ந்தி – மானவினிப³ந்தா⁴ தி³ட்டி². மானவினிப³ந்தா⁴ தி³ட்டி² மிச்சா²தி³ட்டி²…பே॰… இமானி ஸஞ்ஞோஜனானி, ந ச தி³ட்டி²யோ. ‘‘அஹ’’ந்தி – மானவினிப³ந்தா⁴ய தி³ட்டி²யா இமேஹி அட்டா²ரஸஹி ஆகாரேஹி அபி⁴னிவேஸோ ஹோதி.
Sotaṃ ahanti…pe… ghānaṃ ahanti…pe… jivhā ahanti…pe… kāyo ahanti…pe… mano ahanti…pe… rūpā ahanti…pe… dhammā ahanti… cakkhuviññāṇaṃ ahanti…pe… manoviññāṇaṃ ahanti – abhinivesaparāmāso. Ahanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhārasamī ‘‘aha’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Aha’’nti – mānavinibandhāya diṭṭhiyā imehi aṭṭhārasahi ākārehi abhiniveso hoti.
145. ‘‘மம’’ந்தி – மானவினிப³ந்தா⁴ய தி³ட்டி²யா கதமேஹி அட்டா²ரஸஹி ஆகாரேஹி அபி⁴னிவேஸோ ஹோதி? சக்கு² மமந்தி – அபி⁴னிவேஸபராமாஸோ. மமந்தி – மானவினிப³ந்தா⁴ தி³ட்டி². தி³ட்டி² ந வத்து², வத்து² ந தி³ட்டி². அஞ்ஞா தி³ட்டி², அஞ்ஞங் வத்து². யா ச தி³ட்டி² யஞ்ச வத்து² – அயங் பட²மா ‘‘மம’’ந்தி – மானவினிப³ந்தா⁴ தி³ட்டி². மானவினிப³ந்தா⁴ தி³ட்டி² மிச்சா²தி³ட்டி²…பே॰… இமானி ஸஞ்ஞோஜனானி, ந ச தி³ட்டி²யோ.
145. ‘‘Mama’’nti – mānavinibandhāya diṭṭhiyā katamehi aṭṭhārasahi ākārehi abhiniveso hoti? Cakkhu mamanti – abhinivesaparāmāso. Mamanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘mama’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo.
ஸோதங் மமந்தி…பே॰… கா⁴னங் மமந்தி…பே॰… ஜிவ்ஹா மமந்தி…பே॰… காயோ மமந்தி…பே॰… மனோ மமந்தி…பே॰… ரூபா மமந்தி…பே॰… த⁴ம்மா மமந்தி…பே॰… சக்கு²விஞ்ஞாணங் மமந்தி…பே॰… மனோவிஞ்ஞாணங் மமந்தி அபி⁴னிவேஸபராமாஸோ. மமந்தி மானவினிப³ந்தா⁴ தி³ட்டி². தி³ட்டி² ந வத்து², வத்து² ந தி³ட்டி². அஞ்ஞா தி³ட்டி², அஞ்ஞங் வத்து². யா ச தி³ட்டி² யஞ்ச வத்து² – அயங் அட்டா²ரஸமீ ‘‘மம’’ந்தி – மானவினிப³ந்தா⁴ தி³ட்டி². மானவினிப³ந்தா⁴ தி³ட்டி² மிச்சா²தி³ட்டி²…பே॰… இமானி ஸஞ்ஞோஜனானி, ந ச தி³ட்டி²யோ. ‘‘மம’’ந்தி – மானவினிப³ந்தா⁴ய தி³ட்டி²யா இமேஹி அட்டா²ரஸஹி ஆகாரேஹி அபி⁴னிவேஸோ ஹோதி.
Sotaṃ mamanti…pe… ghānaṃ mamanti…pe… jivhā mamanti…pe… kāyo mamanti…pe… mano mamanti…pe… rūpā mamanti…pe… dhammā mamanti…pe… cakkhuviññāṇaṃ mamanti…pe… manoviññāṇaṃ mamanti abhinivesaparāmāso. Mamanti mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhārasamī ‘‘mama’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Mama’’nti – mānavinibandhāya diṭṭhiyā imehi aṭṭhārasahi ākārehi abhiniveso hoti.
ஸஞ்ஞோஜனிகாதி³தி³ட்டி²னித்³தே³ஸோ த்³வாத³ஸமோ.
Saññojanikādidiṭṭhiniddeso dvādasamo.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 10-12. ஸஞ்ஞோஜனிகாதி³தி³ட்டி²னித்³தே³ஸவண்ணனா • 10-12. Saññojanikādidiṭṭhiniddesavaṇṇanā
