| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၈. သန္နိဓိကာရကသိက္ခာပဒဝဏ္ဏနာ
8. Sannidhikārakasikkhāpadavaṇṇanā
‘‘ဒုဒ္ဓောတော ဟောတီ’’တိအာဒိနာ နယေန ဣဓ ဝုတ္တတ္တာ, ‘‘ဒုဒ္ဓောတံ ပတ္တံ ဓောဝိတ္ဝာ ပုန
‘‘Duddhotohotī’’tiādinā nayena idha vuttattā, ‘‘duddhotaṃ pattaṃ dhovitvā puna
တတ္ထ အစ္ဆောဒကံ ဝာ အာသိဉ္စိတ္ဝာ, အင္ဂုလိယာ ဝာ ဃံသိတ္ဝာ နိသ္နေဟဘာဝော ဇာနိတဗ္ဗော’’တိ (ပာစိ. အဋ္ဌ. ၂၅၃) သမန္တပာသာဒိကာယံ ဝုတ္တတ္တာ စ မတ္တိကာပတ္တသ္သ ကပာလေန ပီတော သ္နေဟော သန္နိဓိံ ကရောတီတိ သိဒ္ဓန္တိ လိခိတံ။ သယံ ပဋိဂ္ဂဟေတ္ဝာ အပရိစ္စတ္တမေဝာတိ ဧတ္ထ အပရိစ္စတ္တံ နာမ အနုပသမ္ပန္နာနံ နိရပေက္ခအပရိစ္စတ္တံ အဝိဇဟိတံ။ ‘‘ပဋိဂ္ဂဟဏန္တိ ဧတ္ထ ပဋိဂ္ဂဟိတဘာဝမဝိဇဟိတမေဝ သန္နိဓိံ ဇနေတီ’’တိ ဓမ္မသိရိတ္ထေရော, တံ ‘‘ပဋိဂ္ဂဏ္ဟာတိ, အာပတ္တိ ဒုက္ကဋသ္သာ’’တိ (ပာစိ. ၂၅၅) ပာဠိယာ ဝိရုဇ္ဈတိ။ တသ္သ ပန ပုန ပဋိဂ္ဂဏ္ဟနကိစ္စာဘာဝတော ဝီမံသိတဗ္ဗံ။
Tattha acchodakaṃ vā āsiñcitvā, aṅguliyā vā ghaṃsitvā nisnehabhāvo jānitabbo’’ti (pāci. aṭṭha. 253) samantapāsādikāyaṃ vuttattā ca mattikāpattassa kapālena pīto sneho sannidhiṃ karotīti siddhanti likhitaṃ. Sayaṃ paṭiggahetvā apariccattamevāti ettha apariccattaṃ nāma anupasampannānaṃ nirapekkhaapariccattaṃ avijahitaṃ. ‘‘Paṭiggahaṇanti ettha paṭiggahitabhāvamavijahitameva sannidhiṃ janetī’’ti dhammasiritthero, taṃ ‘‘paṭiggaṇhāti, āpatti dukkaṭassā’’ti (pāci. 255) pāḷiyā virujjhati. Tassa pana puna paṭiggaṇhanakiccābhāvato vīmaṃsitabbaṃ.
သန္နိဓိကာရကသိက္ခာပဒဝဏ္ဏနာ နိဋ္ဌိတာ။
Sannidhikārakasikkhāpadavaṇṇanā niṭṭhitā.
