| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၉. ပဏီတဘောဇနသိက္ခာပဒဝဏ္ဏနာ
9. Paṇītabhojanasikkhāpadavaṇṇanā
‘‘တေသံ မံသဉ္စ ခီရဒဓီနိ စ ဣဓ အဓိပ္ပေတာနီ’’တိ ဣဒံ ပာစိတ္တိယဝတ္ထုပရိစ္ဆေဒော, န ပန ကပ္ပိယခီရာဒိပရိစ္ဆေဒော, တသ္မာ ယသ္သ ကသ္သစိ ခီရာဒီနိ ဝဋ္ဋန္တီတိ စ, ‘‘မဟာနာမသိက္ခာပဒေန ကာရေတဗ္ဗော’’တိ သင္ဃဝသေန ပဝာရိတေ ဘေသဇ္ဇတ္ထာယ သပ္ပိအာဒိဘေသဇ္ဇပဉ္စကံ ဝိညာပေတိ စေ, တတ္ထ ‘‘န ဘေသဇ္ဇကရဏီယေန ဘေသဇ္ဇံ ဝိညာပေတီ’’တိ ဧတ္ထ သင္ဂဟံ ဂစ္ဆတိ, တသ္မာ ‘‘တေန ပာစိတ္တိယ’’န္တိ (ဝဇိရ. ဋီ. ပာစိတ္တိယ ၂၆၁) စ လိခိတံ။
‘‘Tesaṃ maṃsañca khīradadhīni ca idha adhippetānī’’ti idaṃ pācittiyavatthuparicchedo, na pana kappiyakhīrādiparicchedo, tasmā yassa kassaci khīrādīni vaṭṭantīti ca, ‘‘mahānāmasikkhāpadena kāretabbo’’ti saṅghavasena pavārite bhesajjatthāya sappiādibhesajjapañcakaṃ viññāpeti ce, tattha ‘‘na bhesajjakaraṇīyena bhesajjaṃ viññāpetī’’ti ettha saṅgahaṃ gacchati, tasmā ‘‘tena pācittiya’’nti (vajira. ṭī. pācittiya 261) ca likhitaṃ.
ပဏီတဘောဇနသိက္ခာပဒဝဏ္ဏနာ နိဋ္ဌိတာ။
Paṇītabhojanasikkhāpadavaṇṇanā niṭṭhitā.
