| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਸਞ੍ਞਾਨਾਨਤ੍ਤਸੁਤ੍ਤવਣ੍ਣਨਾ
7. Saññānānattasuttavaṇṇanā
੯੧. ਆਪਾਥੇ ਪਤਿਤਨ੍ਤਿ ਚਕ੍ਖੁਸ੍ਸ ਆਪਾਥਗਤਂ ਸਾਟਕવੇਠਨਾਦਿਸਞ੍ਞਿਤਂ ਭੂਤਸਙ੍ਘਾਤਂ ਸਮ੍ਮਾ ਨਿਸ੍ਸਿਤਂ। ਚਕ੍ਖੁਦ੍વਾਰੇ ਸਮ੍ਪਟਿਚ੍ਛਨਾਦਿਸਮ੍ਪਯੁਤ੍ਤਸਞ੍ਞਾਨਂ ਸਙ੍ਕਪ੍ਪਗਤਿਕਤ੍ਤਾ, ਚਕ੍ਖੁવਿਞ੍ਞਾਣਸਮ੍ਪਯੁਤ੍ਤਸਞ੍ਞਾਗਹਣੇਨੇવ વਾ ਗਹੇਤਬ੍ਬਤੋ ‘‘ਰੂਪਸਞ੍ਞਾਤਿ ਚਕ੍ਖੁવਿਞ੍ਞਾਣਸਮ੍ਪਯੁਤ੍ਤਾ ਸਞ੍ਞਾ’’ਤਿ વੁਤ੍ਤਂ ਤਤ੍ਥ ਸਞ੍ਞਾਯ ਏવ ਲਬ੍ਭਨਤੋ। ਏਤੇਨੇવ ਹਿ ਤਂਸਮ੍ਪਯੁਤ੍ਤੋ ਸਙ੍ਕਪ੍ਪੋਤਿ ਇਦਮ੍ਪਿ ਸਂવਣ੍ਣਿਤਨ੍ਤਿ ਦਟ੍ਠਬ੍ਬਂ। ਤੇਨਾਹ ‘‘ਸਞ੍ਞਾਸਙ੍ਕਪ੍ਪਛਨ੍ਦਾ ਏਕਜવਨવਾਰੇਪਿ ਨਾਨਾਜવਨવਾਰੇਪਿ ਲਬ੍ਭਨ੍ਤੀ’’ਤਿ। ਜવਨਸਮ੍ਪਯੁਤ੍ਤਸ੍ਸ વਿਤਕ੍ਕਸ੍ਸ ਛਨ੍ਦਗਤਿਕਤ੍ਤਾ વੁਤ੍ਤਂ ‘‘ਤੀਹਿ ਚਿਤ੍ਤੇਹਿ ਸਮ੍ਪਯੁਤ੍ਤੋ ਸਙ੍ਕਪ੍ਪੋ’’ਤਿ। ਛਨ੍ਦਿਕਤਟ੍ਠੇਨਾਤਿ ਛਨ੍ਦਕਰਣਟ੍ਠੇਨ, ਇਚ੍ਛਿਤਟ੍ਠੇਨਾਤਿ ਅਤ੍ਥੋ। ਅਨੁਡਹਨਟ੍ਠੇਨਾਤਿ ਪਰਿਡਹਨਟ੍ਠੇਨ। ਸਨ੍ਨਿਸ੍ਸਯਡਾਹਰਸਾ ਹਿ ਰਾਗਗ੍ਗਿਆਦਯੋ ‘‘ਰੂਪੇ’’ਤਿ ਪਨ ਤਸ੍ਸ ਆਰਮ੍ਮਣਦਸ੍ਸਨਮੇਤਂ। ਪਰਿਲ਼ਾਹੋਤਿ ਪਰਿਲ਼ਾਹਸੀਸੇਨ ਅਪੇਕ੍ਖਂ વਦਤਿ। ਤੇਨਾਹ ‘‘ਪਰਿਲ਼ਾਹੇ ਉਪ੍ਪਨ੍ਨੇ’’ਤਿਆਦਿ। ‘‘ਪਰਿਲ਼ਾਹੋ’’ਤਿ ਦਲ਼੍ਹਜ੍ਝੋਸਾਨਾ ਬਲવਾਕਾਰਪ੍ਪਤ੍ਤਾ વੁਤ੍ਤਾਤਿ ਆਹ ‘‘ਪਰਿਲ਼ਾਹਪਰਿਯੇਸਨਾ ਪਨ ਨਾਨਾਜવਨવਾਰੇਯੇવ ਲਬ੍ਭਨ੍ਤੀ’’ਤਿ। ਤਾਸਂ ਲਦ੍ਧੂਪਨਿਸ੍ਸਯਭਾવਤੋਤਿ ਦਸ੍ਸੇਤਿ। ਇਮਿਨਾ ਨਯੇਨਾਤਿ ‘‘ਉਪ੍ਪਜ੍ਜਤਿ ਸਞ੍ਞਾਨਾਨਤ੍ਤ’’ਨ੍ਤਿ ਏਤ੍ਥ વੁਤ੍ਤਨਯੇਨ ਅਤ੍ਥੋ વੇਦਿਤਬ੍ਬੋ। ‘‘ਰੂਪਸਞ੍ਞਾਦਿਨਾਨਾਸਭਾવਂ ਸਞ੍ਞਂ ਪਟਿਚ੍ਚ ਕਾਮਸਙ੍ਕਪ੍ਪਾਦਿਨਾਨਾਸਭਾવੋ ਸਙ੍ਕਪ੍ਪੋ ਉਪ੍ਪਜ੍ਜਤੀ’’ਤਿਆਦਿਨਾ ਨਯੇਨ વੇਦਿਤਬ੍ਬੋ।
91.Āpāthe patitanti cakkhussa āpāthagataṃ sāṭakaveṭhanādisaññitaṃ bhūtasaṅghātaṃ sammā nissitaṃ. Cakkhudvāre sampaṭicchanādisampayuttasaññānaṃ saṅkappagatikattā, cakkhuviññāṇasampayuttasaññāgahaṇeneva vā gahetabbato ‘‘rūpasaññāti cakkhuviññāṇasampayuttā saññā’’ti vuttaṃ tattha saññāya eva labbhanato. Eteneva hi taṃsampayutto saṅkappoti idampi saṃvaṇṇitanti daṭṭhabbaṃ. Tenāha ‘‘saññāsaṅkappachandā ekajavanavārepi nānājavanavārepi labbhantī’’ti. Javanasampayuttassa vitakkassa chandagatikattā vuttaṃ ‘‘tīhi cittehi sampayutto saṅkappo’’ti. Chandikataṭṭhenāti chandakaraṇaṭṭhena, icchitaṭṭhenāti attho. Anuḍahanaṭṭhenāti pariḍahanaṭṭhena. Sannissayaḍāharasā hi rāgaggiādayo ‘‘rūpe’’ti pana tassa ārammaṇadassanametaṃ. Pariḷāhoti pariḷāhasīsena apekkhaṃ vadati. Tenāha ‘‘pariḷāhe uppanne’’tiādi. ‘‘Pariḷāho’’ti daḷhajjhosānā balavākārappattā vuttāti āha ‘‘pariḷāhapariyesanā pana nānājavanavāreyeva labbhantī’’ti. Tāsaṃ laddhūpanissayabhāvatoti dasseti. Iminā nayenāti ‘‘uppajjati saññānānatta’’nti ettha vuttanayena attho veditabbo. ‘‘Rūpasaññādinānāsabhāvaṃ saññaṃ paṭicca kāmasaṅkappādinānāsabhāvo saṅkappo uppajjatī’’tiādinā nayena veditabbo.
ਸਞ੍ਞਾਨਾਨਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Saññānānattasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਸਞ੍ਞਾਨਾਨਤ੍ਤਸੁਤ੍ਤਂ • 7. Saññānānattasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਸਞ੍ਞਾਨਾਨਤ੍ਤਸੁਤ੍ਤવਣ੍ਣਨਾ • 7. Saññānānattasuttavaṇṇanā
