| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਸਞ੍ਞਾਨਾਨਤ੍ਤਸੁਤ੍ਤવਣ੍ਣਨਾ
7. Saññānānattasuttavaṇṇanā
੯੧. ਸਤ੍ਤਮੇ ਰੂਪਧਾਤੂਤਿ ਆਪਾਥੇ ਪਤਿਤਂ ਅਤ੍ਤਨੋ વਾ ਪਰਸ੍ਸ વਾ ਸਾਟਕવੇਠਨਾਦਿવਤ੍ਥੁਕਂ ਰੂਪਾਰਮ੍ਮਣਂ। ਰੂਪਸਞ੍ਞਾਤਿ ਚਕ੍ਖੁવਿਞ੍ਞਾਣਸਮ੍ਪਯੁਤ੍ਤਾ ਸਞ੍ਞਾ। ਰੂਪਸਙ੍ਕਪ੍ਪੋਤਿ ਸਮ੍ਪਟਿਚ੍ਛਨਾਦੀਹਿ ਤੀਹਿ ਚਿਤ੍ਤੇਹਿ ਸਮ੍ਪਯੁਤ੍ਤੋ ਸਙ੍ਕਪ੍ਪੋ। ਰੂਪਚ੍ਛਨ੍ਦੋਤਿ ਰੂਪੇ ਛਨ੍ਦਿਕਤਟ੍ਠੇਨ ਛਨ੍ਦੋ। ਰੂਪਪਰਿਲ਼ਾਹੋਤਿ ਰੂਪੇ ਅਨੁਡਹਨਟ੍ਠੇਨ ਪਰਿਲ਼ਾਹੋ। ਰੂਪਪਰਿਯੇਸਨਾਤਿ ਪਰਿਲ਼ਾਹੇ ਉਪ੍ਪਨ੍ਨੇ ਸਨ੍ਦਿਟ੍ਠਸਮ੍ਭਤ੍ਤੇ ਗਹੇਤ੍વਾ ਤਸ੍ਸ ਰੂਪਸ੍ਸ ਪਟਿਲਾਭਤ੍ਥਾਯ ਪਰਿਯੇਸਨਾ। ਏਤ੍ਥ ਚ ਸਞ੍ਞਾਸਙ੍ਕਪ੍ਪਛਨ੍ਦਾ ਏਕਜવਨવਾਰੇਪਿ ਨਾਨਾਜવਨવਾਰੇਪਿ ਲਬ੍ਭਨ੍ਤਿ, ਪਰਿਲ਼ਾਹਪਰਿਯੇਸਨਾ ਪਨ ਨਾਨਾਜવਨવਾਰੇਯੇવ ਲਬ੍ਭਨ੍ਤੀਤਿ। ਏવਂ ਖੋ, ਭਿਕ੍ਖવੇ, ਧਾਤੁਨਾਨਤ੍ਤਨ੍ਤਿ ਏਤ੍ਥ ਚ ਏવਂ ਰੂਪਾਦਿਨਾਨਾਸਭਾવਂ ਧਾਤੁਂ ਪਟਿਚ੍ਚ ਰੂਪਸਞ੍ਞਾਦਿਨਾਨਾਸਭਾવਸਞ੍ਞਾ ਉਪ੍ਪਜ੍ਜਤੀਤਿ ਇਮਿਨਾ ਨਯੇਨ ਅਤ੍ਥੋ વੇਦਿਤਬ੍ਬੋ। ਸਤ੍ਤਮਂ।
91. Sattame rūpadhātūti āpāthe patitaṃ attano vā parassa vā sāṭakaveṭhanādivatthukaṃ rūpārammaṇaṃ. Rūpasaññāti cakkhuviññāṇasampayuttā saññā. Rūpasaṅkappoti sampaṭicchanādīhi tīhi cittehi sampayutto saṅkappo. Rūpacchandoti rūpe chandikataṭṭhena chando. Rūpapariḷāhoti rūpe anuḍahanaṭṭhena pariḷāho. Rūpapariyesanāti pariḷāhe uppanne sandiṭṭhasambhatte gahetvā tassa rūpassa paṭilābhatthāya pariyesanā. Ettha ca saññāsaṅkappachandā ekajavanavārepi nānājavanavārepi labbhanti, pariḷāhapariyesanā pana nānājavanavāreyeva labbhantīti. Evaṃ kho, bhikkhave, dhātunānattanti ettha ca evaṃ rūpādinānāsabhāvaṃ dhātuṃ paṭicca rūpasaññādinānāsabhāvasaññā uppajjatīti iminā nayena attho veditabbo. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਸਞ੍ਞਾਨਾਨਤ੍ਤਸੁਤ੍ਤਂ • 7. Saññānānattasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਸਞ੍ਞਾਨਾਨਤ੍ਤਸੁਤ੍ਤવਣ੍ਣਨਾ • 7. Saññānānattasuttavaṇṇanā
