| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
১০. সঞ্ঞালক্খণপঞ্হো
10. Saññālakkhaṇapañho
১০. ‘‘ভন্তে নাগসেন, কিংলক্খণা সঞ্ঞা’’তি? ‘‘সঞ্জাননলক্খণা, মহারাজ, সঞ্ঞা। কিং সঞ্জানাতি? নীলম্পি সঞ্জানাতি, পীতম্পি সঞ্জানাতি, লোহিতম্পি সঞ্জানাতি, ওদাতম্পি সঞ্জানাতি, মঞ্জিট্ঠম্পি 1 সঞ্জানাতি। এৰং খো, মহারাজ, সঞ্জাননলক্খণা সঞ্ঞা’’তি।
10. ‘‘Bhante nāgasena, kiṃlakkhaṇā saññā’’ti? ‘‘Sañjānanalakkhaṇā, mahārāja, saññā. Kiṃ sañjānāti? Nīlampi sañjānāti, pītampi sañjānāti, lohitampi sañjānāti, odātampi sañjānāti, mañjiṭṭhampi 2 sañjānāti. Evaṃ kho, mahārāja, sañjānanalakkhaṇā saññā’’ti.
‘‘ওপম্মং করোহী’’তি। ‘‘যথা, মহারাজ, রঞ্ঞো ভণ্ডাগারিকো ভণ্ডাগারং পৰিসিত্ৰা নীলপীতলোহিতোদাতমঞ্জিট্ঠানি 3 রাজভোগানি রূপানি পস্সিত্ৰা সঞ্জানাতি। এৰং খো, মহারাজ, সঞ্জাননলক্খণা সঞ্ঞা’’তি।
‘‘Opammaṃ karohī’’ti. ‘‘Yathā, mahārāja, rañño bhaṇḍāgāriko bhaṇḍāgāraṃ pavisitvā nīlapītalohitodātamañjiṭṭhāni 4 rājabhogāni rūpāni passitvā sañjānāti. Evaṃ kho, mahārāja, sañjānanalakkhaṇā saññā’’ti.
‘‘কল্লোসি, ভন্তে নাগসেনা’’তি।
‘‘Kallosi, bhante nāgasenā’’ti.
সঞ্ঞালক্খণপঞ্হো দসমো।
Saññālakkhaṇapañho dasamo.
Footnotes:
