| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
10. сан̇кабаалажарияаа
10. Saṅkhapālacariyā
85.
85.
‘‘бунаабарам̣ яад̣̇аа хоми, сан̇кабаало махид̣̇д̇хиго;
‘‘Punāparaṃ yadā homi, saṅkhapālo mahiddhiko;
д̣̇аатаавуд̇хо гхорависо, д̣̇виж̇ивхо ураг̇аад̇хибхуу.
Dāṭhāvudho ghoraviso, dvijivho uragādhibhū.
86.
86.
‘‘жад̇уббат̇з махаамаг̇г̇з, наанааж̇анасамаагулз;
‘‘Catuppathe mahāmagge, nānājanasamākule;
жад̇уро ан̇г̇з ад̇хидтааяа, д̇ад̇т̇а ваасамагаббаяим̣.
Caturo aṅge adhiṭṭhāya, tattha vāsamakappayiṃ.
87.
87.
‘‘чавияаа жаммзна мам̣сзна, нахааруадтигзхи ваа;
‘‘Chaviyā cammena maṃsena, nahāruaṭṭhikehi vā;
яасса зд̇зна гаран̣ийяам̣, д̣̇иннам̣язва хараад̇у со.
Yassa etena karaṇīyaṃ, dinnaṃyeva harātu so.
88.
88.
‘‘ад̣̇д̣̇асам̣су бхож̇абуд̇д̇аа, караа луд̣̇д̣̇аа агаарун̣аа;
‘‘Addasaṃsu bhojaputtā, kharā luddā akāruṇā;
убаг̇ан̃чум̣ мамам̣ д̇ад̇т̇а, д̣̇ан̣д̣амуг̇г̇арабаан̣ино.
Upagañchuṃ mamaṃ tattha, daṇḍamuggarapāṇino.
89.
89.
‘‘наасааяа винивиж̇жхид̇ваа, нан̇г̇удтз бидтиган̣дагз;
‘‘Nāsāya vinivijjhitvā, naṅguṭṭhe piṭṭhikaṇṭake;
гааж̇з ааробаяид̇ваана, бхож̇абуд̇д̇аа харим̣су мам̣.
Kāje āropayitvāna, bhojaputtā hariṃsu maṃ.
90.
90.
‘‘сасааг̇аранд̇ам̣ бат̇авим̣, сагаананам̣ сабаб̣б̣ад̇ам̣;
‘‘Sasāgarantaṃ pathaviṃ, sakānanaṃ sapabbataṃ;
ижчамаано жахам̣ д̇ад̇т̇а, наасааваад̇зна жхаабаяз.
Icchamāno cahaṃ tattha, nāsāvātena jhāpaye.
91.
91.
‘‘суулзхи винивиж̇жханд̇з, годдаяанд̇зби сад̇д̇ибхи;
‘‘Sūlehi vinivijjhante, koṭṭayantepi sattibhi;
бхож̇абуд̇д̇з на губбаами, зсаа мз сийлабаарамий’’д̇и.
Bhojaputte na kuppāmi, esā me sīlapāramī’’ti.
сан̇кабаалажарияам̣ д̣̇асамам̣.
Saṅkhapālacariyaṃ dasamaṃ.
хад̇т̇инааг̇аваг̇г̇о д̣̇уд̇ияо.
Hatthināgavaggo dutiyo.
д̇ассуд̣̇д̣̇аанам̣ –
Tassuddānaṃ –
хад̇т̇инааг̇о бхуурид̣̇ад̇д̇о, жамбзяяо б̣од̇хи махим̣со;
Hatthināgo bhūridatto, campeyyo bodhi mahiṃso;
руру маад̇ан̇г̇о д̇хаммо жа, ад̇раж̇о жа ж̇аяад̣̇д̣̇исо.
Ruru mātaṅgo dhammo ca, atrajo ca jayaddiso.
зд̇з нава сийлаб̣алаа, баригкаараа бад̣̇зсигаа;
Ete nava sīlabalā, parikkhārā padesikā;
ж̇ийвид̇ам̣ барирагкид̇ваа, сийлаани анурагкисам̣.
Jīvitaṃ parirakkhitvā, sīlāni anurakkhisaṃ.
сан̇кабааласса мз сад̇о, саб̣б̣агааламби ж̇ийвид̇ам̣;
Saṅkhapālassa me sato, sabbakālampi jīvitaṃ;
яасса гассажи нияяад̇д̇ам̣, д̇асмаа саа сийлабаарамийд̇и.
Yassa kassaci niyyattaṃ, tasmā sā sīlapāramīti.
сийлабаараминид̣̇д̣̇зсо нидтид̇о.
Sīlapāraminiddeso niṭṭhito.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 10. сан̇кабаалажарияааван̣н̣анаа • 10. Saṅkhapālacariyāvaṇṇanā
