| Library / Tipiṭaka / ติปิฎก • Tipiṭaka / จริยาปิฎกปาฬิ • Cariyāpiṭakapāḷi |
๒. สงฺขจริยา
2. Saṅkhacariyā
๑๑.
11.
‘‘ปุนาปรํ ยทา โหมิ, พฺราหฺมโณ สงฺขสวฺหโย;
‘‘Punāparaṃ yadā homi, brāhmaṇo saṅkhasavhayo;
มหาสมุทฺทํ ตริตุกาโม, อุปคจฺฉามิ ปฎฺฎนํฯ
Mahāsamuddaṃ taritukāmo, upagacchāmi paṭṭanaṃ.
๑๒.
12.
‘‘ตตฺถทฺทสํ ปฎิปเถ, สยมฺภุํ อปราชิตํ;
‘‘Tatthaddasaṃ paṭipathe, sayambhuṃ aparājitaṃ;
๑๓.
13.
‘‘ตมหํ ปฎิปเถ ทิสฺวา, อิมมตฺถํ วิจินฺตยิํ;
‘‘Tamahaṃ paṭipathe disvā, imamatthaṃ vicintayiṃ;
‘อิทํ เขตฺตํ อนุปฺปตฺตํ, ปุญฺญกามสฺส ชนฺตุโนฯ
‘Idaṃ khettaṃ anuppattaṃ, puññakāmassa jantuno.
๑๔.
14.
‘‘‘ยถา กสฺสโก ปุริโส, เขตฺตํ ทิสฺวา มหาคมํ;
‘‘‘Yathā kassako puriso, khettaṃ disvā mahāgamaṃ;
ตตฺถ พีชํ น โรเปติ, น โส ธเญฺญน อตฺถิโกฯ
Tattha bījaṃ na ropeti, na so dhaññena atthiko.
๑๕.
15.
‘‘‘เอวเมวาหํ ปุญฺญกาโม, ทิสฺวา เขตฺตวรุตฺตมํ;
‘‘‘Evamevāhaṃ puññakāmo, disvā khettavaruttamaṃ;
ยทิ ตตฺถ การํ น กโรมิ, นาหํ ปุเญฺญน อตฺถิโกฯ
Yadi tattha kāraṃ na karomi, nāhaṃ puññena atthiko.
๑๖.
16.
‘‘‘ยถา อมโจฺจ มุทฺทิกาโม, รโญฺญ อเนฺตปุเร ชเน;
‘‘‘Yathā amacco muddikāmo, rañño antepure jane;
น เทติ เตสํ ธนธญฺญํ, มุทฺทิโต ปริหายติฯ
Na deti tesaṃ dhanadhaññaṃ, muddito parihāyati.
๑๗.
17.
‘‘‘เอวเมวาหํ ปุญฺญกาโม, วิปุลํ ทิสฺวาน ทกฺขิณํ;
‘‘‘Evamevāhaṃ puññakāmo, vipulaṃ disvāna dakkhiṇaṃ;
ยทิ ตสฺส ทานํ น ททามิ, ปริหายิสฺสามิ ปุญฺญโต’ฯ
Yadi tassa dānaṃ na dadāmi, parihāyissāmi puññato’.
๑๘.
18.
‘‘เอวาหํ จินฺตยิตฺวาน, โอโรหิตฺวา อุปาหนา;
‘‘Evāhaṃ cintayitvāna, orohitvā upāhanā;
ตสฺส ปาทานิ วนฺทิตฺวา, อทาสิํ ฉตฺตุปาหนํฯ
Tassa pādāni vanditvā, adāsiṃ chattupāhanaṃ.
๑๙.
19.
‘‘เตเนวาหํ สตคุณโต, สุขุมาโล สุเขธิโต;
‘‘Tenevāhaṃ sataguṇato, sukhumālo sukhedhito;
อปิ จ ทานํ ปริปูเรโนฺต, เอวํ ตสฺส อทาสห’’นฺติฯ
Api ca dānaṃ paripūrento, evaṃ tassa adāsaha’’nti.
สงฺขจริยํ ทุติยํฯ
Saṅkhacariyaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จริยาปิฎก-อฎฺฐกถา • Cariyāpiṭaka-aṭṭhakathā / ๒. สงฺขพฺราหฺมณจริยาวณฺณนา • 2. Saṅkhabrāhmaṇacariyāvaṇṇanā
