| Library / Tipiṭaka / ติปิฎก • Tipiṭaka / จริยาปิฎกปาฬิ • Cariyāpiṭakapāḷi |
๓. กุรุราชจริยา
3. Kururājacariyā
๒๐.
20.
ราชา ธนญฺจโย นาม, กุสเล ทสหุปาคโตฯ
Rājā dhanañcayo nāma, kusale dasahupāgato.
๒๑.
21.
‘‘กลิงฺครฎฺฐวิสยา, พฺราหฺมณา อุปคญฺฉุ มํ;
‘‘Kaliṅgaraṭṭhavisayā, brāhmaṇā upagañchu maṃ;
อายาจุํ มํ หตฺถินาคํ, ธญฺญํ มงฺคลสมฺมตํฯ
Āyācuṃ maṃ hatthināgaṃ, dhaññaṃ maṅgalasammataṃ.
๒๒.
22.
‘‘‘อวุฎฺฐิโก ชนปโท, ทุพฺภิโกฺข ฉาตโก มหา;
‘‘‘Avuṭṭhiko janapado, dubbhikkho chātako mahā;
ททาหิ ปวรํ นาคํ, นีลํ อญฺชนสวฺหยํฯ
Dadāhi pavaraṃ nāgaṃ, nīlaṃ añjanasavhayaṃ.
๒๓.
23.
‘‘‘น เม ยาจกมนุปฺปเตฺต, ปฎิเกฺขโป อนุจฺฉโว;
‘‘‘Na me yācakamanuppatte, paṭikkhepo anucchavo;
มา เม ภิชฺชิ สมาทานํ, ทสฺสามิ วิปุลํ คชํ’ฯ
Mā me bhijji samādānaṃ, dassāmi vipulaṃ gajaṃ’.
๒๔.
24.
ชลํ หเตฺถ อากิริตฺวา, พฺราหฺมณานํ อทํ คชํฯ
Jalaṃ hatthe ākiritvā, brāhmaṇānaṃ adaṃ gajaṃ.
๒๕.
25.
‘‘ตสฺส นาเค ปทินฺนมฺหิ, อมจฺจา เอตทพฺรวุํ;
‘‘Tassa nāge padinnamhi, amaccā etadabravuṃ;
‘กิํ นุ ตุยฺหํ วรํ นาคํ, ยาจกานํ ปทสฺสสิฯ
‘Kiṃ nu tuyhaṃ varaṃ nāgaṃ, yācakānaṃ padassasi.
๒๖.
26.
‘‘‘ธญฺญํ มงฺคลสมฺปนฺนํ, สงฺคามวิชยุตฺตมํ;
‘‘‘Dhaññaṃ maṅgalasampannaṃ, saṅgāmavijayuttamaṃ;
ตสฺมิํ นาเค ปทินฺนมฺหิ, กิํ เต รชฺชํ กริสฺสติฯ
Tasmiṃ nāge padinnamhi, kiṃ te rajjaṃ karissati.
๒๗.
27.
‘‘‘รชฺชมฺปิ เม ทเท สพฺพํ, สรีรํ ทชฺชมตฺตโน;
‘‘‘Rajjampi me dade sabbaṃ, sarīraṃ dajjamattano;
สพฺพญฺญุตํ ปิยํ มยฺหํ, ตสฺมา นาคํ อทาสห’’’นฺติฯ
Sabbaññutaṃ piyaṃ mayhaṃ, tasmā nāgaṃ adāsaha’’’nti.
กุรุราชจริยํ ตติยํฯ
Kururājacariyaṃ tatiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จริยาปิฎก-อฎฺฐกถา • Cariyāpiṭaka-aṭṭhakathā / ๓. กุรุราชจริยาวณฺณนา • 3. Kururājacariyāvaṇṇanā
