| Library / Tipiṭaka / तिपिटक • Tipiṭaka / चरियापिटकपाळि • Cariyāpiṭakapāḷi |
२. सङ्खचरिया
2. Saṅkhacariyā
११.
11.
‘‘पुनापरं यदा होमि, ब्राह्मणो सङ्खसव्हयो।
‘‘Punāparaṃ yadā homi, brāhmaṇo saṅkhasavhayo;
महासमुद्दं तरितुकामो, उपगच्छामि पट्टनं॥
Mahāsamuddaṃ taritukāmo, upagacchāmi paṭṭanaṃ.
१२.
12.
‘‘तत्थद्दसं पटिपथे, सयम्भुं अपराजितं।
‘‘Tatthaddasaṃ paṭipathe, sayambhuṃ aparājitaṃ;
१३.
13.
‘‘तमहं पटिपथे दिस्वा, इममत्थं विचिन्तयिं।
‘‘Tamahaṃ paṭipathe disvā, imamatthaṃ vicintayiṃ;
‘इदं खेत्तं अनुप्पत्तं, पुञ्ञकामस्स जन्तुनो॥
‘Idaṃ khettaṃ anuppattaṃ, puññakāmassa jantuno.
१४.
14.
‘‘‘यथा कस्सको पुरिसो, खेत्तं दिस्वा महागमं।
‘‘‘Yathā kassako puriso, khettaṃ disvā mahāgamaṃ;
तत्थ बीजं न रोपेति, न सो धञ्ञेन अत्थिको॥
Tattha bījaṃ na ropeti, na so dhaññena atthiko.
१५.
15.
‘‘‘एवमेवाहं पुञ्ञकामो, दिस्वा खेत्तवरुत्तमं।
‘‘‘Evamevāhaṃ puññakāmo, disvā khettavaruttamaṃ;
यदि तत्थ कारं न करोमि, नाहं पुञ्ञेन अत्थिको॥
Yadi tattha kāraṃ na karomi, nāhaṃ puññena atthiko.
१६.
16.
‘‘‘यथा अमच्चो मुद्दिकामो, रञ्ञो अन्तेपुरे जने।
‘‘‘Yathā amacco muddikāmo, rañño antepure jane;
न देति तेसं धनधञ्ञं, मुद्दितो परिहायति॥
Na deti tesaṃ dhanadhaññaṃ, muddito parihāyati.
१७.
17.
‘‘‘एवमेवाहं पुञ्ञकामो, विपुलं दिस्वान दक्खिणं।
‘‘‘Evamevāhaṃ puññakāmo, vipulaṃ disvāna dakkhiṇaṃ;
यदि तस्स दानं न ददामि, परिहायिस्सामि पुञ्ञतो’॥
Yadi tassa dānaṃ na dadāmi, parihāyissāmi puññato’.
१८.
18.
‘‘एवाहं चिन्तयित्वान, ओरोहित्वा उपाहना।
‘‘Evāhaṃ cintayitvāna, orohitvā upāhanā;
तस्स पादानि वन्दित्वा, अदासिं छत्तुपाहनं॥
Tassa pādāni vanditvā, adāsiṃ chattupāhanaṃ.
१९.
19.
‘‘तेनेवाहं सतगुणतो, सुखुमालो सुखेधितो।
‘‘Tenevāhaṃ sataguṇato, sukhumālo sukhedhito;
अपि च दानं परिपूरेन्तो, एवं तस्स अदासह’’न्ति॥
Api ca dānaṃ paripūrento, evaṃ tassa adāsaha’’nti.
सङ्खचरियं दुतियं।
Saṅkhacariyaṃ dutiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / चरियापिटक-अट्ठकथा • Cariyāpiṭaka-aṭṭhakathā / २. सङ्खब्राह्मणचरियावण्णना • 2. Saṅkhabrāhmaṇacariyāvaṇṇanā
