| Library / Tipiṭaka / तिपिटक • Tipiṭaka / चरियापिटकपाळि • Cariyāpiṭakapāḷi |
३. कुरुराजचरिया
3. Kururājacariyā
२०.
20.
राजा धनञ्चयो नाम, कुसले दसहुपागतो॥
Rājā dhanañcayo nāma, kusale dasahupāgato.
२१.
21.
‘‘कलिङ्गरट्ठविसया, ब्राह्मणा उपगञ्छु मं।
‘‘Kaliṅgaraṭṭhavisayā, brāhmaṇā upagañchu maṃ;
आयाचुं मं हत्थिनागं, धञ्ञं मङ्गलसम्मतं॥
Āyācuṃ maṃ hatthināgaṃ, dhaññaṃ maṅgalasammataṃ.
२२.
22.
‘‘‘अवुट्ठिको जनपदो, दुब्भिक्खो छातको महा।
‘‘‘Avuṭṭhiko janapado, dubbhikkho chātako mahā;
ददाहि पवरं नागं, नीलं अञ्जनसव्हयं॥
Dadāhi pavaraṃ nāgaṃ, nīlaṃ añjanasavhayaṃ.
२३.
23.
‘‘‘न मे याचकमनुप्पत्ते, पटिक्खेपो अनुच्छवो।
‘‘‘Na me yācakamanuppatte, paṭikkhepo anucchavo;
मा मे भिज्जि समादानं, दस्सामि विपुलं गजं’॥
Mā me bhijji samādānaṃ, dassāmi vipulaṃ gajaṃ’.
२४.
24.
जलं हत्थे आकिरित्वा, ब्राह्मणानं अदं गजं॥
Jalaṃ hatthe ākiritvā, brāhmaṇānaṃ adaṃ gajaṃ.
२५.
25.
‘‘तस्स नागे पदिन्नम्हि, अमच्चा एतदब्रवुं।
‘‘Tassa nāge padinnamhi, amaccā etadabravuṃ;
‘किं नु तुय्हं वरं नागं, याचकानं पदस्ससि॥
‘Kiṃ nu tuyhaṃ varaṃ nāgaṃ, yācakānaṃ padassasi.
२६.
26.
‘‘‘धञ्ञं मङ्गलसम्पन्नं, सङ्गामविजयुत्तमं।
‘‘‘Dhaññaṃ maṅgalasampannaṃ, saṅgāmavijayuttamaṃ;
तस्मिं नागे पदिन्नम्हि, किं ते रज्जं करिस्सति॥
Tasmiṃ nāge padinnamhi, kiṃ te rajjaṃ karissati.
२७.
27.
‘‘‘रज्जम्पि मे ददे सब्बं, सरीरं दज्जमत्तनो।
‘‘‘Rajjampi me dade sabbaṃ, sarīraṃ dajjamattano;
सब्बञ्ञुतं पियं मय्हं, तस्मा नागं अदासह’’’न्ति॥
Sabbaññutaṃ piyaṃ mayhaṃ, tasmā nāgaṃ adāsaha’’’nti.
कुरुराजचरियं ततियं।
Kururājacariyaṃ tatiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / चरियापिटक-अट्ठकथा • Cariyāpiṭaka-aṭṭhakathā / ३. कुरुराजचरियावण्णना • 3. Kururājacariyāvaṇṇanā
