| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
2. сан̇кажарияаа
2. Saṅkhacariyā
11.
11.
‘‘бунаабарам̣ яад̣̇аа хоми, б̣раахман̣о сан̇касавхаяо;
‘‘Punāparaṃ yadā homi, brāhmaṇo saṅkhasavhayo;
махаасамуд̣̇д̣̇ам̣ д̇арид̇угаамо, убаг̇ажчаами бадданам̣.
Mahāsamuddaṃ taritukāmo, upagacchāmi paṭṭanaṃ.
12.
12.
‘‘д̇ад̇т̇ад̣̇д̣̇асам̣ бадибат̇з, саяамбхум̣ абарааж̇ид̇ам̣;
‘‘Tatthaddasaṃ paṭipathe, sayambhuṃ aparājitaṃ;
ганд̇аарад̣̇д̇хаанам̣ бадибаннам̣ 1, д̇ад̇д̇ааяа гатинабхуумияаа.
Kantāraddhānaṃ paṭipannaṃ 2, tattāya kaṭhinabhūmiyā.
13.
13.
‘‘д̇амахам̣ бадибат̇з д̣̇исваа, имамад̇т̇ам̣ вижинд̇аяим̣;
‘‘Tamahaṃ paṭipathe disvā, imamatthaṃ vicintayiṃ;
‘ид̣̇ам̣ кзд̇д̇ам̣ ануббад̇д̇ам̣, бун̃н̃агаамасса ж̇анд̇уно.
‘Idaṃ khettaṃ anuppattaṃ, puññakāmassa jantuno.
14.
14.
‘‘‘яат̇аа гассаго бурисо, кзд̇д̇ам̣ д̣̇исваа махааг̇амам̣;
‘‘‘Yathā kassako puriso, khettaṃ disvā mahāgamaṃ;
д̇ад̇т̇а б̣ийж̇ам̣ на робзд̇и, на со д̇хан̃н̃зна ад̇т̇иго.
Tattha bījaṃ na ropeti, na so dhaññena atthiko.
15.
15.
‘‘‘звамзваахам̣ бун̃н̃агаамо, д̣̇исваа кзд̇д̇аваруд̇д̇амам̣;
‘‘‘Evamevāhaṃ puññakāmo, disvā khettavaruttamaṃ;
яад̣̇и д̇ад̇т̇а гаарам̣ на гароми, наахам̣ бун̃н̃зна ад̇т̇иго.
Yadi tattha kāraṃ na karomi, nāhaṃ puññena atthiko.
16.
16.
‘‘‘яат̇аа амажжо муд̣̇д̣̇игаамо, ран̃н̃о анд̇збурз ж̇анз;
‘‘‘Yathā amacco muddikāmo, rañño antepure jane;
на д̣̇зд̇и д̇зсам̣ д̇ханад̇хан̃н̃ам̣, муд̣̇д̣̇ид̇о барихааяад̇и.
Na deti tesaṃ dhanadhaññaṃ, muddito parihāyati.
17.
17.
‘‘‘звамзваахам̣ бун̃н̃агаамо, вибулам̣ д̣̇исваана д̣̇агкин̣ам̣;
‘‘‘Evamevāhaṃ puññakāmo, vipulaṃ disvāna dakkhiṇaṃ;
яад̣̇и д̇асса д̣̇аанам̣ на д̣̇ад̣̇аами, барихааяиссаами бун̃н̃ад̇о’.
Yadi tassa dānaṃ na dadāmi, parihāyissāmi puññato’.
18.
18.
‘‘зваахам̣ жинд̇аяид̇ваана, орохид̇ваа убааханаа;
‘‘Evāhaṃ cintayitvāna, orohitvā upāhanā;
д̇асса баад̣̇аани ванд̣̇ид̇ваа, ад̣̇аасим̣ чад̇д̇убааханам̣.
Tassa pādāni vanditvā, adāsiṃ chattupāhanaṃ.
19.
19.
‘‘д̇знзваахам̣ сад̇аг̇ун̣ад̇о, сукумаало сукзд̇хид̇о;
‘‘Tenevāhaṃ sataguṇato, sukhumālo sukhedhito;
аби жа д̣̇аанам̣ барибуурзнд̇о, звам̣ д̇асса ад̣̇аасаха’’нд̇и.
Api ca dānaṃ paripūrento, evaṃ tassa adāsaha’’nti.
сан̇кажарияам̣ д̣̇уд̇ияам̣.
Saṅkhacariyaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 2. сан̇каб̣раахман̣ажарияааван̣н̣анаа • 2. Saṅkhabrāhmaṇacariyāvaṇṇanā
