| Library / Tipiṭaka / திபிடக • Tipiṭaka / சரியாபிடகபாளி • Cariyāpiṭakapāḷi |
2. ஸங்க²சரியா
2. Saṅkhacariyā
11.
11.
‘‘புனாபரங் யதா³ ஹோமி, ப்³ராஹ்மணோ ஸங்க²ஸவ்ஹயோ;
‘‘Punāparaṃ yadā homi, brāhmaṇo saṅkhasavhayo;
மஹாஸமுத்³த³ங் தரிதுகாமோ, உபக³ச்சா²மி பட்டனங்.
Mahāsamuddaṃ taritukāmo, upagacchāmi paṭṭanaṃ.
12.
12.
‘‘தத்த²த்³த³ஸங் படிபதே², ஸயம்பு⁴ங் அபராஜிதங்;
‘‘Tatthaddasaṃ paṭipathe, sayambhuṃ aparājitaṃ;
கந்தாரத்³தா⁴னங் படிபன்னங் 1, தத்தாய கடி²னபூ⁴மியா.
Kantāraddhānaṃ paṭipannaṃ 2, tattāya kaṭhinabhūmiyā.
13.
13.
‘‘தமஹங் படிபதே² தி³ஸ்வா, இமமத்த²ங் விசிந்தயிங்;
‘‘Tamahaṃ paṭipathe disvā, imamatthaṃ vicintayiṃ;
‘இத³ங் கெ²த்தங் அனுப்பத்தங், புஞ்ஞகாமஸ்ஸ ஜந்துனோ.
‘Idaṃ khettaṃ anuppattaṃ, puññakāmassa jantuno.
14.
14.
‘‘‘யதா² கஸ்ஸகோ புரிஸோ, கெ²த்தங் தி³ஸ்வா மஹாக³மங்;
‘‘‘Yathā kassako puriso, khettaṃ disvā mahāgamaṃ;
தத்த² பீ³ஜங் ந ரோபேதி, ந ஸோ த⁴ஞ்ஞேன அத்தி²கோ.
Tattha bījaṃ na ropeti, na so dhaññena atthiko.
15.
15.
‘‘‘ஏவமேவாஹங் புஞ்ஞகாமோ, தி³ஸ்வா கெ²த்தவருத்தமங்;
‘‘‘Evamevāhaṃ puññakāmo, disvā khettavaruttamaṃ;
யதி³ தத்த² காரங் ந கரோமி, நாஹங் புஞ்ஞேன அத்தி²கோ.
Yadi tattha kāraṃ na karomi, nāhaṃ puññena atthiko.
16.
16.
‘‘‘யதா² அமச்சோ முத்³தி³காமோ, ரஞ்ஞோ அந்தேபுரே ஜனே;
‘‘‘Yathā amacco muddikāmo, rañño antepure jane;
ந தே³தி தேஸங் த⁴னத⁴ஞ்ஞங், முத்³தி³தோ பரிஹாயதி.
Na deti tesaṃ dhanadhaññaṃ, muddito parihāyati.
17.
17.
‘‘‘ஏவமேவாஹங் புஞ்ஞகாமோ, விபுலங் தி³ஸ்வான த³க்கி²ணங்;
‘‘‘Evamevāhaṃ puññakāmo, vipulaṃ disvāna dakkhiṇaṃ;
யதி³ தஸ்ஸ தா³னங் ந த³தா³மி, பரிஹாயிஸ்ஸாமி புஞ்ஞதோ’.
Yadi tassa dānaṃ na dadāmi, parihāyissāmi puññato’.
18.
18.
‘‘ஏவாஹங் சிந்தயித்வான, ஓரோஹித்வா உபாஹனா;
‘‘Evāhaṃ cintayitvāna, orohitvā upāhanā;
தஸ்ஸ பாதா³னி வந்தி³த்வா, அதா³ஸிங் ச²த்துபாஹனங்.
Tassa pādāni vanditvā, adāsiṃ chattupāhanaṃ.
19.
19.
‘‘தேனேவாஹங் ஸதகு³ணதோ, ஸுகு²மாலோ ஸுகே²தி⁴தோ;
‘‘Tenevāhaṃ sataguṇato, sukhumālo sukhedhito;
அபி ச தா³னங் பரிபூரெந்தோ, ஏவங் தஸ்ஸ அதா³ஸஹ’’ந்தி.
Api ca dānaṃ paripūrento, evaṃ tassa adāsaha’’nti.
ஸங்க²சரியங் து³தியங்.
Saṅkhacariyaṃ dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / சரியாபிடக-அட்ட²கதா² • Cariyāpiṭaka-aṭṭhakathā / 2. ஸங்க²ப்³ராஹ்மணசரியாவண்ணனா • 2. Saṅkhabrāhmaṇacariyāvaṇṇanā
