| Library / Tipiṭaka / திபிடக • Tipiṭaka / சரியாபிடகபாளி • Cariyāpiṭakapāḷi |
3. குருராஜசரியா
3. Kururājacariyā
20.
20.
ராஜா த⁴னஞ்சயோ நாம, குஸலே த³ஸஹுபாக³தோ.
Rājā dhanañcayo nāma, kusale dasahupāgato.
21.
21.
‘‘கலிங்க³ரட்ட²விஸயா, ப்³ராஹ்மணா உபக³ஞ்சு² மங்;
‘‘Kaliṅgaraṭṭhavisayā, brāhmaṇā upagañchu maṃ;
ஆயாசுங் மங் ஹத்தி²னாக³ங், த⁴ஞ்ஞங் மங்க³லஸம்மதங்.
Āyācuṃ maṃ hatthināgaṃ, dhaññaṃ maṅgalasammataṃ.
22.
22.
‘‘‘அவுட்டி²கோ ஜனபதோ³, து³ப்³பி⁴க்கோ² சா²தகோ மஹா;
‘‘‘Avuṭṭhiko janapado, dubbhikkho chātako mahā;
த³தா³ஹி பவரங் நாக³ங், நீலங் அஞ்ஜனஸவ்ஹயங்.
Dadāhi pavaraṃ nāgaṃ, nīlaṃ añjanasavhayaṃ.
23.
23.
‘‘‘ந மே யாசகமனுப்பத்தே, படிக்கே²போ அனுச்ச²வோ;
‘‘‘Na me yācakamanuppatte, paṭikkhepo anucchavo;
மா மே பி⁴ஜ்ஜி ஸமாதா³னங், த³ஸ்ஸாமி விபுலங் க³ஜங்’.
Mā me bhijji samādānaṃ, dassāmi vipulaṃ gajaṃ’.
24.
24.
ஜலங் ஹத்தே² ஆகிரித்வா, ப்³ராஹ்மணானங் அத³ங் க³ஜங்.
Jalaṃ hatthe ākiritvā, brāhmaṇānaṃ adaṃ gajaṃ.
25.
25.
‘‘தஸ்ஸ நாகே³ பதி³ன்னம்ஹி, அமச்சா ஏதத³ப்³ரவுங்;
‘‘Tassa nāge padinnamhi, amaccā etadabravuṃ;
‘கிங் நு துய்ஹங் வரங் நாக³ங், யாசகானங் பத³ஸ்ஸஸி.
‘Kiṃ nu tuyhaṃ varaṃ nāgaṃ, yācakānaṃ padassasi.
26.
26.
‘‘‘த⁴ஞ்ஞங் மங்க³லஸம்பன்னங், ஸங்கா³மவிஜயுத்தமங்;
‘‘‘Dhaññaṃ maṅgalasampannaṃ, saṅgāmavijayuttamaṃ;
தஸ்மிங் நாகே³ பதி³ன்னம்ஹி, கிங் தே ரஜ்ஜங் கரிஸ்ஸதி.
Tasmiṃ nāge padinnamhi, kiṃ te rajjaṃ karissati.
27.
27.
‘‘‘ரஜ்ஜம்பி மே த³தே³ ஸப்³ப³ங், ஸரீரங் த³ஜ்ஜமத்தனோ;
‘‘‘Rajjampi me dade sabbaṃ, sarīraṃ dajjamattano;
ஸப்³ப³ஞ்ஞுதங் பியங் மய்ஹங், தஸ்மா நாக³ங் அதா³ஸஹ’’’ந்தி.
Sabbaññutaṃ piyaṃ mayhaṃ, tasmā nāgaṃ adāsaha’’’nti.
குருராஜசரியங் ததியங்.
Kururājacariyaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / சரியாபிடக-அட்ட²கதா² • Cariyāpiṭaka-aṭṭhakathā / 3. குருராஜசரியாவண்ணனா • 3. Kururājacariyāvaṇṇanā
