| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
(༨) ༣. སནིམིཏྟཝགྒཝཎྞནཱ
(8) 3. Sanimittavaggavaṇṇanā
༧༨-༧༩. ཏཏིཡསྶ པཋམེ སནིམིཏྟཱཏི སཀཱརཎཱ། དུཏིཡཱདཱིསུཔི ཨེསེཝ ནཡོ། ནིདཱནཾ ཧེཏུ སངྑཱརོ པཙྩཡོ རཱུཔནྟི སབྦཱནིཔི ཧི ཨེཏཱནི ཀཱརཎཝེཝཙནཱནེཝ།
78-79. Tatiyassa paṭhame sanimittāti sakāraṇā. Dutiyādīsupi eseva nayo. Nidānaṃ hetu saṅkhāro paccayo rūpanti sabbānipi hi etāni kāraṇavevacanāneva.
༨༤. སཏྟམེ སཝེདནཱཏི པཙྩཡབྷཱུཏཱཡ སམྤཡུཏྟཝེདནཱཡ སཏིཡེཝ ཨུཔྤཛྫནྟི, ནཱསཏཱིཏི ཨཏྠོ། ཨཊྛམནཝམེསུཔི ཨེསེཝ ནཡོ།
84. Sattame savedanāti paccayabhūtāya sampayuttavedanāya satiyeva uppajjanti, nāsatīti attho. Aṭṭhamanavamesupi eseva nayo.
༨༧. དསམེ སངྑཏཱརམྨཎཱཏི པཙྩཡནིབྦཏྟཾ སངྑཏདྷམྨཾ ཨཱརམྨཎཾ ཀཏྭཱཝ ཨུཔྤཛྫནྟི། ནོ ཨསངྑཏཱརམྨཎཱཏི ཨསངྑཏཾ པན ནིབྦཱནཾ ཨཱརབྦྷ ན ཨུཔྤཛྫནྟི། ན ཧོནྟཱིཏི མགྒཀྑཎེ ན ཧོནྟི ནཱམ, ཕལེ པཏྟེ ནཱཧེསུནྟི། ཨེཝམེཏེསུ དསསུཔི ཋཱནེསུ ཡཱཝ ཨརཧཏྟཱ དེསནཱ དེསིཏཱཏི།
87. Dasame saṅkhatārammaṇāti paccayanibbattaṃ saṅkhatadhammaṃ ārammaṇaṃ katvāva uppajjanti. No asaṅkhatārammaṇāti asaṅkhataṃ pana nibbānaṃ ārabbha na uppajjanti. Na hontīti maggakkhaṇe na honti nāma, phale patte nāhesunti. Evametesu dasasupi ṭhānesu yāva arahattā desanā desitāti.
སནིམིཏྟཝགྒོ ཏཏིཡོ།
Sanimittavaggo tatiyo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / (༨) ༣. སནིམིཏྟཝགྒོ • (8) 3. Sanimittavaggo
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / (༨) ༣. སནིམིཏྟཝགྒཝཎྞནཱ • (8) 3. Sanimittavaggavaṇṇanā
