| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
(೮) ೩. ಸನಿಮಿತ್ತವಗ್ಗವಣ್ಣನಾ
(8) 3. Sanimittavaggavaṇṇanā
೭೮-೭೯. ತತಿಯಸ್ಸ ಪಠಮೇ ಸನಿಮಿತ್ತಾತಿ ಸಕಾರಣಾ। ದುತಿಯಾದೀಸುಪಿ ಏಸೇವ ನಯೋ। ನಿದಾನಂ ಹೇತು ಸಙ್ಖಾರೋ ಪಚ್ಚಯೋ ರೂಪನ್ತಿ ಸಬ್ಬಾನಿಪಿ ಹಿ ಏತಾನಿ ಕಾರಣವೇವಚನಾನೇವ।
78-79. Tatiyassa paṭhame sanimittāti sakāraṇā. Dutiyādīsupi eseva nayo. Nidānaṃ hetu saṅkhāro paccayo rūpanti sabbānipi hi etāni kāraṇavevacanāneva.
೮೪. ಸತ್ತಮೇ ಸವೇದನಾತಿ ಪಚ್ಚಯಭೂತಾಯ ಸಮ್ಪಯುತ್ತವೇದನಾಯ ಸತಿಯೇವ ಉಪ್ಪಜ್ಜನ್ತಿ, ನಾಸತೀತಿ ಅತ್ಥೋ। ಅಟ್ಠಮನವಮೇಸುಪಿ ಏಸೇವ ನಯೋ।
84. Sattame savedanāti paccayabhūtāya sampayuttavedanāya satiyeva uppajjanti, nāsatīti attho. Aṭṭhamanavamesupi eseva nayo.
೮೭. ದಸಮೇ ಸಙ್ಖತಾರಮ್ಮಣಾತಿ ಪಚ್ಚಯನಿಬ್ಬತ್ತಂ ಸಙ್ಖತಧಮ್ಮಂ ಆರಮ್ಮಣಂ ಕತ್ವಾವ ಉಪ್ಪಜ್ಜನ್ತಿ। ನೋ ಅಸಙ್ಖತಾರಮ್ಮಣಾತಿ ಅಸಙ್ಖತಂ ಪನ ನಿಬ್ಬಾನಂ ಆರಬ್ಭ ನ ಉಪ್ಪಜ್ಜನ್ತಿ। ನ ಹೋನ್ತೀತಿ ಮಗ್ಗಕ್ಖಣೇ ನ ಹೋನ್ತಿ ನಾಮ, ಫಲೇ ಪತ್ತೇ ನಾಹೇಸುನ್ತಿ। ಏವಮೇತೇಸು ದಸಸುಪಿ ಠಾನೇಸು ಯಾವ ಅರಹತ್ತಾ ದೇಸನಾ ದೇಸಿತಾತಿ।
87. Dasame saṅkhatārammaṇāti paccayanibbattaṃ saṅkhatadhammaṃ ārammaṇaṃ katvāva uppajjanti. No asaṅkhatārammaṇāti asaṅkhataṃ pana nibbānaṃ ārabbha na uppajjanti. Na hontīti maggakkhaṇe na honti nāma, phale patte nāhesunti. Evametesu dasasupi ṭhānesu yāva arahattā desanā desitāti.
ಸನಿಮಿತ್ತವಗ್ಗೋ ತತಿಯೋ।
Sanimittavaggo tatiyo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / (೮) ೩. ಸನಿಮಿತ್ತವಗ್ಗೋ • (8) 3. Sanimittavaggo
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / (೮) ೩. ಸನಿಮಿತ್ತವಗ್ಗವಣ್ಣನಾ • (8) 3. Sanimittavaggavaṇṇanā
