| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
(៨) ៣. សនិមិត្តវគ្គវណ្ណនា
(8) 3. Sanimittavaggavaṇṇanā
៧៨-៧៩. តតិយស្ស បឋមេ សនិមិត្តាតិ សការណា។ ទុតិយាទីសុបិ ឯសេវ នយោ។ និទានំ ហេតុ សង្ខារោ បច្ចយោ រូបន្តិ សព្ពានិបិ ហិ ឯតានិ ការណវេវចនានេវ។
78-79. Tatiyassa paṭhame sanimittāti sakāraṇā. Dutiyādīsupi eseva nayo. Nidānaṃ hetu saṅkhāro paccayo rūpanti sabbānipi hi etāni kāraṇavevacanāneva.
៨៤. សត្តមេ សវេទនាតិ បច្ចយភូតាយ សម្បយុត្តវេទនាយ សតិយេវ ឧប្បជ្ជន្តិ, នាសតីតិ អត្ថោ។ អដ្ឋមនវមេសុបិ ឯសេវ នយោ។
84. Sattame savedanāti paccayabhūtāya sampayuttavedanāya satiyeva uppajjanti, nāsatīti attho. Aṭṭhamanavamesupi eseva nayo.
៨៧. ទសមេ សង្ខតារម្មណាតិ បច្ចយនិព្ពត្តំ សង្ខតធម្មំ អារម្មណំ កត្វាវ ឧប្បជ្ជន្តិ។ នោ អសង្ខតារម្មណាតិ អសង្ខតំ បន និព្ពានំ អារព្ភ ន ឧប្បជ្ជន្តិ។ ន ហោន្តីតិ មគ្គក្ខណេ ន ហោន្តិ នាម, ផលេ បត្តេ នាហេសុន្តិ។ ឯវមេតេសុ ទសសុបិ ឋានេសុ យាវ អរហត្តា ទេសនា ទេសិតាតិ។
87. Dasame saṅkhatārammaṇāti paccayanibbattaṃ saṅkhatadhammaṃ ārammaṇaṃ katvāva uppajjanti. No asaṅkhatārammaṇāti asaṅkhataṃ pana nibbānaṃ ārabbha na uppajjanti. Na hontīti maggakkhaṇe na honti nāma, phale patte nāhesunti. Evametesu dasasupi ṭhānesu yāva arahattā desanā desitāti.
សនិមិត្តវគ្គោ តតិយោ។
Sanimittavaggo tatiyo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / (៨) ៣. សនិមិត្តវគ្គោ • (8) 3. Sanimittavaggo
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / (៨) ៣. សនិមិត្តវគ្គវណ្ណនា • (8) 3. Sanimittavaggavaṇṇanā
