| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сан̇гхубосат̇аад̣̇игат̇ааван̣н̣анаа
Saṅghuposathādikathāvaṇṇanā
168. сан̇гхасаннибаад̇ад̇о батамам̣ гаад̇аб̣б̣ам̣ буб̣б̣агаран̣анд̇и вуд̇д̇ам̣, буб̣б̣агаран̣ад̇о бажчаа гаад̇аб̣б̣амби убосат̇агаммад̇о батамам̣ гаад̇аб̣б̣ад̇д̇аа буб̣б̣агижжанд̇и вуд̇д̇ам̣. убхаяамби жзд̇ам̣ убосат̇агаммад̇о батамам̣ гад̇д̇аб̣б̣ад̇д̇аа гад̇т̇ажи буб̣б̣агижжамижжзва вохарийяад̇и ‘‘гим̣ сан̇гхасса буб̣б̣агижжа’’нд̇иаад̣̇ийсу вияа.
168. Saṅghasannipātato paṭhamaṃ kātabbaṃ pubbakaraṇanti vuttaṃ, pubbakaraṇato pacchā kātabbampi uposathakammato paṭhamaṃ kātabbattā pubbakiccanti vuttaṃ. Ubhayampi cetaṃ uposathakammato paṭhamaṃ kattabbattā katthaci pubbakiccamicceva voharīyati ‘‘kiṃ saṅghassa pubbakicca’’ntiādīsu viya.
убосат̇од̇и д̇ийсу убосат̇ад̣̇ивасзсу ан̃н̃ад̇арад̣̇ивасо. д̇асмин̃хи сад̇и ид̣̇ам̣ сан̇гхасса убосат̇агаммам̣ бад̇д̇агаллам̣ наама ход̇и, наасад̇и. яат̇ааха ‘‘на жа, бхигкавз, анубосат̇з убосат̇о гаад̇аб̣б̣о’’д̇и (махаава. 183). яаавад̇игаа жа бхигкуу гаммаббад̇д̇аад̇и яад̇д̇агаа бхигкуу д̇асса убосат̇агаммасса бад̇д̇аа яуд̇д̇аа ануруубаа саб̣б̣анд̇имзна барижчзд̣̇зна жад̇д̇ааро бхигкуу багад̇ад̇д̇аа, д̇з жа ко хад̇т̇абаасам̣ авиж̇ахид̇ваа згасиймааяам̣ тид̇аа. сабхааг̇аабад̇д̇ияо жа на виж̇ж̇анд̇ийд̇и зд̇т̇а яам̣ саб̣б̣о сан̇гхо вигаалабхож̇анаад̣̇инаа сабхааг̇авад̇т̇унаа лахугаабад̇д̇им̣ аабаж̇ж̇ад̇и, зваруубаа ‘‘вад̇т̇усабхааг̇аа’’д̇и вужжанд̇и. зд̇аасу хи авиж̇ж̇амаанаасу висабхааг̇аасу виж̇ж̇амаанаасуби бад̇д̇агаллам̣ ход̇иязва.
Uposathoti tīsu uposathadivasesu aññataradivaso. Tasmiñhi sati idaṃ saṅghassa uposathakammaṃ pattakallaṃ nāma hoti, nāsati. Yathāha ‘‘na ca, bhikkhave, anuposathe uposatho kātabbo’’ti (mahāva. 183). Yāvatikā ca bhikkhū kammappattāti yattakā bhikkhū tassa uposathakammassa pattā yuttā anurūpā sabbantimena paricchedena cattāro bhikkhū pakatattā, te ca kho hatthapāsaṃ avijahitvā ekasīmāyaṃ ṭhitā. Sabhāgāpattiyo ca na vijjantīti ettha yaṃ sabbo saṅgho vikālabhojanādinā sabhāgavatthunā lahukāpattiṃ āpajjati, evarūpā ‘‘vatthusabhāgā’’ti vuccanti. Etāsu hi avijjamānāsu visabhāgāsu vijjamānāsupi pattakallaṃ hotiyeva.
важ̇ж̇анийяаа жа буг̇г̇алаа д̇асмим̣ на хонд̇ийд̇и ‘‘на, бхигкавз, саг̇ахадтааяа барисааяаа’’д̇и (махаава. 154) важанад̇о г̇ахадто, ‘‘на, бхигкавз, бхигкунияаа нисиннабарисааяа баад̇имогкам̣ уд̣̇д̣̇исид̇аб̣б̣а’’нд̇иаад̣̇инаа (махаава. 183) наязна вуд̇д̇аа бхигкуний сигкамаанаа сааман̣зро сааман̣зрий сигкаабажжагкаад̇аго анд̇имавад̇т̇уаж̇жхаабаннаго аабад̇д̇ияаа ад̣̇ассанз угкид̇д̇аго аабад̇д̇ияаа аббадигаммз угкид̇д̇аго баабигааяа д̣̇идтияаа аббадиниссаг̇г̇з угкид̇д̇аго бан̣д̣аго т̇зяяасам̣ваасаго д̇ид̇т̇ияабагганд̇аго д̇иражчаанаг̇ад̇о маад̇угхаад̇аго бид̇угхаад̇аго араханд̇агхаад̇аго бхигкунийд̣̇уусаго сан̇гхабхзд̣̇аго лохид̇уббаад̣̇аго убхад̇об̣яан̃ж̇анагод̇и имз вийсад̇и жаад̇и згавийсад̇и буг̇г̇алаа важ̇ж̇анийяаа наама, д̇з хад̇т̇абаасад̇о б̣ахигаран̣авасзна важ̇ж̇зд̇аб̣б̣аа. зд̇зсу хи д̇ивид̇хз угкид̇д̇агз сад̇и убосат̇ам̣ гаронд̇о сан̇гхо баажид̇д̇ияам̣ аабаж̇ж̇ад̇и, сзсзсу д̣̇уггадам̣. зд̇т̇а жа д̇иражчаанаг̇ад̇од̇и яасса убасамбад̣̇аа бадигкид̇д̇аа, сова ад̇хиббзд̇о, д̇ид̇т̇ияаа г̇ахадтзнзва сан̇г̇ахид̇аа. зд̇зби хи важ̇ж̇анийяаа. звам̣ бад̇д̇агаллам̣ имзхи жад̇уухи ан̇г̇зхи сан̇г̇ахид̇анд̇и взд̣̇ид̇аб̣б̣ам̣.
Vajjanīyā ca puggalā tasmiṃ na hontīti ‘‘na, bhikkhave, sagahaṭṭhāya parisāyā’’ti (mahāva. 154) vacanato gahaṭṭho, ‘‘na, bhikkhave, bhikkhuniyā nisinnaparisāya pātimokkhaṃ uddisitabba’’ntiādinā (mahāva. 183) nayena vuttā bhikkhunī sikkhamānā sāmaṇero sāmaṇerī sikkhāpaccakkhātako antimavatthuajjhāpannako āpattiyā adassane ukkhittako āpattiyā appaṭikamme ukkhittako pāpikāya diṭṭhiyā appaṭinissagge ukkhittako paṇḍako theyyasaṃvāsako titthiyapakkantako tiracchānagato mātughātako pitughātako arahantaghātako bhikkhunīdūsako saṅghabhedako lohituppādako ubhatobyañjanakoti ime vīsati cāti ekavīsati puggalā vajjanīyā nāma, te hatthapāsato bahikaraṇavasena vajjetabbā. Etesu hi tividhe ukkhittake sati uposathaṃ karonto saṅgho pācittiyaṃ āpajjati, sesesu dukkaṭaṃ. Ettha ca tiracchānagatoti yassa upasampadā paṭikkhittā, sova adhippeto, titthiyā gahaṭṭheneva saṅgahitā. Etepi hi vajjanīyā. Evaṃ pattakallaṃ imehi catūhi aṅgehi saṅgahitanti veditabbaṃ.
аж̇ж̇а мз убосат̇о баннарасод̇ибийд̇и би-сад̣̇д̣̇зна баал̣ияам̣ ааг̇ад̇анаязнзва ‘‘аж̇ж̇а мз убосат̇о’’д̇иби вад̇д̇ум̣ ваддад̇ийд̇и д̣̇ийбзд̇и. маад̇игаадтагат̇ааяам̣ (ган̇каа. адта. нид̣̇аанаван̣н̣анаа) бана ‘‘аж̇ж̇а мз убосат̇о жаад̇уд̣̇д̣̇асод̇и ваа баннарасод̇и ваа вад̇ваа ад̇хидтаамийд̇и вад̇д̇аб̣б̣а’’нд̇и вуд̇д̇ам̣.
Ajja me uposatho pannarasotipīti pi-saddena pāḷiyaṃ āgatanayeneva ‘‘ajja me uposatho’’tipi vattuṃ vaṭṭatīti dīpeti. Mātikāṭṭhakathāyaṃ (kaṅkhā. aṭṭha. nidānavaṇṇanā) pana ‘‘ajja me uposatho cātuddasoti vā pannarasoti vā vatvā adhiṭṭhāmīti vattabba’’nti vuttaṃ.
сан̇гхубосат̇аад̣̇игат̇ааван̣н̣анаа нидтид̇аа.
Saṅghuposathādikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 91. сан̇гхубосат̇аад̣̇иббабхзд̣̇ам̣ • 91. Saṅghuposathādippabhedaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сан̇гхубосат̇аад̣̇игат̇аа • Saṅghuposathādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чанд̣̇ад̣̇аанагат̇аад̣̇иван̣н̣анаа • Chandadānakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 91. сан̇гхубосат̇аад̣̇игат̇аа • 91. Saṅghuposathādikathā
