| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
сан̇гхубосат̇аад̣̇игат̇аа
Saṅghuposathādikathā
168. со д̣̇зсо саммаж̇ж̇ид̇ваад̇и д̇ам̣ д̣̇зсам̣ саммаж̇ж̇ид̇ваа, убаяог̇ад̇т̇з бажжад̇д̇ам̣. баанийяам̣ барибхож̇анийяанд̇иаад̣̇и бана уд̇д̇аанад̇т̇амзва . гасмаа банзд̇ам̣ вуд̇д̇ам̣? убосат̇асса буб̣б̣агаран̣аад̣̇ид̣̇ассанад̇т̇ам̣. д̇знааху адтагат̇аажарияаа –
168.So deso sammajjitvāti taṃ desaṃ sammajjitvā, upayogatthe paccattaṃ. Pānīyaṃ paribhojanīyantiādi pana uttānatthameva . Kasmā panetaṃ vuttaṃ? Uposathassa pubbakaraṇādidassanatthaṃ. Tenāhu aṭṭhakathācariyā –
‘‘саммаж̇ж̇аний бад̣̇ийбо жа, уд̣̇агам̣ аасанзна жа;
‘‘Sammajjanī padīpo ca, udakaṃ āsanena ca;
убосат̇асса зд̇аани, буб̣б̣агаран̣анд̇и вужжад̇и’’.
Uposathassa etāni, pubbakaraṇanti vuccati’’.
ид̇и имаани жад̇д̇аари ‘‘буб̣б̣агаран̣а’’нд̇и агкаад̇аани.
Iti imāni cattāri ‘‘pubbakaraṇa’’nti akkhātāni.
‘‘чанд̣̇абаарисуд̣̇д̇хиуд̇угкаанам̣, бхигкуг̇ан̣анаа жа оваад̣̇о;
‘‘Chandapārisuddhiutukkhānaṃ, bhikkhugaṇanā ca ovādo;
убосат̇асса зд̇аани, буб̣б̣агижжанд̇и вужжад̇и.
Uposathassa etāni, pubbakiccanti vuccati.
ид̇и имаани бан̃жа буб̣б̣агаран̣ад̇о бажчаа гад̇д̇аб̣б̣аани ‘‘буб̣б̣агижжа’’нд̇и агкаад̇аани.
Iti imāni pañca pubbakaraṇato pacchā kattabbāni ‘‘pubbakicca’’nti akkhātāni.
‘‘убосат̇о яаавад̇игаа жа бхигкуу гаммаббад̇д̇аа,
‘‘Uposatho yāvatikā ca bhikkhū kammappattā,
сабхааг̇аабад̇д̇ияо жа на виж̇ж̇анд̇и;
Sabhāgāpattiyo ca na vijjanti;
важ̇ж̇анийяаа жа буг̇г̇алаа д̇асмим̣ на хонд̇и,
Vajjanīyā ca puggalā tasmiṃ na honti,
бад̇д̇агалланд̇и вужжад̇и’’.
Pattakallanti vuccati’’.
ид̇и имаани жад̇д̇аари ‘‘бад̇д̇агалла’’нд̇и агкаад̇аанийд̇и.
Iti imāni cattāri ‘‘pattakalla’’nti akkhātānīti.
д̇зхи сад̣̇д̇хинд̇и д̇зхи ааг̇ад̇зхи сад̣̇д̇хим̣ зд̇аани буб̣б̣агаран̣аад̣̇ийни гад̇ваа убосат̇о гаад̇аб̣б̣о. аж̇ж̇а мз убосат̇од̇и зд̇т̇а сажз баннарасо ход̇и, ‘‘аж̇ж̇а мз убосат̇о баннарасо’’д̇иби ад̇хидтаад̇ум̣ ваддад̇и. жаад̇уд̣̇д̣̇асигзби зсзва наяо.
Tehisaddhinti tehi āgatehi saddhiṃ etāni pubbakaraṇādīni katvā uposatho kātabbo. Ajja me uposathoti ettha sace pannaraso hoti, ‘‘ajja me uposatho pannaraso’’tipi adhiṭṭhātuṃ vaṭṭati. Cātuddasikepi eseva nayo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 91. сан̇гхубосат̇аад̣̇иббабхзд̣̇ам̣ • 91. Saṅghuposathādippabhedaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхубосат̇аад̣̇игат̇ааван̣н̣анаа • Saṅghuposathādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чанд̣̇ад̣̇аанагат̇аад̣̇иван̣н̣анаа • Chandadānakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 91. сан̇гхубосат̇аад̣̇игат̇аа • 91. Saṅghuposathādikathā
