| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. สงฺฆุปฎฺฐากเตฺถรอปทานํ
10. Saṅghupaṭṭhākattheraapadānaṃ
๔๕.
45.
‘‘เวสฺสภุมฺหิ ภควติ, อโหสารามิโก อหํ;
‘‘Vessabhumhi bhagavati, ahosārāmiko ahaṃ;
ปสนฺนจิโตฺต สุมโน, อุปฎฺฐิํ สงฺฆมุตฺตมํฯ
Pasannacitto sumano, upaṭṭhiṃ saṅghamuttamaṃ.
๔๖.
46.
‘‘เอกตฺติํเส อิโต กเปฺป, ยํ กมฺมมกริํ ตทา;
‘‘Ekattiṃse ito kappe, yaṃ kammamakariṃ tadā;
ทุคฺคติํ นาภิชานามิ, อุปฎฺฐานสฺสิทํ ผลํฯ
Duggatiṃ nābhijānāmi, upaṭṭhānassidaṃ phalaṃ.
๔๗.
47.
‘‘อิโต เต สตฺตเม กเปฺป, สเตฺตวาสุํ สโมทกา;
‘‘Ito te sattame kappe, sattevāsuṃ samodakā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๔๘.
48.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สงฺฆุปฎฺฐาโก เถโร อิมา คาถาโย อภาสิตฺถาติฯ
Itthaṃ sudaṃ āyasmā saṅghupaṭṭhāko thero imā gāthāyo abhāsitthāti.
สงฺฆุปฎฺฐากเตฺถรสฺสาปทานํ ทสมํฯ
Saṅghupaṭṭhākattherassāpadānaṃ dasamaṃ.
กุมุทวโคฺค อฎฺฐารสโมฯ
Kumudavaggo aṭṭhārasamo.
ตสฺสุทฺทานํ –
Tassuddānaṃ –
กุมุโท อถ นิเสฺสณี, รตฺติโก อุทปานโท;
Kumudo atha nisseṇī, rattiko udapānado;
สีหาสนี มคฺคทโท, เอกทีปี มณิปฺปโท;
Sīhāsanī maggadado, ekadīpī maṇippado;
ติกิจฺฉโก อุปฎฺฐาโก, เอกปญฺญาส คาถกาติฯ
Tikicchako upaṭṭhāko, ekapaññāsa gāthakāti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑๐. สงฺฆุปฎฺฐากเตฺถรอปทานวณฺณนา • 10. Saṅghupaṭṭhākattheraapadānavaṇṇanā
