| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๙. กุฎชปุปฺผิยวโคฺค
19. Kuṭajapupphiyavaggo
๑. กุฎชปุปฺผิยเตฺถรอปทานํ
1. Kuṭajapupphiyattheraapadānaṃ
๑.
1.
‘‘สุวณฺณวณฺณํ สมฺพุทฺธํ, สตรํสิํว อุคฺคตํ;
‘‘Suvaṇṇavaṇṇaṃ sambuddhaṃ, sataraṃsiṃva uggataṃ;
ทิสํ อนุวิโลเกนฺตํ, คจฺฉนฺตํ อนิลญฺชเสฯ
Disaṃ anuvilokentaṃ, gacchantaṃ anilañjase.
๒.
2.
‘‘กุฎชํ ปุปฺผิตํ ทิสฺวา, สํวิตฺถตสโมตฺถตํ;
‘‘Kuṭajaṃ pupphitaṃ disvā, saṃvitthatasamotthataṃ;
รุกฺขโต โอจินิตฺวาน, ผุสฺสสฺส อภิโรปยิํฯ
Rukkhato ocinitvāna, phussassa abhiropayiṃ.
๓.
3.
‘‘เทฺวนวุเต อิโต กเปฺป, ยํ ปุปฺผมภิโรปยิํ;
‘‘Dvenavute ito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๔.
4.
‘‘อิโต สตฺตรเส กเปฺป, ตโย อาสุํ สุปุปฺผิตา;
‘‘Ito sattarase kappe, tayo āsuṃ supupphitā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๕.
5.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา กุฎชปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā kuṭajapupphiyo thero imā gāthāyo abhāsitthāti.
กุฎชปุปฺผิยเตฺถรสฺสาปทานํ ปฐมํฯ
Kuṭajapupphiyattherassāpadānaṃ paṭhamaṃ.
