| Library / Tipiṭaka / តិបិដក • Tipiṭaka / ថេរីគាថា-អដ្ឋកថា • Therīgāthā-aṭṭhakathā |
១៨. សង្ឃាថេរីគាថាវណ្ណនា
18. Saṅghātherīgāthāvaṇṇanā
ហិត្វា ឃរេ បព្ពជិត្វាតិ សង្ឃាយ ថេរិយា គាថា។ តស្សា វត្ថុ ធីរាថេរិយា វត្ថុសទិសំ។ គាថា បន –
Hitvā ghare pabbajitvāti saṅghāya theriyā gāthā. Tassā vatthu dhīrātheriyā vatthusadisaṃ. Gāthā pana –
១៨.
18.
‘‘ហិត្វា ឃរេ បព្ពជិត្វា, ហិត្វា បុត្តំ បសុំ បិយំ;
‘‘Hitvā ghare pabbajitvā, hitvā puttaṃ pasuṃ piyaṃ;
ហិត្វា រាគញ្ច ទោសញ្ច, អវិជ្ជញ្ច វិរាជិយ;
Hitvā rāgañca dosañca, avijjañca virājiya;
សមូលំ តណ្ហមព្ពុយ្ហ, ឧបសន្តាម្ហិ និព្ពុតា’’តិ។ – គាថំ អភាសិ;
Samūlaṃ taṇhamabbuyha, upasantāmhi nibbutā’’ti. – gāthaṃ abhāsi;
តត្ថ ហិត្វាតិ ឆឌ្ឌេត្វា។ ឃរេតិ គេហំ។ ឃរសទ្ទោ ហិ ឯកស្មិម្បិ អភិធេយ្យេ កទាចិ ពហូសុ ពីជំ វិយ រូឡ្ហិវសេន វោហរីយតិ។ ហិត្វា បុត្តំ បសុំ បិយន្តិ បិយាយិតព្ពេ បុត្តេ ចេវ គោមហិំសាទិកេ បសូ ច តប្បដិពទ្ធឆន្ទរាគប្បហានេន បហាយ។ ហិត្វា រាគញ្ច ទោសញ្ចាតិ រជ្ជនសភាវំ រាគំ, ទុស្សនសភាវំ ទោសញ្ច អរិយមគ្គេន សមុច្ឆិន្ទិត្វា។ អវិជ្ជញ្ច វិរាជិយាតិ សព្ពាកុសលេសុ បុព្ពង្គមំ មោហញ្ច វិរាជេត្វា មគ្គេន សមុគ្ឃាដេត្វា ឥច្ចេវ អត្ថោ។ សេសំ វុត្តនយមេវ។
Tattha hitvāti chaḍḍetvā. Ghareti gehaṃ. Gharasaddo hi ekasmimpi abhidheyye kadāci bahūsu bījaṃ viya rūḷhivasena voharīyati. Hitvā puttaṃ pasuṃ piyanti piyāyitabbe putte ceva gomahiṃsādike pasū ca tappaṭibaddhachandarāgappahānena pahāya. Hitvā rāgañca dosañcāti rajjanasabhāvaṃ rāgaṃ, dussanasabhāvaṃ dosañca ariyamaggena samucchinditvā. Avijjañca virājiyāti sabbākusalesu pubbaṅgamaṃ mohañca virājetvā maggena samugghāṭetvā icceva attho. Sesaṃ vuttanayameva.
សង្ឃាថេរីគាថាវណ្ណនា និដ្ឋិតា។
Saṅghātherīgāthāvaṇṇanā niṭṭhitā.
ឯកកនិបាតវណ្ណនា និដ្ឋិតា។
Ekakanipātavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / ថេរីគាថាបាឡិ • Therīgāthāpāḷi / ១៨. សង្ឃាថេរីគាថា • 18. Saṅghātherīgāthā
