| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
2. сан̇гхаад̣̇исзсанид̣̇д̣̇зсо
2. Saṅghādisesaniddeso
г̇аругаа наваад̇и –
Garukānavāti –
19.
19.
можзд̇угаамад̇аа сугга-ссубаггамма виможаяам̣;
Mocetukāmatā sukka-ssupakkamma vimocayaṃ;
ан̃н̃ад̇ра субинанд̇зна, саман̣о г̇аругам̣ пусз.
Aññatra supinantena, samaṇo garukaṃ phuse.
20.
20.
ид̇т̇исан̃н̃ий мануссид̇т̇им̣, гааяасам̣саг̇г̇арааг̇аваа;
Itthisaññī manussitthiṃ, kāyasaṃsaggarāgavā;
сампусанд̇о убаггамма, саман̣о г̇аругам̣ пусз.
Samphusanto upakkamma, samaṇo garukaṃ phuse.
21.
21.
д̇ат̇аа сун̣анд̇им̣ вин̃н̃ун̃жа, маг̇г̇ам̣ ваараб̣бха мзт̇унам̣;
Tathā suṇantiṃ viññuñca, maggaṃ vārabbha methunaṃ;
д̣̇удтуллаваажаарааг̇зна, обхаасзд̇ваа г̇арум̣ пусз.
Duṭṭhullavācārāgena, obhāsetvā garuṃ phuse.
22.
22.
вад̇ваад̇д̇агаамубадтаана-ван̣н̣ам̣ мзт̇унарааг̇ино;
Vatvāttakāmupaṭṭhāna-vaṇṇaṃ methunarāgino;
ваажаа мзт̇унаяуд̇д̇зна, г̇арум̣ мзт̇унаяаажанз.
Vācā methunayuttena, garuṃ methunayācane.
23.
23.
бадиг̇г̇ахзд̇ваа санд̣̇зсам̣, ид̇т̇ияаа бурисасса ваа;
Paṭiggahetvā sandesaṃ, itthiyā purisassa vā;
виймам̣сид̇ваа харам̣ бажжаа, саман̣о г̇аругам̣ пусз.
Vīmaṃsitvā haraṃ paccā, samaṇo garukaṃ phuse.
24.
24.
сам̣яаажид̇абаригкаарам̣, гад̇ваад̣̇зсид̇авад̇т̇угам̣;
Saṃyācitaparikkhāraṃ, katvādesitavatthukaṃ;
гудим̣ бамаан̣аад̇игганд̇ам̣, ад̇д̇уд̣̇д̣̇зсам̣ г̇арум̣ пусз.
Kuṭiṃ pamāṇātikkantaṃ, attuddesaṃ garuṃ phuse.
25.
25.
махаллагам̣ вихаарам̣ ваа, гад̇ваад̣̇зсид̇авад̇т̇угам̣;
Mahallakaṃ vihāraṃ vā, katvādesitavatthukaṃ;
ад̇д̇ано васанад̇т̇ааяа, саман̣о г̇аругам̣ пусз.
Attano vasanatthāya, samaṇo garukaṃ phuse.
26.
26.
амуулагзна жод̣̇знд̇о, жод̣̇аабзнд̇ова вад̇т̇унаа;
Amūlakena codento, codāpentova vatthunā;
анд̇имзна жа жаавзд̇ум̣, сун̣амаанам̣ г̇арум̣ пусз.
Antimena ca cāvetuṃ, suṇamānaṃ garuṃ phuse.
27.
27.
ан̃н̃асса гирияам̣ д̣̇исваа, д̇зна лзсзна жод̣̇аяам̣;
Aññassa kiriyaṃ disvā, tena lesena codayaṃ;
вад̇т̇унаа анд̇имзнаан̃н̃ам̣, жаавзд̇ум̣ г̇аругам̣ пусз.
Vatthunā antimenāññaṃ, cāvetuṃ garukaṃ phuse.
28.
28.
чаад̣̇зд̇и ж̇аанамаабаннам̣, баривасзяяа д̇аавад̇аа;
Chādeti jānamāpannaṃ, parivaseyya tāvatā;
жарзяяа сан̇гхз маанад̇д̇ам̣, баривуд̇т̇о ча рад̇д̇ияо.
Careyya saṅghe mānattaṃ, parivuttho cha rattiyo.
жин̣н̣амаанад̇д̇амаб̣бхзяяа, д̇ам̣ сан̇гхо вийсад̇ийг̇ан̣о.
Ciṇṇamānattamabbheyya, taṃ saṅgho vīsatīgaṇo.
29.
29.
аабад̇д̇инугкид̇д̇амананд̇арааяа
Āpattinukkhittamanantarāya
бахуд̇д̇ад̇ааяо д̇ат̇асан̃н̃ид̇аа жа;
Pahuttatāyo tathasaññitā ca;
чаад̣̇зд̇угаамо ат̇а чаад̣̇анаад̇и,
Chādetukāmo atha chādanāti,
чаннаа д̣̇асан̇г̇зхяарун̣уг̇г̇амамхийд̇и.
Channā dasaṅgehyaruṇuggamamhīti.
