| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
3. жийваранид̣̇д̣̇зсо
3. Cīvaraniddeso
жийваранд̇и –
Cīvaranti –
30.
30.
комагосзяяагаббааса-саан̣абхан̇г̇аани гамб̣алам̣;
Khomakoseyyakappāsa-sāṇabhaṅgāni kambalaṃ;
габбияаани чал̣зд̇аани, саануломаани ж̇аад̇ид̇о.
Kappiyāni chaḷetāni, sānulomāni jātito.
31.
31.
д̣̇угуулан̃жзва баддун̣н̣а-бадам̣ сомааражийнаж̇ам̣;
Dukūlañceva paṭṭuṇṇa-paṭaṃ somāracīnajaṃ;
ид̣̇д̇хиж̇ам̣ д̣̇звад̣̇иннан̃жа, д̇асса д̇ассаануломигам̣.
Iddhijaṃ devadinnañca, tassa tassānulomikaṃ.
32.
32.
д̇ижийварам̣ баригкаара-жол̣ам̣ вассигасаадигам̣;
Ticīvaraṃ parikkhāra-coḷaṃ vassikasāṭikaṃ;
ад̇хидтз на вигаббзяяа, мукабун̃чананисийд̣̇анам̣.
Adhiṭṭhe na vikappeyya, mukhapuñchananisīdanaṃ.
33.
33.
бажжад̇т̇аран̣агам̣ ган̣д̣у-жчаад̣̇имзд̇т̇а д̇ижийварам̣;
Paccattharaṇakaṃ kaṇḍu-cchādimettha ticīvaraṃ;
на васзяяа винзгаахам̣, жаад̇умаасам̣ нисийд̣̇анам̣.
Na vaseyya vinekāhaṃ, cātumāsaṃ nisīdanaṃ.
34.
34.
‘‘имам̣ сан̇гхаадим̣д̇хидтаами’’, сан̇гхаадимижжад̇хидтаяз;
‘‘Imaṃ saṅghāṭiṃdhiṭṭhāmi’’, saṅghāṭimiccadhiṭṭhaye;
ахад̇т̇абаасамзд̇анд̇и, сзсзсуби аяам̣ наяо.
Ahatthapāsametanti, sesesupi ayaṃ nayo.
35.
35.
ад̇хидтаханд̇о сан̇гхаади-ббабхуд̇им̣ буб̣б̣ажийварам̣;
Adhiṭṭhahanto saṅghāṭi-ppabhutiṃ pubbacīvaraṃ;
бажжуд̣̇д̇харид̇ваад̇хидтзяяа, бад̇д̇аад̇хидтаханз д̇ат̇аа.
Paccuddharitvādhiṭṭheyya, pattādhiṭṭhahane tathā.
36.
36.
зд̇ам̣ имам̣ ва сан̇гхаадим̣, сам̣сз бажжуд̣̇д̇хараамид̇и;
Etaṃ imaṃ va saṅghāṭiṃ, saṃse paccuddharāmiti;
звам̣ саб̣б̣аани наамзна, вад̇ваа бажжуд̣̇д̇харз вид̣̇уу.
Evaṃ sabbāni nāmena, vatvā paccuddhare vidū.
37.
37.
сан̇гхаади бажчиманд̇зна, д̣̇ийгхасо мудтибан̃жаго;
Saṅghāṭi pacchimantena, dīghaso muṭṭhipañcako;
уд̇д̇аманд̇зна суг̇ад̇а-жийваруунааби ваддад̇и.
Uttamantena sugata-cīvarūnāpi vaṭṭati.
38.
38.
мудтид̇д̇иган̃жа д̇ирияам̣, д̇ат̇аа згам̣сигассаби;
Muṭṭhittikañca tiriyaṃ, tathā ekaṃsikassapi;
анд̇араваасаго жааби, д̣̇ийгхасо мудтибан̃жаго;
Antaravāsako cāpi, dīghaso muṭṭhipañcako;
ад̣дхад̇зяяо д̣̇вихад̇т̇о ваа, д̇ирияанд̇зна ваддад̇и.
Aḍḍhateyyo dvihattho vā, tiriyantena vaṭṭati.
39.
39.
нисийд̣̇анасса д̣̇ийгхзна, вид̣̇ад̇т̇и д̣̇вз висаалад̇о;
Nisīdanassa dīghena, vidatthi dve visālato;
д̣̇ияад̣дхам̣ д̣̇асаа вид̣̇ад̇т̇и, суг̇ад̇асса вид̣̇ад̇т̇ияаа.
Diyaḍḍhaṃ dasā vidatthi, sugatassa vidatthiyā.
40.
40.
ган̣д̣уббадижчаад̣̇игасса, д̇ирияам̣ д̣̇вз вид̣̇ад̇т̇ияо;
Kaṇḍuppaṭicchādikassa, tiriyaṃ dve vidatthiyo;
д̣̇ийгханд̇ад̇о жад̇ассова, суг̇ад̇асса вид̣̇ад̇т̇ияаа.
Dīghantato catassova, sugatassa vidatthiyā.
41.
41.
вассигасаадигааяааби, д̣̇ийгхасо ча вид̣̇ад̇т̇ияо;
Vassikasāṭikāyāpi, dīghaso cha vidatthiyo;
д̇ирияам̣ ад̣дхад̇зяяаава, суг̇ад̇асса вид̣̇ад̇т̇ияаа.
Tiriyaṃ aḍḍhateyyāva, sugatassa vidatthiyā.
42.
42.
зд̇т̇а чзд̣̇анабаажид̇д̇и, гаронд̇асса д̇ад̣̇уд̇д̇ари;
Ettha chedanapācitti, karontassa taduttari;
бажжад̇т̇аран̣а мукажол̣аа, ааган̇кид̇аббамаан̣игаа.
Paccattharaṇa mukhacoḷā, ākaṅkhitappamāṇikā.
43.
43.
баригкааражол̣з г̇ан̣анаа, бамаан̣ам̣ ваа на д̣̇ийбид̇ам̣;
Parikkhāracoḷe gaṇanā, pamāṇaṃ vā na dīpitaṃ;
д̇ат̇аа вад̇ваа ад̇хидтзяяа, т̇авигаад̣̇им̣ вигаббияам̣.
Tathā vatvā adhiṭṭheyya, thavikādiṃ vikappiyaṃ.
44.
44.
ахад̇аахад̇агаббаанам̣, сан̇гхаади д̣̇иг̇ун̣аа сияаа;
Ahatāhatakappānaṃ, saṅghāṭi diguṇā siyā;
згажжияод̇д̇араасан̇г̇о, д̇ат̇аа анд̇араваасаго.
Ekacciyottarāsaṅgo, tathā antaravāsako.
45.
45.
уд̇уд̣̇д̇хадаана д̣̇уссаанам̣, сан̇гхаади жа жад̇уг̇г̇ун̣аа;
Utuddhaṭāna dussānaṃ, saṅghāṭi ca catugguṇā;
бхавзяяум̣ д̣̇иг̇ун̣аа сзсаа, бам̣сугуулз яат̇ааружи.
Bhaveyyuṃ diguṇā sesā, paṃsukūle yathāruci.
46.
46.
д̇ийсу д̣̇вз вааби згам̣ ваа, чинд̣̇ид̇аб̣б̣ам̣ баход̇и яам̣;
Tīsu dve vāpi ekaṃ vā, chinditabbaṃ pahoti yaṃ;
саб̣б̣зсу аббахонд̇зсу, анваад̇химаад̣̇иязяяа ваа;
Sabbesu appahontesu, anvādhimādiyeyya vā;
ажчиннан̃жа анаад̣̇ин̣н̣ам̣, на д̇хаарзяяа д̇ижийварам̣.
Acchinnañca anādiṇṇaṃ, na dhāreyya ticīvaraṃ.
47.
47.
г̇аамз нивзсанз уд̣̇д̣̇о-сид̇абаасаад̣̇ахаммияз;
Gāme nivesane uddo-sitapāsādahammiye;
наавааддамаал̣ааараамз, сад̇т̇акзд̇д̇акалз д̣̇умз.
Nāvāṭṭamāḷaārāme, satthakhettakhale dume.
48.
48.
аж̇жхогаасз вихаарз ваа, нигкибид̇ваа д̇ижийварам̣;
Ajjhokāse vihāre vā, nikkhipitvā ticīvaraṃ;
бхигкусаммуд̇ияаан̃н̃ад̇ра, виббавад̇т̇ум̣ на ваддад̇и.
Bhikkhusammutiyāññatra, vippavatthuṃ na vaṭṭati.
49.
49.
рог̇авассаанабарияанд̇аа, ган̣д̣ужчаад̣̇игасаадигаа;
Rogavassānapariyantā, kaṇḍucchādikasāṭikā;
д̇ад̇о барам̣ вигаббзяяа, сзсаа абарияанд̇игаа.
Tato paraṃ vikappeyya, sesā apariyantikā.
50.
50.
бажжад̇т̇аран̣а баригкаара-мукабун̃чанажол̣агам̣;
Paccattharaṇa parikkhāra-mukhapuñchanacoḷakaṃ;
д̣̇асам̣ бяарад̇д̇анаад̣̇ин̣н̣агаббам̣ лаб̣бхам̣ нисийд̣̇анам̣.
Dasaṃ pyarattanādiṇṇakappaṃ labbhaṃ nisīdanaṃ.
51.
51.
ад̣̇асам̣ раж̇ид̇ам̣язва, сзсажийварабан̃жагам̣;
Adasaṃ rajitaṃyeva, sesacīvarapañcakaṃ;
габбад̇аад̣̇ин̣н̣агаббам̣ва, сад̣̇асам̣ва нисийд̣̇анам̣.
Kappatādiṇṇakappaṃva, sadasaṃva nisīdanaṃ.
52.
52.
анад̇хидтид̇аниссадтам̣, габбзд̇ваа барибхун̃ж̇аяз;
Anadhiṭṭhitanissaṭṭhaṃ, kappetvā paribhuñjaye;
хад̇т̇ад̣̇ийгхам̣ д̇ад̇обад̣дха-вид̇т̇ааран̃жа вигаббияам̣.
Hatthadīghaṃ tatopaḍḍha-vitthārañca vikappiyaṃ.
53.
53.
д̇ижийварасса бхигкусса, саб̣б̣амзд̇ам̣ багаасид̇ам̣;
Ticīvarassa bhikkhussa, sabbametaṃ pakāsitaṃ;
баригкааражол̣ияо саб̣б̣ам̣, д̇ат̇аа вад̇ваа ад̇хидтад̇и.
Parikkhāracoḷiyo sabbaṃ, tathā vatvā adhiṭṭhati.
54.
54.
ажчзд̣̇ависсаж̇ж̇анаг̇аахавиб̣бхамаа ,
Acchedavissajjanagāhavibbhamā ,
бажжуд̣̇д̇харо мааран̣алин̇г̇асигкаа;
Paccuddharo māraṇaliṅgasikkhā;
саб̣б̣зсвад̇хидтаанавияог̇агааран̣аа,
Sabbesvadhiṭṭhānaviyogakāraṇā,
винивид̣̇д̇хачид̣̇д̣̇ан̃жа д̇ижийварасса.
Vinividdhachiddañca ticīvarassa.
55.
55.
гусаваагапалагаани, гамб̣алам̣ гзсаваалаж̇ам̣;
Kusavākaphalakāni, kambalaṃ kesavālajaṃ;
т̇уллажжаяам̣ д̇хаараяад̇олуугабагкааж̇инагкибз.
Thullaccayaṃ dhārayatolūkapakkhājinakkhipe.
56.
56.
гад̣̇алзрагаггад̣̇уссз, бод̇т̇агз жааби д̣̇уггадам̣;
Kadalerakakkadusse, potthake cāpi dukkaṭaṃ;
саб̣б̣анийлагаман̃ж̇здта-бийд̇алохид̇аган̣хагз.
Sabbanīlakamañjeṭṭha-pītalohitakaṇhake.
57.
57.
махааран̇г̇амахаанаама-ран̇г̇арад̇д̇з д̇ирийдагз;
Mahāraṅgamahānāma-raṅgaratte tirīṭake;
ажчиннад̣̇ийгхад̣̇асагз, палабубпад̣̇асз д̇ат̇аа;
Acchinnadīghadasake, phalapupphadase tathā;
ган̃жугз взтанз саб̣б̣ам̣, лабхад̇ижчиннажийварод̇и.
Kañcuke veṭhane sabbaṃ, labhaticchinnacīvaroti.
