| Library / Tipiṭaka / తిపిటక • Tipiṭaka / నేత్తిప్పకరణపాళి • Nettippakaraṇapāḷi |
నమో తస్స భగవతో అరహతో సమ్మాసమ్బుద్ధస్స
Namo tassa bhagavato arahato sammāsambuddhassa
ఖుద్దకనికాయే
Khuddakanikāye
నేత్తిప్పకరణపాళి
Nettippakaraṇapāḷi
౧. సఙ్గహవారో
1. Saṅgahavāro
యం లోకో పూజయతే, సలోకపాలో సదా నమస్సతి చ;
Yaṃ loko pūjayate, salokapālo sadā namassati ca;
తస్సేత సాసనవరం, విదూహి ఞేయ్యం నరవరస్స.
Tasseta sāsanavaraṃ, vidūhi ñeyyaṃ naravarassa.
ద్వాదస పదాని సుత్తం, తం సబ్బం బ్యఞ్జనఞ్చ అత్థో చ;
Dvādasa padāni suttaṃ, taṃ sabbaṃ byañjanañca attho ca;
తం విఞ్ఞేయ్యం ఉభయం, కో అత్థో బ్యఞ్జనం కతమం.
Taṃ viññeyyaṃ ubhayaṃ, ko attho byañjanaṃ katamaṃ.
హారా బ్యఞ్జనవిచయో, సుత్తస్స నయా తయో చ సుత్తత్థో;
Hārā byañjanavicayo, suttassa nayā tayo ca suttattho;
ఉభయం పరిగ్గహీతం, వుచ్చతి సుత్తం యథాసుత్తం.
Ubhayaṃ pariggahītaṃ, vuccati suttaṃ yathāsuttaṃ.
యా చేవ దేసనా యఞ్చ, దేసితం ఉభయమేవ విఞ్ఞేయ్యం;
Yā ceva desanā yañca, desitaṃ ubhayameva viññeyyaṃ;
తత్రాయమానుపుబ్బీ, నవవిధసుత్తన్తపరియేట్ఠీతి.
Tatrāyamānupubbī, navavidhasuttantapariyeṭṭhīti.
సఙ్గహవారో.
Saṅgahavāro.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / నేత్తిప్పకరణ-అట్ఠకథా • Nettippakaraṇa-aṭṭhakathā / ౧. సఙ్గహవారవణ్ణనా • 1. Saṅgahavāravaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / ఖుద్దకనికాయ (టీకా) • Khuddakanikāya (ṭīkā) / నేత్తిప్పకరణ-టీకా • Nettippakaraṇa-ṭīkā / ౧. సఙ్గహవారవణ్ణనా • 1. Saṅgahavāravaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / ఖుద్దకనికాయ (టీకా) • Khuddakanikāya (ṭīkā) / నేత్తివిభావినీ • Nettivibhāvinī / ౧. సఙ్గహవారఅత్థవిభావనా • 1. Saṅgahavāraatthavibhāvanā
