| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༥. སནྡིཊྛིཀདྷམྨསུཏྟཾ
5. Sandiṭṭhikadhammasuttaṃ
༤༦. ‘‘‘སནྡིཊྛིཀོ དྷམྨོ སནྡིཊྛིཀོ དྷམྨོ’ཏི, ཨཱཝུསོ, ཝུཙྩཏི། ཀིཏྟཱཝཏཱ ནུ ཁོ, ཨཱཝུསོ, སནྡིཊྛིཀོ དྷམྨོ ཝུཏྟོ བྷགཝཏཱ’’ཏི?
46. ‘‘‘Sandiṭṭhiko dhammo sandiṭṭhiko dhammo’ti, āvuso, vuccati. Kittāvatā nu kho, āvuso, sandiṭṭhiko dhammo vutto bhagavatā’’ti?
‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ॰… པཋམཾ ཛྷཱནཾ ཨུཔསམྤཛྫ ཝིཧརཏི། ཨེཏྟཱཝཏཱཔི ཁོ, ཨཱཝུསོ, སནྡིཊྛིཀོ དྷམྨོ ཝུཏྟོ བྷགཝཏཱ པརིཡཱཡེན…པེ॰…།
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati. Ettāvatāpi kho, āvuso, sandiṭṭhiko dhammo vutto bhagavatā pariyāyena…pe….
‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི། ཨེཏྟཱཝཏཱཔི ཁོ, ཨཱཝུསོ, སནྡིཊྛིཀོ དྷམྨོ ཝུཏྟོ བྷགཝཏཱ ནིཔྤརིཡཱཡེནཱ’’ཏི། པཉྩམཾ།
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, sandiṭṭhiko dhammo vutto bhagavatā nippariyāyenā’’ti. Pañcamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥-༡༠. སནྡིཊྛིཀདྷམྨསུཏྟཱདིཝཎྞནཱ • 5-10. Sandiṭṭhikadhammasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སམྦཱདྷསུཏྟཱདིཝཎྞནཱ • 1-10. Sambādhasuttādivaṇṇanā
