| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༦. སནྡིཊྛིཀནིབྦཱནསུཏྟཾ
6. Sandiṭṭhikanibbānasuttaṃ
༤༧. ‘‘‘སནྡིཊྛིཀཾ ནིབྦཱནཾ སནྡིཊྛིཀཾ ནིབྦཱན’ནྟི, ཨཱཝུསོ, ཝུཙྩཏི། ཀིཏྟཱཝཏཱ ནུ ཁོ, ཨཱཝུསོ, སནྡིཊྛིཀཾ ནིབྦཱནཾ ཝུཏྟཾ བྷགཝཏཱ’’ཏི?
47. ‘‘‘Sandiṭṭhikaṃ nibbānaṃ sandiṭṭhikaṃ nibbāna’nti, āvuso, vuccati. Kittāvatā nu kho, āvuso, sandiṭṭhikaṃ nibbānaṃ vuttaṃ bhagavatā’’ti?
‘‘ཨིདྷཱཝུསོ, བྷིཀྑུ ཝིཝིཙྩེཝ ཀཱམེཧི…པེ॰… པཋམཾ ཛྷཱནཾ ཨུཔསམྤཛྫ ཝིཧརཏི། ཨེཏྟཱཝཏཱཔི ཁོ, ཨཱཝུསོ, སནྡིཊྛིཀཾ ནིབྦཱནཾ ཝུཏྟཾ བྷགཝཏཱ པརིཡཱཡེན…པེ॰…།
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati. Ettāvatāpi kho, āvuso, sandiṭṭhikaṃ nibbānaṃ vuttaṃ bhagavatā pariyāyena…pe….
‘‘པུན ཙཔརཾ, ཨཱཝུསོ, བྷིཀྑུ སབྦསོ ནེཝསཉྙཱནཱསཉྙཱཡཏནཾ སམཏིཀྐམྨ སཉྙཱཝེདཡིཏནིརོདྷཾ ཨུཔསམྤཛྫ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི། ཨེཏྟཱཝཏཱཔི ཁོ, ཨཱཝུསོ, སནྡིཊྛིཀཾ ནིབྦཱནཾ ཝུཏྟཾ བྷགཝཏཱ ནིཔྤརིཡཱཡེནཱ’’ཏི། ཚཊྛཾ།
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ettāvatāpi kho, āvuso, sandiṭṭhikaṃ nibbānaṃ vuttaṃ bhagavatā nippariyāyenā’’ti. Chaṭṭhaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥-༡༠. སནྡིཊྛིཀདྷམྨསུཏྟཱདིཝཎྞནཱ • 5-10. Sandiṭṭhikadhammasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སམྦཱདྷསུཏྟཱདིཝཎྞནཱ • 1-10. Sambādhasuttādivaṇṇanā
