| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
सञ्चरित्तसमुट्ठानवण्णना
Sañcarittasamuṭṭhānavaṇṇanā
२६०. ‘‘सञ्चरी’’ति इदं ताव सञ्चरित्तं नाम एकसमुट्ठानसीसं, सेसानि तेन सदिसानि।
260. ‘‘Sañcarī’’ti idaṃ tāva sañcarittaṃ nāma ekasamuṭṭhānasīsaṃ, sesāni tena sadisāni.
विभङ्गे आगतेन ‘‘रिञ्चन्ती’’ति (पारा॰ ५७६) पदेन एळकलोमधोवापनसिक्खापदं उपलक्खित्वा वुत्तन्ति आह ‘‘विभङ्गे रिञ्चन्ति उद्देसन्ति आगत’’न्ति।
Vibhaṅge āgatena ‘‘riñcantī’’ti (pārā. 576) padena eḷakalomadhovāpanasikkhāpadaṃ upalakkhitvā vuttanti āha ‘‘vibhaṅge riñcanti uddesanti āgata’’nti.
‘‘याव द्वारकोसा अग्गळट्ठपनाय’’ इति (पाचि॰ १३५-१३६) च ‘‘अञ्ञातिकाय भिक्खुनिया चीवरं ददेय्य’’इति (पाचि॰ १६९) च ‘‘चीवरं सिब्बेय्य’’इति (पाचि॰ १७६-१७७) च वुत्तसिक्खापदत्तयन्ति योजना।
‘‘Yāva dvārakosā aggaḷaṭṭhapanāya’’ iti (pāci. 135-136) ca ‘‘aññātikāya bhikkhuniyā cīvaraṃ dadeyya’’iti (pāci. 169) ca ‘‘cīvaraṃ sibbeyya’’iti (pāci. 176-177) ca vuttasikkhāpadattayanti yojanā.
‘‘समणचीवरेन चा’’ति एवं वचनं वुत्तन्ति सम्बन्धो। ‘‘समणचीवरं ददेय्या’’ति इदं (पाचि॰ ९१७) वचनं सन्धायाति सम्बन्धो।
‘‘Samaṇacīvarena cā’’ti evaṃ vacanaṃ vuttanti sambandho. ‘‘Samaṇacīvaraṃ dadeyyā’’ti idaṃ (pāci. 917) vacanaṃ sandhāyāti sambandho.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi / ३. सञ्चरित्तसमुट्ठानं • 3. Sañcarittasamuṭṭhānaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / सञ्चरित्तसमुट्ठानवण्णना • Sañcarittasamuṭṭhānavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / समुट्ठानसीसवण्णना • Samuṭṭhānasīsavaṇṇanā
