| Library / Tipiṭaka / तिपिटक • Tipiṭaka / परिवारपाळि • Parivārapāḷi |
३. सञ्चरित्तसमुट्ठानं
3. Sañcarittasamuṭṭhānaṃ
२६०.
260.
सञ्चरी कुटि विहारो, धोवनञ्च पटिग्गहो।
Sañcarī kuṭi vihāro, dhovanañca paṭiggaho;
विञ्ञत्तुत्तरि अभिहट्ठुं, उभिन्नं दूतकेन च॥
Viññattuttari abhihaṭṭhuṃ, ubhinnaṃ dūtakena ca.
कोसिया सुद्धद्वेभागा, छब्बस्सानि निसीदनं।
Kosiyā suddhadvebhāgā, chabbassāni nisīdanaṃ;
रिञ्चन्ति रूपिका चेव, उभो नानप्पकारका॥
Riñcanti rūpikā ceva, ubho nānappakārakā.
ऊनबन्धनवस्सिका, सुत्तं विकप्पनेन च।
Ūnabandhanavassikā, suttaṃ vikappanena ca;
रतनं सूचि मञ्चो च, तूलं निसीदनकण्डु च।
Ratanaṃ sūci mañco ca, tūlaṃ nisīdanakaṇḍu ca;
वस्सिका च सुगतेन, विञ्ञत्ति अञ्ञं चेतापना॥
Vassikā ca sugatena, viññatti aññaṃ cetāpanā.
द्वे सङ्घिका महाजनिका, द्वे पुग्गललहुका गरु।
Dve saṅghikā mahājanikā, dve puggalalahukā garu;
द्वे विघासा साटिका च, समणचीवरेन च॥
Dve vighāsā sāṭikā ca, samaṇacīvarena ca.
समपञ्ञासिमे धम्मा, छहि ठानेहि जायरे।
Samapaññāsime dhammā, chahi ṭhānehi jāyare;
कायतो न वाचाचित्ता, वाचतो न कायमना॥
Kāyato na vācācittā, vācato na kāyamanā.
छसमुट्ठानिका एते, सञ्चरित्तेन सादिसा॥
Chasamuṭṭhānikā ete, sañcarittena sādisā.
सञ्चरित्तसमुट्ठानं निट्ठितं।
Sañcarittasamuṭṭhānaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / सञ्चरित्तसमुट्ठानवण्णना • Sañcarittasamuṭṭhānavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / समुट्ठानसीसवण्णना • Samuṭṭhānasīsavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / सञ्चरित्तसमुट्ठानवण्णना • Sañcarittasamuṭṭhānavaṇṇanā
