| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. དུཏིཡཝགྒོ
2. Dutiyavaggo
༡. སནངྐུམཱརསུཏྟཾ
1. Sanaṅkumārasuttaṃ
༡༨༢. ཨེཝཾ མེ སུཏཾ – ཨེཀཾ སམཡཾ བྷགཝཱ རཱཛགཧེ ཝིཧརཏི སཔྤིནཱིཏཱིརེ། ཨཐ ཁོ བྲཧྨཱ སནངྐུམཱརོ ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞོ ཀེཝལཀཔྤཾ སཔྤིནཱིཏཱིརཾ ཨོབྷཱསེཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི། ཨེཀམནྟཾ ཋིཏོ ཁོ བྲཧྨཱ སནངྐུམཱརོ བྷགཝཏོ སནྟིཀེ ཨིམཾ གཱཐཾ ཨབྷཱསི –
182. Evaṃ me sutaṃ – ekaṃ samayaṃ bhagavā rājagahe viharati sappinītīre. Atha kho brahmā sanaṅkumāro abhikkantāya rattiyā abhikkantavaṇṇo kevalakappaṃ sappinītīraṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho brahmā sanaṅkumāro bhagavato santike imaṃ gāthaṃ abhāsi –
‘‘ཁཏྟིཡོ སེཊྛོ ཛནེཏསྨིཾ, ཡེ གོཏྟཔཊིསཱརིནོ།
‘‘Khattiyo seṭṭho janetasmiṃ, ye gottapaṭisārino;
ཝིཛྫཱཙརཎསམྤནྣོ, སོ སེཊྛོ དེཝམཱནུསེ’’ཏི༎
Vijjācaraṇasampanno, so seṭṭho devamānuse’’ti.
ཨིདམཝོཙ བྲཧྨཱ སནངྐུམཱརོ། སམནུཉྙོ སཏྠཱ ཨཧོསི། ཨཐ ཁོ བྲཧྨཱ སནངྐུམཱརོ ‘‘སམནུཉྙོ མེ སཏྠཱ’’ཏི བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ ཏཏྠེཝནྟརདྷཱཡཱིཏི།
Idamavoca brahmā sanaṅkumāro. Samanuñño satthā ahosi. Atha kho brahmā sanaṅkumāro ‘‘samanuñño me satthā’’ti bhagavantaṃ abhivādetvā padakkhiṇaṃ katvā tatthevantaradhāyīti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. སནངྐུམཱརསུཏྟཝཎྞནཱ • 1. Sanaṅkumārasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. སནངྐུམཱརསུཏྟཝཎྞནཱ • 1. Sanaṅkumārasuttavaṇṇanā
