| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. དུཏིཡཝགྒོ
2. Dutiyavaggo
༡. སནངྐུམཱརསུཏྟཝཎྞནཱ
1. Sanaṅkumārasuttavaṇṇanā
༡༨༢. པོརཱཎཀཏྟཱཏི ནིབྦཏྟིཏྭཱ ཙིརཀཱལཏྟཱ། ཛཱཏཏྟཱ ཛནོ, ཏཾ ཨིཏོ ཛནེཏོ, ཏསྨིཾ། ཁཏྟིཡོ སེཊྛོ ལོཀམརིཡཱདཔརིཔཱལནཱདིནཱ སམྨཱཔཊིཔཏྟིཡཾ སཏྟཱནཾ ནིཡོཛནེན བཧུཀཱརཏྟཱ། སོ ཧི པརེ ཏཐཱ པཊིཔཱདེནྟོ སཡམྤི ཏཏྠ པཏིཊྛིཏོཡེཝ ཧོཏཱིཏི སེཊྛོ ཝུཏྟོ། པཊིཔཀྑཝིཛ྄ཛྷནཊྛེན པུབྦེནིཝཱསཱདཱིནཾ ཝིདིཏཀརཎཊྛེན ཝིཛྫཱཏི། སདྡྷཱཧིརོཏྟཔྤབཱཧུསཙྩཝཱིརིཡསཏིཔཉྙཱཏི ཨིམེ སཏྟ སདྡྷམྨཱ། ཙརནྟི ཨགཏཔུབྦཾ དིསཾ ཨེཏེཧཱིཏི ཙརཎཱནི, སཱིལཱདཡོ པནྣརས དྷམྨཱ།
182.Porāṇakattāti nibbattitvā cirakālattā. Jātattā jano, taṃ ito janeto, tasmiṃ. Khattiyo seṭṭho lokamariyādaparipālanādinā sammāpaṭipattiyaṃ sattānaṃ niyojanena bahukārattā. So hi pare tathā paṭipādento sayampi tattha patiṭṭhitoyeva hotīti seṭṭho vutto. Paṭipakkhavijjhanaṭṭhena pubbenivāsādīnaṃ viditakaraṇaṭṭhena vijjāti. Saddhāhirottappabāhusaccavīriyasatipaññāti ime satta saddhammā. Caranti agatapubbaṃ disaṃ etehīti caraṇāni, sīlādayo pannarasa dhammā.
སནངྐུམཱརསུཏྟཝཎྞནཱ ནིཊྛིཏཱ།
Sanaṅkumārasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. སནངྐུམཱརསུཏྟཾ • 1. Sanaṅkumārasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. སནངྐུམཱརསུཏྟཝཎྞནཱ • 1. Sanaṅkumārasuttavaṇṇanā
