| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
(༡༤) ༤. པུགྒལཝགྒོ
(14) 4. Puggalavaggo
༡. སཾཡོཛནསུཏྟཝཎྞནཱ
1. Saṃyojanasuttavaṇṇanā
༡༣༡. ཙཏུཏྠསྶ པཋམེ ཨུཔཔཏྟིཔཊིལཱབྷིཡཱནཱིཏི ཡེཧི ཨནནྟརཱ ཨུཔཔཏྟིཾ པཊིལབྷཏི། བྷཝཔཊིལཱབྷིཡཱནཱིཏི ཨུཔཔཏྟིབྷཝསྶ པཊིལཱབྷཱཡ པཙྩཡཱནི། སཀདཱགཱམིསྶཱཏི ཨིདཾ ཨཔྤཧཱིནསཾཡོཛནེསུ ཨརིཡེསུ ཨུཏྟམཀོཊིཡཱ གཧིཏཾ། ཡསྨཱ པན ཨནྟརཱཔརིནིབྦཱཡིསྶ ཨནྟརཱ ཨུཔཔཏྟི ནཏྠི, ཡཾ པན སོ ཏཏྠ ཛྷཱནཾ སམཱཔཛྫཏི, ཏཾ ཀུསལཏྟཱ ‘‘ཨུཔཔཏྟིབྷཝསྶ པཙྩཡོ’’ ཏེཝ སངྑྱཾ གཙྪཏི། ཏསྨཱསྶ ‘‘ཨུཔཔཏྟིཔཊིལཱབྷིཡཱནི སཾཡོཛནཱནི པཧཱིནཱནི, བྷཝཔཊིལཱབྷིཡཱནི སཾཡོཛནཱནི ཨཔྤཧཱིནཱནཱི’’ཏི ཝུཏྟཾ། ཨོརམྦྷཱགིཡེསུ ཙ ཨཔྤཧཱིནཾ ཨུཔཱདཱཡ སཀདཱགཱམིསྶ ཨཝིསེསེན ‘‘ཨོརམྦྷཱགིཡཱནི སཾཡོཛནཱནི ཨཔྤཧཱིནཱནཱི’’ཏི ཝུཏྟཾ། སེསམེཏྠ ཨུཏྟཱནམེཝ།
131. Catutthassa paṭhame upapattipaṭilābhiyānīti yehi anantarā upapattiṃ paṭilabhati. Bhavapaṭilābhiyānīti upapattibhavassa paṭilābhāya paccayāni. Sakadāgāmissāti idaṃ appahīnasaṃyojanesu ariyesu uttamakoṭiyā gahitaṃ. Yasmā pana antarāparinibbāyissa antarā upapatti natthi, yaṃ pana so tattha jhānaṃ samāpajjati, taṃ kusalattā ‘‘upapattibhavassa paccayo’’ teva saṅkhyaṃ gacchati. Tasmāssa ‘‘upapattipaṭilābhiyāni saṃyojanāni pahīnāni, bhavapaṭilābhiyāni saṃyojanāni appahīnānī’’ti vuttaṃ. Orambhāgiyesu ca appahīnaṃ upādāya sakadāgāmissa avisesena ‘‘orambhāgiyāni saṃyojanāni appahīnānī’’ti vuttaṃ. Sesamettha uttānameva.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. སཾཡོཛནསུཏྟཾ • 1. Saṃyojanasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡. སཾཡོཛནསུཏྟཝཎྞནཱ • 1. Saṃyojanasuttavaṇṇanā
