| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂. သံယောဇနပဟာနသုတ္တံ
2. Saṃyojanapahānasuttaṃ
၅၄. ‘‘ကထံ နု ခော, ဘန္တေ, ဇာနတော, ကထံ ပသ္သတော, သံယောဇနာ ပဟီယန္တီ’’တိ? ‘‘စက္ခုံ ခော, ဘိက္ခု, အနိစ္စတော ဇာနတော ပသ္သတော သံယောဇနာ ပဟီယန္တိ။ ရူပေ။ စက္ခုဝိညာဏံ။ စက္ခုသမ္ဖသ္သံ။ ယမ္ပိဒံ စက္ခုသမ္ဖသ္သပစ္စယာ ဥပ္ပဇ္ဇတိ ဝေဒယိတံ သုခံ ဝာ ဒုက္ခံ ဝာ အဒုက္ခမသုခံ ဝာ တမ္ပိ အနိစ္စတော ဇာနတော ပသ္သတော သံယောဇနာ ပဟီယန္တိ။ သောတံ။ ဃာနံ။ ဇိဝ္ဟံ။ ကာယံ။ မနံ။ ဓမ္မေ။ မနောဝိညာဏံ။ မနောသမ္ဖသ္သံ။ ယမ္ပိဒံ မနောသမ္ဖသ္သပစ္စယာ ဥပ္ပဇ္ဇတိ ဝေဒယိတံ သုခံ ဝာ ဒုက္ခံ ဝာ အဒုက္ခမသုခံ ဝာ တမ္ပိ အနိစ္စတော ဇာနတော ပသ္သတော သံယောဇနာ ပဟီယန္တိ။ ဧဝံ ခော, ဘိက္ခု, ဇာနတော ဧဝံ ပသ္သတော သံယောဇနာ ပဟီယန္တီ’’တိ။ ဒုတိယံ။
54. ‘‘Kathaṃ nu kho, bhante, jānato, kathaṃ passato, saṃyojanā pahīyantī’’ti? ‘‘Cakkhuṃ kho, bhikkhu, aniccato jānato passato saṃyojanā pahīyanti. Rūpe… cakkhuviññāṇaṃ… cakkhusamphassaṃ… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato saṃyojanā pahīyanti. Sotaṃ… ghānaṃ… jivhaṃ… kāyaṃ… manaṃ… dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato saṃyojanā pahīyanti. Evaṃ kho, bhikkhu, jānato evaṃ passato saṃyojanā pahīyantī’’ti. Dutiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. အဝိဇ္ဇာဝဂ္ဂဝဏ္ဏနာ • 6. Avijjāvaggavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. အဝိဇ္ဇာဝဂ္ဂဝဏ္ဏနာ • 6. Avijjāvaggavaṇṇanā
