| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၃. သံယောဇနသမုဂ္ဃာတသုတ္တံ
3. Saṃyojanasamugghātasuttaṃ
၅၅. ‘‘ကထံ နု ခော, ဘန္တေ, ဇာနတော, ကထံ ပသ္သတော သံယောဇနာ သမုဂ္ဃာတံ ဂစ္ဆန္တီ’’တိ? ‘‘စက္ခုံ ခော, ဘိက္ခု, အနတ္တတော ဇာနတော ပသ္သတော သံယောဇနာ သမုဂ္ဃာတံ ဂစ္ဆန္တိ။ ရူပေ အနတ္တတော။ စက္ခုဝိညာဏံ။ စက္ခုသမ္ဖသ္သံ။ ယမ္ပိဒံ စက္ခုသမ္ဖသ္သပစ္စယာ ဥပ္ပဇ္ဇတိ ဝေဒယိတံ သုခံ ဝာ ဒုက္ခံ ဝာ အဒုက္ခမသုခံ ဝာ တမ္ပိ အနတ္တတော ဇာနတော ပသ္သတော သံယောဇနာ သမုဂ္ဃာတံ ဂစ္ဆန္တိ။ သောတံ။ ဃာနံ။ ဇိဝ္ဟံ။ ကာယံ။ မနံ။ ဓမ္မေ။ မနောဝိညာဏံ။ မနောသမ္ဖသ္သံ။ ယမ္ပိဒံ မနောသမ္ဖသ္သပစ္စယာ ဥပ္ပဇ္ဇတိ ဝေဒယိတံ သုခံ ဝာ ဒုက္ခံ ဝာ အဒုက္ခမသုခံ ဝာ တမ္ပိ အနတ္တတော ဇာနတော ပသ္သတော သံယောဇနာ သမုဂ္ဃာတံ ဂစ္ဆန္တိ။ ဧဝံ ခော, ဘိက္ခု, ဇာနတော ဧဝံ ပသ္သတော သံယောဇနာ သမုဂ္ဃာတံ ဂစ္ဆန္တီ’’တိ။ တတိယံ။
55. ‘‘Kathaṃ nu kho, bhante, jānato, kathaṃ passato saṃyojanā samugghātaṃ gacchantī’’ti? ‘‘Cakkhuṃ kho, bhikkhu, anattato jānato passato saṃyojanā samugghātaṃ gacchanti. Rūpe anattato… cakkhuviññāṇaṃ… cakkhusamphassaṃ… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato saṃyojanā samugghātaṃ gacchanti. Sotaṃ… ghānaṃ… jivhaṃ… kāyaṃ… manaṃ… dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato saṃyojanā samugghātaṃ gacchanti. Evaṃ kho, bhikkhu, jānato evaṃ passato saṃyojanā samugghātaṃ gacchantī’’ti. Tatiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. အဝိဇ္ဇာဝဂ္ဂဝဏ္ဏနာ • 6. Avijjāvaggavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. အဝိဇ္ဇာဝဂ္ဂဝဏ္ဏနာ • 6. Avijjāvaggavaṇṇanā
