| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
46. сам̣варанид̣̇д̣̇зсаван̣н̣анаа
46. Saṃvaraniddesavaṇṇanā
453. жагкусод̇аад̣̇ибхзд̣̇зхийд̇и (д̣̇ий. ни. 1.213, 454; ма. ни. 1.411; а. ни. 4.198; д̇ха. са. 1352-1354; махаани. 196) жагкусод̇агхаанаж̇ивхаагааяаманасан̇каад̇зхи чахи инд̣̇риязхийд̇и ад̇т̇о. руубасад̣̇д̣̇аад̣̇иг̇ожарзд̇и руубасад̣̇д̣̇аг̇анд̇харасаподтаб̣б̣ад̇хаммасан̇каад̇зсу часу г̇ожарзсууд̇и ад̇т̇о. зд̇т̇а бана хад̇т̇абаад̣̇ахасид̇агат̇ид̇авилогид̇аад̣̇ибхзд̣̇ам̣ субхаагаарам̣ г̇ахзд̇ваа аяонисо манаси гаронд̇асса абхиж̇жхаа уббаж̇ж̇ад̇и. ‘‘анад̇т̇ам̣ мз ажари, жарад̇и, жариссад̇ий’’д̇иаад̣̇инаа (бари. адта. 329) наязна бадигханимид̇д̇ам̣ г̇ахзд̇ваа аяонисо манаси гаронд̇асса б̣яаабаад̣̇о уббаж̇ж̇ад̇и. зд̇т̇а бана ид̇т̇ибурисанимид̇д̇ам̣ ваа субханимид̇д̇аад̣̇игам̣ гилзсавад̇т̇убхууд̇ам̣ нимид̇д̇ам̣ аг̇г̇ан̣хид̇ваа д̣̇идтз д̣̇идтамад̇д̇аад̣̇инаа бадибаж̇ж̇ид̇ваа асубханимид̇д̇з яонисо манасигаарам̣ б̣ахулийгаронд̇асса абхиж̇жхааяа бахаанам̣ ход̇и. ‘‘анад̇т̇ам̣ мз ажари, д̇ам̣ гуд̇зд̇т̇а лаб̣бхаа’’д̇иаад̣̇инаа ваа мзд̇д̇аабхааванаад̣̇ивасзна ваа яонисо манаси гаронд̇асса б̣яаабаад̣̇аббахаанам̣ ход̇и. звамид̣̇ам̣ сан̇кзбад̇о руубаад̣̇ийсу гилзсаануб̣анд̇ханимид̇д̇аад̣̇иг̇г̇аахабариваж̇ж̇аналагкан̣ам̣ инд̣̇рияасам̣варасийланд̇и взд̣̇ид̇аб̣б̣ам̣.
453.Cakkhusotādibhedehīti (dī. ni. 1.213, 454; ma. ni. 1.411; a. ni. 4.198; dha. sa. 1352-1354; mahāni. 196) cakkhusotaghānajivhākāyamanasaṅkhātehi chahi indriyehīti attho. Rūpasaddādigocareti rūpasaddagandharasaphoṭṭhabbadhammasaṅkhātesu chasu gocaresūti attho. Ettha pana hatthapādahasitakathitavilokitādibhedaṃ subhākāraṃ gahetvā ayoniso manasi karontassa abhijjhā uppajjati. ‘‘Anatthaṃ me acari, carati, carissatī’’tiādinā (pari. aṭṭha. 329) nayena paṭighanimittaṃ gahetvā ayoniso manasi karontassa byāpādo uppajjati. Ettha pana itthipurisanimittaṃ vā subhanimittādikaṃ kilesavatthubhūtaṃ nimittaṃ aggaṇhitvā diṭṭhe diṭṭhamattādinā paṭipajjitvā asubhanimitte yoniso manasikāraṃ bahulīkarontassa abhijjhāya pahānaṃ hoti. ‘‘Anatthaṃ me acari, taṃ kutettha labbhā’’tiādinā vā mettābhāvanādivasena vā yoniso manasi karontassa byāpādappahānaṃ hoti. Evamidaṃ saṅkhepato rūpādīsu kilesānubandhanimittādiggāhaparivajjanalakkhaṇaṃ indriyasaṃvarasīlanti veditabbaṃ.
454.
454.
ниг̇г̇ан̣хзяяаад̇и ниваарзяяа;
Niggaṇheyyāti nivāreyya;
‘‘яаани сод̇аани логасмим̣; (аж̇ид̇аад̇и бхаг̇аваа,)
‘‘Yāni sotāni lokasmiṃ; (Ajitāti bhagavā,)
сад̇и д̇зсам̣ нивааран̣ам̣;
Sati tesaṃ nivāraṇaṃ;
сод̇аанам̣ сам̣варам̣ б̣рууми;
Sotānaṃ saṃvaraṃ brūmi;
бан̃н̃ааязд̇з бид̇хияяарз’’д̇и –. (су. ни. 1041);
Paññāyete pidhiyyare’’ti –. (su. ni. 1041);
вуд̇д̇ад̇д̇аа ‘‘сад̇имаа самбаж̇аано ваа’’д̇и вуд̇д̇ам̣. зд̇т̇а бана жад̇уб̣б̣ид̇хам̣ самбаж̇ан̃н̃ам̣ саад̇т̇агасаббааяаг̇ожараасаммохавасзна. сам̣варавинижчаяо.
Vuttattā ‘‘satimā sampajāno vā’’ti vuttaṃ. Ettha pana catubbidhaṃ sampajaññaṃ sātthakasappāyagocaraasammohavasena. Saṃvaravinicchayo.
сам̣варанид̣̇д̣̇зсаван̣н̣анаа нидтид̇аа.
Saṃvaraniddesavaṇṇanā niṭṭhitā.
